កីឡា
ក្រុមជម្រើសជាតិកីឡាទោចក្រយានកម្ពុជា ៣រូប បន្តចូលរួមការប្រកួត Europe Tour កម្រិត២.២នៅប៉ូឡូញ
នេះគឺជាលើកទី៤ហើយ ដែលក្រុមជម្រើសជាតិកីឡាកង់គួកកម្ពុជា បានចូលរួមការប្រកួតក្របខណ្ឌ Europe Tour បន្ទាប់ពីពួកគេបានហ្វឹកហាត់ជាង ២ខែកន្លងមកនៅប្រទេសបារាំងនោះ។
ក្រុមកីឡាទោចក្រយានជម្រើសជាតិកម្ពុជា ផ្នែកកីឡាកង់គួក ៣រូប រួមមានកីឡាករ គឹម ចាន់ធូ, សាន ណាម៉ា, កីឡាករ សាន ណាម៉ាវ ដែលបានបោះជុំរុំហ្វឹកហាត់នៅប្រទេសបារាំងបានចូល រួមការប្រកួតអន្ដរជាតិ នៅអឺរ៉ុបទៀតហើយ គឺការប្រកួតកង់គួកពានរង្វាន់ CCC Tour Grody Piastowskie UCI Europe Tour កម្រិត ២.២ នៅប្រទេសប៉ូឡូញ ។
លោក នូ ចំរើន អគ្គលេខាធិការសហព័ន្ធកីឡាទោចក្រយានកម្ពុជា បានបញ្ជាក់ឲ្យដឹងថា នេះគឺជាលើកទី៤ហើយ ដែលក្រុមជម្រើសជាតិកីឡាកង់គួកកម្ពុជា បានចូលរួមការប្រកួតក្របខ័ណ្ឌ Europe Tour បន្ទាប់ពីពួកគេបានហ្វឹកហាត់ជាង ២ខែកន្លងមកនៅប្រទេស បា រាំង។ ចំពោះការប្រកួតនៅប្រទេសប៉ូឡូញ គ្រោងធ្វើឡើងរយៈពេល ៤ថ្ងៃ ចាប់ ពីថ្ងៃទី១៩ដល់២២ខែសីហាឆ្នាំ២០២១។ លោកបានចាត់ទុកការចូលរួមនេះ គឺ ជាឱកាសដ៏ល្អ ដើម្បីដកស្រង់បច្ចេកទេស និងវាស់ស្ទង់សមត្ថភាពរបស់កីឡាករទោចក្រយានកម្ពុជា ក្រោយការហ្វឹកហាត់ជាមួយសមាគមកីឡាទោចក្រយានកម្ពុជា Cambodia Cycling Academy នៅប្រទេសបារាំង ព្រោះព្រឹត្តិការណ៍ខាងលើ គឺជាការប្រកួតកម្រិតខ្ពស់ ២.២ ដែលទទួលស្គាល់ដោយសហព័ន្ធកីឡាប្រណាំងកង់អន្ដរជាតិ (UCI) ។
សូមរំលឹកថា កាលពីដើមខែកន្លងមក ក្រុមជម្រើសជាតិប្រណាំងកង់កម្ពុជា ក៏បានចូលរួមប្រកួតកម្រិតខ្ពស់ក្នុងកម្មវិធីប្រណាំងកង់ Tour of Szekler land នៅប្រទេសរ៉ូម៉ានី ដែលជាការ ប្រកួតកម្រិត 2.1 របស់សហព័ន្ធកីឡាប្រណាំងកង់អន្ដរជាតិ (UCI) ដែរ៕
អត្ថបទ៖ វិសិទ្ធ
-
ព័ត៌មានជាតិ១ សប្តាហ៍ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ១ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ១ សប្តាហ៍ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
ព័ត៌មានជាតិ១ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម១៧ ម៉ោង agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង