ព័ត៌មានជាតិ

នាយកដ្ឋានរៀបចំព្រឹត្តិការណ៍ បើកវគ្គបណ្ដុះបណ្ដាលព័ត៌មានវិទ្យា ៤ថ្ងៃពង្រឹងសមត្ថភាពស្រង់ទិន្នន័យ និងស្ថិតិកីឡា

បានផុស

៥ ខែ មុន

នៅ

ថ្ងៃអង្គារ ៣ មីនា ២០២៦

ដោយ

នៅព្រឹកថ្ងៃទី៣ ខែមីនា ឆ្នាំ២០២៦ នេះនាយកដ្ឋានរៀបចំព្រឹត្តិការណ៍ បានបើកវគ្គបណ្ដុះបណ្ដាលស្ដីពី «ការប្រើប្រាស់ព័ត៌មានវិទ្យា ដើម្បីពង្រឹងសមត្ថភាពស្រង់ទិន្នន័យ និងស្ថិតិកីឡា» រយៈពេល ៤ថ្ងៃនៅវិមានពហុកីឡដ្ឋានជាតិដោយមានសិក្ខាកាមចូលរួមសរុប ៨០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពបើកវគ្គ

កញ្ញា គីន សំណាង អនុប្រធាននាយកដ្ឋានរៀបចំព្រឹត្តិការណ៍ និងស្ថិតិកីឡា បានលើកឡើងថា វគ្គបណ្ដុះបណ្ដាលនេះរៀបចំឡើងក្នុងគោលបំណងពង្រឹងសមត្ថភាពសិក្ខាកាម ទី១ បានស្វែងយល់ពីមូលដ្ឋានគ្រឹះនៃការស្រង់ទិន្នន័យ និងស្ថិតិកីឡា ទី២ បានស្វែងយល់ពីការកំណត់ប្រភេទទិន្នន័យ សម្រិតសម្រាំងទិន្នន័យ ចងក្រងទិន្នន័យ និងការសរសេរកម្រងសំនួរសម្រាប់ចុះស្រង់ទិន្នន័យ ទី៣ សិក្សាមូលដ្ឋានគ្រឹះអំពីការបង្កើតឧបករណ៍ស្រង់ទិន្នន័យ ទី៤ បានស្វែងយល់ពីបរិបទក្នុងការធ្វើការងារដោយប្រើប្រាស់បច្ចេកវិទ្យាទំនើបដូចជាការប្រើប្រាស់កម្មវិធីទំនាក់ទំនង និងការគ្រប់គ្រងការងារ ទី៥ ការប្រើប្រាស់កម្មវិធី SPSS ក្នុងការវិភាគទិន្នន័យ និងទី៦ ការសិក្សាពីការរចនារូបភាពកម្រិតដំបូងតាមវិធីសាស្ត្រងាយៗជាដើម។

លោក វ៉ាត់ ចំរើន រដ្ឋលេខាធិការក្រសួងអប់រំ

អនុប្រធាននាយកដ្ឋានខាងលើនេះ សង្ឃឹមថាវគ្គបណ្ដុះបណ្ដាលនេះសិក្ខាកាមទាំងអស់នឹងទទួលបានចំណេះដឹងផ្នែកឌីជីថលកាន់តែប្រសើរជាពិសេសសមត្ថភាពក្នុងការប្រើប្រាស់កម្មវិធី SPSS ដើម្បីរៀបចំរបាយការណ៍ស្ថិតិកីឡាប្រកបដោយភាពសុក្រិត និងវិទ្យាសាស្ត្រឆ្លើយតបទៅនឹងតម្រូវការការងារក្នុងយគសម័យបច្ចេកវិទ្យានេះ។

ទិដ្ឋភាពបើកវគ្គ

បញ្ជាក់ដែរថា វគ្គបណ្ដុះបណ្ដាលខាងលើនេះគឺមានរយៈ ៤ថ្ងៃចាប់ពីថ្ងៃទី៣ ដល់ ៦ ខែមីនា ឆ្នាំ២០២៦ នៅវិមានពហុកីឡដ្ឋានជាតិដោយមានសិក្ខាកាមចូលរួមសរុប ៨០នាក់ (ស្រី ៩នាក់)។ គ្រូឧទ្ទេសវគ្គនេះទទួលបន្ទុកតាមមេរៀនក្នុងនោះមានលោក ខៀវ ខេមរិន្ទ លោក ប៉ាន វិសាល និងអ្នកស្រី ចាន់ ហ្សាដាវីត៕