ព័ត៌មានជាតិ
ក្រសួងសុខាភិបាលឲ្យប្រយ័ត្ន៖ អាហារកកៗក្លាសេ ក៏មានលទ្ធផលឆ្លងកូវីដ១៩ដែរ
ភ្នំពេញ៖ ក្រសួងសុខាភិបាលបានអះអាងថា មានការសិក្សាខ្លះបង្ហាញថាវីរុសកូវីដ១៩ អាចរស់នៅអាហារកកៗ បើទោះបីជាវីរុសនេះមិនអាចបង្កើតកូនចៅក្នុងចំណីអាហារក៏ដោយ។
ក្រសួងសុខាភិបាលបានបន្តថា បុគ្គលអាចមិនឆ្លងវីរុសកូវីដ១៩ពីចំណីអាហារ ឬចំណីអាហារវេចខ្ចប់ប្រសិនបើបានអនុវត្តវិធានការអនាម័យចំអិនអាហារ ឱ្យបានជាប់ជានិច្ចនោះ។
លោកសាស្រ្ដាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានណែនាំដល់ប្រជាពលរដ្ឋ អនុវត្តកូនសោរគន្លឹះ៥យ៉ាង ដើម្បីធ្វើឱ្យចំណីអាហារមានសុវត្ថិភាពល្អសំដៅចូលរួមទប់ស្កាត់ជំងឺកូវីដ១៩។
លោករដ្ឋមន្ត្រីបានមានប្រសាសន៍ថា សោរគន្លឹះទាំង៥យ៉ាងនោះរួមមាន៖
ទី១. រក្សាអនាម័យ លាងសម្អាតដៃឱ្យបានញឹកញាប់ ជាមួយសាប៊ូនិងទឹកស្អាតឬទឹកអាកុលលាងដៃ ឬលាងដៃមុននិងក្រោយចាប់កាន់ចំណីអាហារម្ហូបអាហារកក សាច់ឬអាហារស្រស់បន្លែផ្លែឈើជាដើម និងសម្អាតជាមួយសាប៊ូនិងទឹកស្អាតឬជួតសំអាតវត្ថុនិងផ្ទៃនានាដែលសង្ស័យថាមានប្រឡាក់ឱ្យបានស្អាតជានិច្ច។
ទី២. ទុកដាក់អាហារឆៅនិងឆ្អិនឱ្យដាច់ដោយឡែកពីគ្នា។
ទី៣.ចម្អិនអាហារឲ្យបានឆ្អិនល្អជាពិសេសសាច់សត្វស្លាបស៊ុតអាហារសមុទ្រនិងអាហារដែលយកចេញពីការបង្កកចៀសវាងការចម្លងវីរុសឬមេរោគជាយថាហេតុ។
ទី៤.មិនត្រូវរក្សាទុកអាហារជាច្រើនថ្ងៃទោះជាស្ថិតក្នុងកម្រិតសីតុណ្ហភាពសុវត្ថិភាពក៏ដោយដោយបើយើងអាចរក្សាទុកអាហារក្នុងប្រព័ន្ធត្រជាក់គឺត្រូវឱ្យនៅក្រោមសីតុណ្ហភាព៥ អង្សារទេ។ បើយើងរក្សាទុកអាហារក្នុងប្រព័ន្ធកម្ដៅគឺត្រូវឲ្យលើសពីសីតុណ្ហភាព៦០ អង្សាសេ។
ទី៥. ប្រើប្រាស់ទឹកនិងវត្ថុធាតុដើមដែលមានសុវត្ថិភាព។
ក្រសួងសុខាភិបាលសូមក្រើនរំលឹកដល់សាធារណជនទាំងអស់ ជាពិសេសយុវវ័យគ្រប់រូបឱ្យបន្ត ប្រុងប្រយ័ត្នខ្ពស់ការពារជានិច្ច កុំភ្លេចខ្លួនឲ្យសោះដោយត្រូវចេះផ្លាស់ប្ដូរទម្លាប់រស់នៅរបស់ខ្លួន ឱ្យស្របតាមការរៀនរស់ជាមួយវត្តមានវីរុសកូវីដ១៩ តាមបែបគន្លងថ្មីក្នុងបរិបទប្រយុទ្ធនឹងជំងឺកូវីដ១៩ សំដៅបង្ការគ្រប់គ្រងនិងកាត់ផ្ដាច់នូវខ្សែចម្លងនូវមេរោគកូវីដ១៩ និងបន្តការអនុវត្តឲ្យបានខ្ជាប់ខ្ជួននូវវិធានការ៣ការពារនិង៣កុំ។
ជាមួយគ្នានេះដែរ កុំទៅកាន់កន្លែងមនុស្សជួបជុំអ៊ូរអរគ្នាច្រើន កន្លែងមនុស្សនៅជិតគ្នានឹងកន្លែងដែលបិទជិតព្រោះជាទីតាំងមានហានិភ័យឆ្លងខ្ពស់បំផុតដូចជាជួបជុំគ្នាដើម្បីទទួលទានបាយរួមគ្នាឬបង្កឲ្យមានការជួបជុំពិធីភ្ជាប់ពាក្យឬពិធីបុណ្យទានអ្វីមួយដែរនឹងកាត់បន្ថយការធ្វើដំណើរចល័តឬនៅផ្ទះប្រសិនបើមិនមានភារកិច្ចចាំបាច់ត្រូវចេញក្រៅផ្ទះ៕
អត្ថបទសំអឿន៖
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល