កីឡា
ពហុកីឡដ្ឋានជាតិមរតកតេជោ ធ្វើហើយ ១០០ភាគរយហើយ ដោយត្រៀមទទួលរៀបចំការប្រកួតបាល់ទាត់SUZUKI Cup នាចុងឆ្នាំនេះ
ពេលនេះ សំណង់ពហុកីឡដ្ឋានជាតិមរតកតេជោ បានលេចចេញជាសមិទ្ធផលពេញគ្រប់លក្ខណៈ សម្បត្តិទាំងអស់ មានន័យថា កាលពីពេលមុន យើងនៅសេស សល់ការបំពាក់កៅអីខ្លះៗ ទីលានរត់អត្តពលកម្មនិងទីលានបាល់ទាត់ ប៉ុន្តែឥឡូវនេះគឺធ្វើរួចរាល់ហើយតាមលំដាប់លំ ដោយនៃលក្ខណៈបច្ចេកទេស ត្រូវនឹងស្តង់ ដារនៃពហុកីឡដ្ឋានអន្តរជាតិហើយ។នេះជាការបញ្ជាក់របស់លោក វ៉ាត់ ចំរើន អគ្គលេខា ធិការគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី ៣២ ឆ្នាំ២០២៣ ហៅកាត់ថា CAMSOC។
ក្នុងឱកាសចុះទៅពិនិត្យ ពហុកីឡដ្ឋានជាតិមរតកតេជោព្រឹកថ្ងៃទី១៩ ខែសីហា ឆ្នាំ២០២១ លោក វ៉ាត់ ចំរើន អគ្គលេខា ធិការCAMSOC បានមានប្រសាសន៍ថា ពហុកីឡដ្ឋានជាតិមរតកតេជោ ដែលជាជំនួយឥតសំណងរបស់សាធារណរដ្ឋប្រជា មានិតចិន បានធ្វើហើយ១០០ភាគរយហើយ ក្រោយពីសាងសង់រយៈពេលជិត ៣ ឆ្នាំ ហើយក៏ត្រៀមទទួលការប្រកួតបាល់ទាត់ ជាលក្ខណៈអន្តរជាតិ នាចុងឆ្នាំនេះដែលពហុកីឡដ្ឋានជាតិមរតកតេជោនេះ អាចផ្ទុកអ្នកទស្សនា បានជាង ៦ម៉ឺននាក់។
លោកបន្តថា ក្រុមការងារកំពុងរៀបចំកម្មវិធីនិងគោរពស្នើសុំរាជរដ្ឋាភិបាល សម្តេចតេជោនាយករដ្ឋមន្ត្រីថា តើក្នុងស្ថានភាពកូវីដនេះ អាចធ្វើអ្វីបាន បន្ទាប់ពីពិធីប្រគល់ និងទទួលពហុកីឡដ្ឋានជាតិនេះ ឬមួយក៏ធ្វើកម្មវិធីអ្វីផ្សេងទៀតជាមួយនឹងភាគីចិន ដើម្បីអរអរសាទរនូវការទទួលមរតកដ៏មហាសាលនេះ។
លោកអគ្គលេខាបញ្ជាក់ថា អ្វីដែលយើងត្រៀម គឺចាប់ពីខែតុលាតទៅគឺថា ពហុកី ឡដ្ឋានជាតិនេះ អាចទទួលយកនូវការប្រ កួតកម្រិតជាអន្តរជាតិបាន ដូចជាការត្រៀមទទួលនូវការប្រកួតបាលទាត់ SUZUKI Cup ក្នុងខែធ្នូ ឆ្នាំ២០២១នៅទីនេះ ដើម្បីទាក់ទាញឱ្យមានការចាប់អារម្មណ៍ខ្លាំង ហើយអាចបង្ហាញមុខមាត់របស់កម្ពុជា នៅលើវិស័យកីឡាបាល់ទាត់និងត្រៀមលក្ខ ណៈឱ្យមានការប្រកួតកីឡាផ្សេងៗ ឱ្យមានជាប់ជានិច្ចនៅទីនេះ ។
លោកបន្តថា មកដល់ពេលនេះ សំណង់ពហុកីឡដ្ឋានជាតិមរតកតេជោ បានលេច ចេញជាសមិទ្ធផលពេញគ្រប់លក្ខណៈសម្បត្តិទាំងអស់ មានន័យថា កាលពីពេល មុន យើងនៅសេសសល់ការបំពាក់កៅអីខ្លះៗ ទីលានរត់អត្តពលកម្ម និងទីលានបាល់ទាត់ ប៉ុន្តែឥឡូវនេះគឺធ្វើរួចរាល់ហើយតាមលំដាប់លំដោយ នៃលក្ខណៈបច្ចេក ទេស ត្រូវនឹងស្តង់ដារនៃពហុកីឡដ្ឋានអន្តរ ជាតិ។ បន្ថែមពីនោះទៀត ពហុកីឡដ្ឋានជាតិថ្មីនេះ អាចរៀបចំព្រឹត្តិការណ៍ប្រកួតកីឡាអន្តរជាតិ និងការប្រកួតកីឡាបាល់ ទាត់អន្តរជាតិខ្នាតធំ និងអាចរៀបចំពិធីថ្នាក់ជាតិ ក៏ដូចជាព្រឹត្តិការណ៍ធំៗផ្សេងទៀតបាន។ ពហុកីឡដ្ឋានជាតិមរតកតេជោ នឹងក្លាយជា ពហុកីឡដ្ឋានដ៏សំខាន់ សម្រាប់ការប្រកួតកីឡាអាស៊ីអាគ្នេយ៍ ឆ្នាំ២០២៣ ខាងមុខ នេះផងដែរ។
ឯកឧត្តមបញ្ជាក់ថា ពហុកីឡដ្ឋានទំហំធំបំផុត និងកម្រិតខ្ពស់បំផុត ដែលជាជំនួយរបស់រដ្ឋាភិបាលចិន នេះគឺជាសមិទ្ធផលផ្លែផ្កា នៃកិច្ចសហប្រតិបត្តិការ ក្រោមក្រប ខណ្ឌការកសាងគំនិតផ្តួចផ្តើម «ខ្សែក្រវាត់ និងផ្លូវ» រវាងចិន-កម្ពុជា។
កិច្ចការត្រួតពិនិត្យវឌ្ឍនភាព ការសាង សង់កីឡដ្ឋានធំនេះ ត្រូវបានឯកឧត្តមបណ្ឌិតថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍ CAMSO C តែងតែបានយកចិត្តទុកដាក់ខ្ពស់ និងហ្មត់ចត់បំផុតឱ្យតាមដានជាប់ជាប្រចាំ។ ក្រោយពីបញ្ចប់ការសាងសង់ គឺយើងត្រូវបន្តការថែទាំ បន្ទាប់ពីក្រុម ហ៊ុនសាងសង់របស់ភាគីចិន នឹងប្រគល់ជូនដល់ CAMSOC។
ពហុកីឡដ្ឋានជាតិមរតកតេជោ គឺជាកន្លែងប្រារព្ធពិធីបើក-បិទជាផ្លូវការនៃព្រឹត្តិការណ៍កីឡាស៊ីហ្គេម លើកទី៣២ និងការប្រកួតកីឡាជនពិការអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលជាព្រឹត្តិការ ណ៍ប្រកួតពហុកីឡាដ៏ធំប្រចាំតំបន់អាស៊ីអា គ្នេយ៍ ដែលព្រះរាជាណាចក្រកម្ពុជា កំពុងសម្រួចគោលដៅយ៉ាងយកចិត្តទុកដាក់ ប្រកបដោយក្តីសង្ឃឹម និងភាពជឿជាក់ក្នុងការទទួលរៀបចំធ្វើម្ចាស់ផ្ទះជាប្រវត្តិសាស្ត្រ៕
ដោយ ៖ វិសិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង