គ្រូជម្រើសជាតិ ក្នុងពូលជាមួយ កម្ពុជា និយាយបែបណាខ្លះ ក្រោយការចាប់ឆ្នោត Suzuki Cup

ការប្រកួតបាល់ទាត់ប្រចាំតំបន់អាស៊ីអាគ្នេយ៍ឬ AFF Suzuki Cup ឆ្នាំ២០២០ ត្រូវបានលើកយកមកប្រកួតក្នុងឆ្នាំ២០២១នេះវិញ ដោយសារតែវិបត្តិជំងឺរាតត្បាតកូវីដ-១៩។

ហើយកាលពីថ្ងៃអង្គារទី២១ខែកញ្ញា ការចាប់ឆ្នោតបែងចែកពូលបានធ្វើឡើង ដោយលទ្ធផល ក្រុមជម្រើសជាតិកម្ពុជា ត្រូវស្ថិតនៅក្នុងពូល B រួមជាមួយប្រទេស៤ផ្សេងទៀត ដូចជា វៀតណាម ឥណ្ឌូណេស៊ី ម៉ាឡេស៊ី និងឡាវ។

រីឯក្នុងពូល A វិញក៏មាន៥ប្រទេសដែរដូចជា ថៃ មីយ៉ាន់ម៉ា ហ្វីលីពីន សិង្ហបុរី ចំណែកមួយប្រទេសទៀតត្រូវរង់ចាំការប្រកួតវគ្គ Play-off រវាង ទីម័រខាងកើតជាមួយ ព្រុយណេ។

ចង់ដឹងថា ក្រៅពីកម្ពុជា តើគ្រូបង្វឹកក្រុមជម្រើសជាតិ៤ទៀតនៅក្នុងពូល B លើកឡើងបែបណា តោះស្តាប់ទាំងអស់គ្នា៖

លោក Park Hang Seo គ្រូវៀតណាម

ខ្ញុំគិតថា គ្រប់ក្រុមដែលវៀតណាមជួបក្នុងពូលនេះ នឹងក្លាយជាគូប្រជែងដ៏ស្វិតស្វាញ។ យើងនឹងធ្វើឲ្យបានល្អបំផុតគ្រប់ការប្រកួត។ គោលដៅដំបូងរបស់យើង គឺឡើងផុតវគ្គចែកពូល។

លោក Tan Cheng Hoe គ្រូម៉ាឡេស៊ី

វៀតណាម គឺជាក្រុមខ្លាំងជាងគេក្នុងពូល B ប៉ុន្តែយើងមិនអាចផ្តោតតែលើពួកគេទេ។ ឥណ្ឌូណេស៊ីគឺជាគូប្រជែងចាស់របស់យើង ខណៈកម្ពុជាក៏មានកីឡាករដែលពោរពេញដោយទេពកោសល្យផងដែរ។

លោក Shin Tae Yong គ្រូឥណ្ឌូណេស៊ី

ការប៉ះជាមួយវៀតណាមនិងម៉ាឡេស៊ីគឺគួរឲ្យចាប់អារម្មណ៍ណាស់។ ពួកគេគឺជាក្រុមខ្លាំង ប៉ុន្តែយើងនឹងប្រឹងប្រែងប្រយុទ្ធ ដើម្បីឈ្នះគ្រប់ការប្រកួត។

លោក Selvaraj Vengadalam គ្រូឡាវ

មិនបាច់និយាយអំពីម៉ាឡេស៊ីនិងវៀតណាមទេ។ ប៉ុន្តែប្រទេសផ្សេងទៀតក៏មិនត្រូវមើលរំលងដែរ ដូច្នេះយើងត្រូវប្រយ័ត្ន ហើយរៀបចំឲ្យបានល្អ។ យើងនឹងត្រៀមខ្លួនសម្រាប់ការប្រកួតប្រជែងទាំងអស់៕

ប្រែសម្រួល៖ Vann Vann

ប្រភព៖ ASEAN FOOTBALL

ចុចអាន៖ ចាប់ឆ្នោតចែកពូលពានរង្វាន់ AFF Suzuki Cup ឆ្នាំ ២០២០ មុននេះ កម្ពុជា ស្ថិតក្នុងពូលមរណៈ