កីឡា
ស្វែងយល់ពីអតីតកីឡាករជម្រើសជាតិជប៉ុន Naotake Hanyu ដែលក្លឹបអង្គរថាយហ្គឺរ តែងតាំងជាទីប្រឹក្សារបស់ក្លឹប
ក្លឹបបាល់ទាត់អង្គរថាយហ្គឺរ (Angkor Tiger FC) សមាជិកលីគកំពូលកម្ពុជា Metfone Cambodian League បានប្រកាសតែងតាំងលោក Naotake Hanyu អតីតកីឡាករបាល់ទាត់ជម្រើសជាតិប្រទេសជប៉ុន ជាទីប្រឹក្សាក្លឹបចាប់ពីឆ្នាំ២០២១ តទៅ កាលពីពេលថ្មីៗ ខណៈតួនាទីនេះ លោកនឹងជួយជ្រោមជ្រែងក្លឹបលើការផ្ដល់យោបល់ផ្នែកបច្ចេកទេស ស្វែងរកកីឡាករ និងជួយផ្សព្វផ្សាយពីក្លឹបដល់អ្នកគាំទ្រនៅប្រទេសជប៉ុន។
លោក Yusuke Shinoda អ្នកចាត់ការក្លឹបអង្គរថាយហ្គឺរ បញ្ជាក់ប្រាប់អ្នកសារព័ត៌មានក្រោយ តែងតាំងក្បាលម៉ាស៊ីន ថ្មីនេះថា៖«គាត់ (Naotake Hanyu) នឹងជួយយើងលើការស្វែងរកកីឡាករ និងផ្ដល់ប្រឹក្សាលើបច្ចេកទេស ព្រមទាំងជួយផ្សព្វផ្សាយពីក្លឹបឲ្យគេស្គាល់កាន់តែច្រើននៅជប៉ុន។ គាត់ជាអតីតកីឡាករជម្រើសជាតិជប៉ុន និងធ្លាប់លេងជាមួយលោក Aki (ប្រធានក្លឹបអង្គរថាយហ្គឺរ បច្ចុប្បន្ន) កាលនៅជាសិស្សវិទ្យាល័យ។ សម្រាប់ខ្ញុំ ខ្ញុំពិតជាសប្បាយចិត្តដែលបានការរួមចំណែកពីគាត់ ដើម្បីអភិវឌ្ឍបាល់ទាត់នៅក្លឹបអង្គរថាយហ្គឺរ និងបាល់ទាត់កម្ពុជាទាំងមូល។ គាត់មានចំណេះដឹងច្រើនទាំងកីឡាករ និងគ្រូ ហើយក៏មានបណ្ដាញច្រើននៅជប៉ុន។ យើងសង្ឃឹមថា នឹងអាចកសាងអនាគតកាន់តែប្រសើរ ក្នុងការសហការជាមួយគាត់»។
ចំពោះលោក Naotake Hanyu មានវ័យ៤០ ឆ្នាំហើយ ដោយលោកធ្លាប់បានហ្វឹកហាត់ក្នុងក្រុមវិទ្យាល័យ Yachiyo High School ចន្លោះឆ្នាំ១៩៩៥ ដល់១៩៩៧ ហើយចាប់ពីឆ្នាំ១៩៩៨ ដល់២០០១ លោកបានចូលរួមក្នុងក្រុមសាកលវិទ្យាល័យ University of Tsukuba។ ក្នុងនាមជាខ្សែបម្រើបុរសកម្ពស់ ១,៦៧ម៉ែត្រ រូបនេះបានចុះកិច្ចសន្យាជាកីឡាករអាជីពចាប់ពីឆ្នាំ២០០២ ជាមួយក្រុម JEF United Ichihara កាលនោះជាសមាជិកលីគកំពូលជប៉ុន (J League) រហូតដល់ឆ្នាំ២០០៤។
ចាប់ពីឆ្នាំ២០១៥ ដល់២០១៧ រូបគេបានផ្ទេរទៅចូលរួមជាមួយក្រុមJEF United Chiba ដែលជាសមាជិកលីគកំពូលជប៉ុន នៅគ្រានោះ។ អំឡុងពេលចូលរួមក្រុមJEF United Chiba រូបគេក៏ជាផ្នែកមួយជួយក្រុមលើកពាន J.League Cup ឆ្នាំជាប់គ្នា គឺឆ្នាំ២០១៥ និង២០១៦ ផងដែរ។ ក្រោយមកចន្លោះឆ្នាំ២០០៨ ដល់២០១២ គេបានផ្ទេរទៅចូលរួមជាមួយក្រុម FC Tokyo ជាសមាជិកពានលីគកំពូលជប៉ុនដូចគ្នា។ នៅទីក្រុងតូក្យូ Naotake Hanyu បានជួយក្រុមឈ្នះជើងពាន Wmperor’s Cup 2011 ពានរង្វាន់ J.League Cup 2009 និងពាន J2 League 2011 ក្រោយក្រុមធ្លាក់ទៅលេងនៅពានលីគលំដាប់ទី២ នៅឆ្នាំ២០១១ នោះ។ នៅឆ្នាំ២០១៣ រូបគេបានទៅចូលរួមក្រុម