កីឡា

មកដឹងទ្រព្យសម្បតិ្តសុទ្ធរបស់មហាសេដ្ឋី Roman Abramovic ក្នុងបញ្ជីកំពូលៗអ្នកមានលើលោក

បានផុស

៤ ខែ មុន

នៅ

ថ្ងៃចន្ទ ១៤ មីនា ២០២២

ដោយ

បន្ទាប់ពីភាពតានតឹង រវាងរុស្ស៊ី និងអ៊ុយក្រែន កក្រើកដល់វិស័យបាល់ទាត់មិនធ្លាប់មាន។ ខណៈរដ្ឋាភិបាលអង់គ្លេស បានដាក់ទណ្ឌកម្ម លើជនជាតិរុស្សីជាង ២០៣ នាក់ ក្នុងនោះមានចំនួន ៦៥នាក់ ដែលធ្វើអាជីវកម្មនៅអង់គ្លេស។ មួយក្នុងចំណោមពួកគេ រួមមានម្ចាស់ក្លឹប Chelsea លោក Roman Abramovich នៅក្នុងបញ្ជីផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលអង់គ្លេសក៏បានអះអាងថា ទ្រព្យសម្បត្តិរបស់លោកទាំងអស់ នឹងត្រូវបានរដ្ឋាភិបាលអង់គ្លេសកាន់កាប់ជាបណ្ដោះអាសន្ន។ តើលោក Roman Abramovich មានទ្រព្យសរុបប៉ុណ្ណា ក្នុងពេលនេះ?

យោងតាមទស្សនាវដ្ដី Forbes បញ្ជីមហាសេដ្ឋីពិភពលោកចំនួន ២,៦៧៤ នាក់នៅក្នុងពិភពលោក សម្រាប់ឆ្នាំ ២០២១ បង្ហាញថា បុរសជនជាតិរុស្សីវ័យ ៥៤ឆ្នាំ Roman Abramovich ជាប់ចំណាត់ថ្នាក់ទី ១៤២ នៅលើពិភពលោក ដែលគាត់គឺជាអ្នកវិនិយោគ និងម្ចាស់ភាគហ៊ុនធំ នៅក្នុងក្រុមហ៊ុនរុករករ៉ែ nickel រួមទាំងរ៉ែដែកយក្ស Eveaz ដែលជាក្រុមហ៊ុនពហុជាតិ បង្កើតឡើងក្នុងប្រទេសអង់គ្លេស ក្នុងនោះគាត់ក៏ជាម្ចាស់ក្លឹប Chelsea ផងដែរ។

លើសពីនេះ Forbes រាយការណ៍ថា Roman Abramovich បានលក់ភាគហ៊ុនប្រហែល ៧៣ភាគរយ របស់គាត់នៅក្នុងក្រុមហ៊ុនប្រេងរុស្ស៊ី Sibneft ទៅឲ្យម្ចាស់ហ្គាស Gazprom ក្នុងតម្លៃ ១៣ ពាន់លានដុល្លារក្នុងឆ្នាំ ២០០៥។ គាត់ក៏ជាម្ចាស់ទូកធំលំដាប់ទី ២ នៅលើពិភពលោក ៥៣៣ហ្វីត ដែលគាត់បានទិញក្នុងតម្លៃ ៤០០ លានដុល្លារ ក្នុងឆ្នាំ ២០១០ ។

ទោះបីជាយ៉ាងណាក៏ដោយ គាត់ក៏ត្រូវបានគេរាយការណ៍ថា បានផ្ទេរទ្រព្យសម្បត្តិជាង ៩០ លានដុល្លារនៅទីក្រុងញូវយ៉ក ទៅឲ្យអតីតភរិយារបស់គាត់គឺលោកស្រី Dasha Zhukova ។ បច្ចុប្បន្នទ្រព្យសម្បត្តិរបស់មហាសេដ្ឋី Roman Abramovich ត្រូវបានគេប៉ាន់ស្មានថា មានចំនួន ១៤.៥ ពាន់លានដុល្លារ ៕

ប្រែសម្រួល៖ សាង ស្រីល័ក្ខ

ចុចអាន៖រឿងរ៉ាវអស្ចារ្យទាំង ១០ ដែល Roman Abramovic សាងស្នាដៃ មុនចាកចេញពី Chelsea

ចុចអាន៖ក្រុមហ៊ុនលេខ ៣ លែងឧបត្ថម្ភលើអាវ Chelsea ក្រោយអតីតម្ចាស់ក្លឹបទទួលទណ្ឌកម្មកាន់តែខ្លាំង

ចុចអាន៖អតីតម្ចាស់ក្លឹប Chelsea នឹងត្រូវរឹបអូសទ្រព្យមែនពិត តែមានរបស់មួយប្រណិត ប៉ះពាល់មិនបាន