កីឡា

តារាបាល់ទាត់រកចំណូលខ្ពស់បំផុត១០រូបរដូវកាលនេះ

បានផុស

២ years មុន

នៅ

ថ្ងៃព្រហស្បតិ៍ ២៣ កញ្ញា ២០២១

ដោយ

យោងតាម Forbes បានបង្ហាញថា កំពូលតារាបាល់ទាត់ឆ្នើម Cristiano Ronaldo បានយកឈ្នះគូប្រជែងយូរអង្វែងរបស់ខ្លួនគឺ Lionel Messi ដើម្បីក្លាយជាកីឡាករបាល់ទាត់មានប្រាក់ចំណូលខ្លស់ជាងគេបំផុតនៅក្នុងពិភពលោកនារដូវកាលនេះ។

បន្ទាប់ពីផ្លាស់ចេញពីទឹកដីអ៉ីតាលីទៅកាន់ក្លឹបបិសាចក្រហម Manchester United តារាបាល់ទាត់ជម្រើសជាតិព័រទុយហ្គាល់ Ronaldo ត្រូវបានព្យាករថា នឹងទទួលបានប្រាក់ចំណូលចំនួន ១២៥លានដុល្លារអាមេរិកមុនពេលកាត់ពន្ធសម្រាប់រដូវកាលនេះជាមួយនឹងប្រាក់ខែ៧០លានដុល្លារ និងប្រាក់លើកទឹកចិត្តតែប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកតារាឆ្នើមអាហ្សង់ទីន Messi ទទួលបានប្រាក់ចំណូល១១០លានដុល្លារអាមេរិកនៅក្នុងរដូវកាល២០២១-២២នេះ ដែលធ្វើឲ្យរូបគេស្ថិតនៅចំណាត់ថ្នាក់លេខ២។ ប៉ុន្តែកីឡាករវ័យ៣៤ឆ្នាំទើបចូលរួមជាមួយក្លឹបបារាំង Paris Saint-Germain ទទួលបានប្រាក់ខែច្រើនជាង Ronaldo គឺ៧៥លានដុល្លារអាមេរិក។

យោងតាម Forbes បង្ហាញថា ប៉ុន្តែ Ronaldo ដែលជាអត្តពលិកល្បីល្បាញបំផុតតាមបណ្តាញទំនាក់ទំនងសង្គមជាង៥០០លាននាក់លើ Facebook, Instagram និងTwitter ទទួលបាន៥៥លានដុល្លារអាមេរិក ខណៈ Messi ទទួលបានត្រឹម៣៥លានដុល្លារប៉ុណ្ណោះ។

មិត្តរួមក្លឹបរបស់ Messi នៅ PSG គឺតារាឆ្នើមប្រេស៊ីល Neymar និង Kylian Mbappe ស្ថិតនៅលេខ៣ និងលេខ៤ដែលមានប្រាក់ចំណូល ៩៥លានដុល្លារ និង៤៣លានដុល្លារ។ ខ្សែប្រយុទ្ធហង្សក្រហម Mohamed Salah ស្ថិតនៅលេខ៥ជាមួយនឹងប្រាក់ ៤១លានដុល្លារអាមេរិក។

Forbes បានប្រមូលចងក្រងចេញជាបញ្ជីដោយនិយាយជាមួយក្លឹប ម្ចាស់ឧបត្ថម្ភ ភ្នាក់ងារកីឡាករ និងអ្នកជំនាញហិរញ្ញវត្ថុ ហើយបានប៉ាន់ស្មានពីតារាបាល់ទាត់រកចំណូលបានខ្ពស់លំដាប់កំពូលទាំង១០រូបមុនពេលកាត់ពន្ធសរុបគឺ៥៨៥លានដុល្លារនៅក្នុងរដូវកាលនេះ កើនឡើងខ្ពស់ជាងរដូវកាលមុនដែលមាន៥៧០លានដុល្លារអាមេរិក។

កីឡាករបាល់ទាត់រកចំណូលបានខ្ពស់បំផុតទាំង១០ក្នុងរដូវកាលនេះ