ក្រុមអ្នកវិភាគ ព្យាករណ៍ ប្រទេស មួយនេះឈ្នះជើងឯកអឺរ៉ុបឆ្នាំនេះ

នៅថ្ងៃអង្គារនេះក្រុមបាល់ទាត់ជម្រើសជាតិ គោជល់អេស្ប៉ាញ នឹងត្រូវប្រឈមមុខជាមួយប្រទេសអ៊ីតាលី ខណៈនៅថ្ងៃពុធក្រុមតោកំណាចអង់គ្លេស នឹងជួបប្រទេសដាណឺម៉ាកនៅវគ្គពាក់កណ្ដាលផ្ដាច់ព្រ័ត្រពានរង្វាន់យូរ៉ូ ឆ្នាំ ២០២០ ។

ទន្ទឹមនោះ ម៉ាស៊ីនឆ្លាតវៃ Supercomputer បានព្យាករណ៍ថា ប្រទេសអង់គ្លេសនឹងឈានដល់វគ្គផ្តាច់ព្រ័ត្រពានរង្វាន់យូរ៉ូ ដែលនឹងធ្វើឡើងនាថ្ងៃទី ១១ ខែកក្កដា នៅឯកីឡដ្ឋាន Wembley នៃទីក្រុងឡុងដ៍ ។

យោងតាមការទស្សន៍ទាយរបស់ក្រុមអ្នកវិភាគ Stats Perform Euros បានឲ្យដឹងថា ក្រុមរបស់លោក Roberto Mancini មានឱកាសឈ្នះជើងឯកអឺរ៉ុបលើកទី ២ របស់ពួកគេចំនួន ៣៩.១ ភាគរយ ខណៈក្រុមតោកំណាចអង់គ្លេស មានឱកាសឈ្នះពានយូរ៉ូ ២៩.២ ភាគរយ ។

ចំណែកគោជល់អេស្ប៉ាញ និងដាណឺម៉ាក មានឱកាសឈ្នះជើងឯកអឺរ៉ុបចំនួន ២៣.១ ភាគរយដូចគ្នា ខណៈការព្យាករណ៍នេះធ្វើឡើងនៅមុនការប្រកួតរវាង អ៊ីតាលី ប៉ះ អេស្ប៉ាញ និងអង់គ្លេស ប៉ះ ដាណឺម៉ាក ក្នុងវគ្គពាក់កណ្តាលផ្តាច់ព្រ័ត្រ ។

គួរបញ្ជាក់ថា អង់គ្លេស មិនបានឈានដល់វគ្គផ្តាច់ព្រ័ត្រ ក្នុងព្រឹត្តិការណ៍បាល់ទាត់ធំៗណាមួយឡើយ ចាប់តាំងពីឈ្នះជើងឯក World Cup តែម្ដងគត់ក្នុងឆ្នាំ ១៩៦៦ ។ ចំណែកនៅព្រឹត្តិការណ៍បាល់ទាត់យូរ៉ូ ឆ្នាំ ២០២១ នេះ ប្រទេសអង់គ្លេសបានឈានដល់វគ្គពាក់កណ្តាលផ្តាច់ព្រ័ត្រ បន្ទាប់ពីបានទម្លាក់ក្រុមឥន្ទ្រីដែកអាល្លឺម៉ង់ និងអ៊ុយក្រែន ហើយបច្ចុប្បន្ន អង់គ្លេស ត្រូវបានគេមើលឃើញថាជា ប្រទេសដែលមានភាគរយខ្ពស់ឈ្នះពានអឺរ៉ុបឆ្នាំនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik