កីឡា

ប្តូរអាជីពជិត៧ឆ្នាំហើយ Sitthichai នៅតែអាចឈ្នះប្រុសស្អាត Tawanchai បាន

បានផុស

៣ years មុន

នៅ

ថ្ងៃសៅរ៍ ២៨ សីហា ២០២១

ដោយ

រៀមច្បង Sitthichai នៅតែខ្លាំងក្នុងអាជីពប្រដាល់មួយថៃរបស់ខ្លួន ដែលឈប់វ៉ៃរយៈពេលជិត៧ឆ្នាំហើយ បន្ទាប់ពីចាប់ជំនាញប្រដាល់ឃីកបុកសីងកម្រិតអាជីព ប៉ុន្តែរូបគេនៅតែធ្វើបានល្អដដែលដោយបានសិស្សប្អូន Tawanchai ដោយពិន្ទុនៅព្រឹត្តិការណ៍ប្រកួត ONE: BATTLEGROUND III នាយប់ថ្ងៃសុក្រ ទី២៧ ខែសីហានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការពិតនៅសង្វៀនបង្ហាញឲ្យឃើញថា អ្នកប្រដាល់ល្បីឈ្មោះនៅថៃ Tawanchai ធ្វើបានយ៉ាងខ្លាំងនៅក្នុងទឹកទី១តាមរយៈកណ្តាប់ដៃ និងទាត់ធ្ងន់ ខណៈរៀមច្បង Sitthichai បានព្យាយាមសម្រុកឆ្ពោះទៅមុខដោយកណ្តាប់ដៃ និងទាត់ដែរ។

បន្ទាប់មក Sitthichai កាន់តែដាក់សម្ពាធខ្លាំងឡើងតាមរយៈការដើរចូល ហើយទាត់ជើងក្រោមធ្ងន់ៗ ព្រមទាំងកណ្តាប់ដៃលឿនៗទាំងទឹកទី២ និងទឹកទី៣។ អាចនិយាយបានថា ការប្រកួតនេះជាឱកាសរបស់ Sitthichai ដោយសារតែភាគច្រើនវ៉ៃកណ្តាប់ដៃ និងទាត់ដែលជាជំនាញរបស់គេបានប្រឡូកឃីកបុកសីងរយៈពេល៧ឆ្នាំហើយ។

ដូច្នេះហើយបាន Sitthichai ចេញកណ្តាប់ដៃ និងទាត់លឿនៗទាំងការដកខ្លួនគេចពីការវ៉ៃរបស់ Tawanchai និងវាយសកវិញ ខណៈជំនាញមួយថៃដែលលេងជង្គង់ និងកែងនោះ អ្នកទាំងពីរមិនសូវបានប្រើឡើយ។

អ្វីដែលគួរឲ្យចាប់អារម្មណ៍ទៀតនោះ នៅចុងទឹកទី៣ Sitthichai ហាក់ធ្វើបានកាត់តែល្អទាំងកណ្តាប់ដៃ និងទាត់ដែលបានធ្វើឲ្យប្រុសស្អាត Tawanchai បានដួលមួយលើកជាពីរលើកដែលកត្តានេះជំរុញឲ្យសិស្សច្បងទទួលបានពិន្ទុច្រើន។

អ្នកគាំទ្រប្រហែលជាគិតថា ការប្រកួតលើកនេះបុរសសង្ហាវ័យក្មេង Tawanchai ហាក់ដូចជាចម្លែងដែលចេញអាវុធដូចខុសប្លែកពីសព្វមួយ ឬមួយរូបគេមិនប្រឹងអស់ពីសមត្ថភាព។ ប៉ុន្តែអ្នកគាំទ្រអាចគិតថា Sitthichai ជាសិស្សច្បងដែលមានបទពិសោធក្រាស់លើឆាកអន្តរជាតិ ជាពិសេសជំនាញឃីកបុកសីងដែលត្រូវការភាពរហ័សរហួន ដូច្នេះច្បាស់ណាស់ថា Tawanchai មិនអាចបង្កព្យុះភ្លៀងស្រួលដូចដៃគូមុនៗទេ។

សម្រាប់ជ័យជម្នះនេះនឹងផ្តល់ឲ្យ Sitthichai បង្កើនកំណត់ត្រាប្រកួតឈ្នះ១២៤ដង ចាញ់៣២ដង និងស្មើ៥ដង។ ជាពិសេសរូបគេនឹងឡើងទៅប្រកួតដណ្តើមខ្សែក្រវាត់មួយថៃពិភពលោកជាមួយ Petchmorakot ដែលកំពុងគ្រប់គ្រងសព្វថ្ងៃ៕

Related Topics:កីឡាប្រដាល់