Ventforet Kofu ម្តង ហើយក៏ត្រឡប់ទៅចូលរួមជាមួយក្រុម FC Tokyo វិញពីឆ្នាំ២០១៤ ដល់២០១៦ ហើយចុងក្រោយនៅឆ្នាំ២០១៧ រូបគេបានត្រឡប់ទៅបញ្ចប់អាជីពបាល់ទាត់វិញនៅក្រុមJEF United Chiba វិញគ្រា ដែលក្រុមធ្លាក់ទៅលេងនៅពានរង្វាន់លីគលំដាប់ទី២ J2 League ហើយក៏សម្រេចព្យួរស្បែកជើងតែម្តង ក្រោយបង្ហាញខ្លួនសរុបបាន៣៨៩ប្រកួត ព្រមទាំងទាត់បាល់បញ្ចូលទីបាន៣៤គ្រាប់។
ងាកមកកៅអីក្នុងក្រុមជម្រើសជាតិវិញ Naotake Hanyu ធ្លាប់បានកោះហៅចូលក្រុមជម្រើសជាតិបានចំនួន១៧ លើកនៅចន្លោះឆ្នាំ២០០៦ ដល់២០០៨ ហើយលោកក៏ជាផ្នែកមួយជួយក្រុមជម្រើសជាតិជប៉ុន ក្នុងបេសកកម្មប្រកួតជម្រុះពានជើងឯកទ្វីបអាស៊ី 2007 AFC Asian Cup qualification ក្នុងឆ្នាំ២០០៦ និងជួយក្រុមឈរចំណាត់ថ្នាក់លេខ៤ ក្នុងពានជើងឯកទ្វីបអាស៊ី2007 AFC Asian Cup ដែលប្រទេសឥណ្ឌូណេស៊ី ម៉ាឡេស៊ី ថៃ វៀតណាម សហការគ្នាធ្វើជាម្ចាស់ផ្ទះនៅឆ្នាំ ២០១៧៕
អត្ថបទ៖ ម៉េង ហួរ
កម្ពុជា លើកទឹកចិត្តឱ្យកាតា បណ្តាក់ទុនលើវិស័យកសិកម្មរបស់កម្ពុជា ដើម្បីបង្កើនការនាំចេញ
ក្រសួងព័ត៌មាន និងមជ្ឈមណ្ឌលអាស៊ាន-ចិន ពិភាក្សាពីការបង្កើនកិច្ចសហប្រតិបត្តិការប្រឆាំងព័ត៌មានក្លែងក្លាយ
AFP អំពាវនាវឱ្យជម្លៀសអ្នកកាសែតនៅហ្គាហ្សា ជាបន្ទាន់
សេចក្តីជូនដំណឹង ស្តីពី ការអញ្ជើញចូលរួមពិគ្រោះថ្លៃ ការងារជួសជុលកោសលាបថ្នាំ ចំនួន ១,៨២០ ម៉ែត្រការ៉េ ខាងក្នុងអគារមន្ទីរ និងការងារស្តារលូបង្គន់ ទំហំ ៦មx១០ម ចំនួន ២កន្លែង សម្រាប់ឆ្នាំ២០២៥ ជូនមន្ទីរកិច្ចការនារី ខេត្តព្រះសីហនុ
កម្លាំងជំនាញបន្តឃាត់ខ្លួនជនសង្ស័យពាក់ព័ន្ធករណីឆបោកតាមបណ្ដាញសង្គមដែលមានទំហំទឹកប្រាក់ជាង១០ម៉ឺនដុល្លារ
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
ដំបូង ថៃថា មីនដែលទាហានខ្លួនជាន់ ជាមីនចាស់ពិបាករាវរក ចុះម្តេចឥឡូវរកឃើញមីនថ្មីៗ ស្រួលម្ល៉េះ?
ថៃលេងល្បិចថ្មី នៅប្រាសាទតាមាន់ធំ ដើម្បីបោកអន្តរជាតិ
ភូមិភាគ២ថៃ ប្តូរវិធីសាស្រ្តល្បាត ប្រហែលខ្លាចជាន់មីន បង្កប់ដោយខ្លួនឯង
មេភូមិភាគ២ថៃកាន់តែព្រហើន ហ៊ានគំរាមបិទការចូលទស្សនាប្រាសាទតាមាន់ធំរបស់ខ្មែរ ៧ថ្ងៃ
-
ព័ត៌មានអន្ដរជាតិ៣ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ១ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៤ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា១ សប្តាហ៍ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ២ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៣ ម៉ោង agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង