ព័ត៌មានជាតិ

អ្នកចូលរួមសម្ពោធវិមាន “ពហុកីឡដ្ឋានមរតកតេជោ” ប្រមាណ ២ ម៉ឺននាក់ មិនមានវិជ្ជមានកូវីដ-១៩ទេ

បានផុស

៤ years មុន

នៅ

ថ្ងៃចន្ទ ២០ ធ្នូ ២០២១

ដោយ

សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបានមានប្រសាសន៍ថា រហូតមកដល់ពេលនេះ ជំងឺកូវី១៩ មិនទាន់រលាយបាត់បង់ទៅណាទេ វាកំពុងតែគំរាមកំហែងពិភពលោកដដែល ប៉ុន្តែទោះជាយ៉ាងណាកម្ពុជាយើងមានភាពធូរស្រាលហើយ និងបានបើកដំណើរការប្រទេសជាបណ្ដើរៗឡើងវិញហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានប្រសាសន៍ទាក់ទងបញ្ហានេះដែរ សម្ដេចក្រឡាហោម ស ខេង បានបញ្ជាក់តាមរយៈកម្មវិធីសម្ភោធដាក់ឱ្យប្រើប្រាស់វិមាន “ពហុកីឡាដ្ឋានមរតកតេជោ” ដែលមានមនុស្សចូលរួមប្រមាណ ២ ម៉ឺននាក់ ប៉ុន្តែរហូតមកដល់ពេលនេះ ជាលទ្ធផលមិនមានអ្នកវិជ្ជមានកូវីដ-19 នោះទេ។ សម្ដេចបានបញ្ជាក់ថា មុននឹងចូលរួមពិធីសម្ពោធ អ្នកចូលរួមសុទ្ធតែបានធ្វើតេស្តទាំងអស់ ប៉ុន្តែលទ្ធផលមិនមានឃើញអ្នកវិជ្ជមាននោះទេ រហូតដល់ពេលនេះ។

ទោះជាយ៉ាងណាក៏ដោយ សម្ដេចក្រឡាហោម ស ខេង ក៏បានបញ្ជាក់ដែរថា ប្រទេសកម្ពុជាយើងបានបើកប្រទេសពេញលេញឡើងវិញហើយ ប៉ុន្តែស្ថិតនៅក្នុងការការពារតាមវិធានសុខាភិបាល ៣កុំ ៣ការពារដដែល ជាពិសេសការរស់នៅតាមគន្លងប្រក្រតីថ្មី។

សូមបញ្ជាក់ថា ប្រសាសន៍សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានធ្វើឡើងខណៈអញ្ជើញជាអធិបតីក្នុងពិធីសម្ពោធអគារមណ្ឌលទទួលពលករកំរៀង ស្ថិតនៅភូមិបឹងរាំង ឃុំបឹងរាំង ស្រុកកំរៀង ខេត្តបាត់ដំបង នៅព្រឹកថ្ងៃចន្ទ ១រោច ខែមិគសិរ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២០ ខែធ្នូ ឆ្នាំ២០២១នេះ៕

អត្ថបទ៖ កោះកែវ

Related Topics:ពហុកីឡដ្ឋានមរតកតេជោ