Connect with us

កីឡា

ព្រឹត្តិការណ៍ “​ស្ដេច​ប្រដាល់​អង្គរ ឬ Angkor King Fight” លើក​ទី​១ នៅ​ខេត្តសៀមរាប នឹង​ចាប់ផ្ដើម​នៅ​ថ្ងៃទី​១០ ខែមេសា ឆ្នំ​២០២២ ស្អែក​នេះ

បានផុស

នៅ

បន្ទាប់ពី​បានធ្វើ​កម្មវិធី​ថ្លឹង​ទម្ងន់ ព្រឹត្តិការណ៍​ដដែល​នេះ នៅ​សណ្ឋាគារ Angkor Regency រួចរាល់​នៅ​រសៀល​ថ្ងៃទី​០៩​។

កម្មវិធី “​ស្ដេច​ប្រដាល់​អង្គរ​” ដែល​នឹង​ប្រព្រឹត្តទៅ​នៅមុខ​ប្រាសាទអង្គរវត្ត ខេត្តសៀមរាប មាន​កីឡាករ​-​កីឡាការិនី​ជើង​ខ្លាំង​កម្ពុជា​-​ចិន សរុប ២០​រូប ត្រូវ​ជួប​តតាំង​គ្នា​លើស​ង្វៀន​អន្ដរជាតិ​មួយ​នេះ ក្នុងការ​ប្រកួត​បែប​គុន​ខ្មែរ និង​ឃី​ក​ប៊ុ​ក​ស៊ី​ង​។

ព្រឹត្តិការណ៍​នេះ ក៏​ត្រូ​វ​បាន​សម្ដេច​ពិជ័យ​សេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រី​ក្រសួងការពារជាតិ និង​ជា​ប្រធាន​គណៈកម្មាធិការ​ជាតិ​រៀបចំ​ការប្រកួត​កីឡា​អាស៊ីអាគ្នេយ៍ លើក​ទី​៣២ ឆ្នាំ​២០២៣ (CAMSOC) នឹង​អញ្ជើញ​ជា​អធិបតីភាព​ដ៏​ខ្ពង់ខ្ពស់​ផងដែរ ហើយ​សម្ដេច​នឹងធ្វើ​ការ​ប្រកាស​យុទ្ធនាការ​ផ្សព្វផ្សាយ​កីឡា​អត្តសញ្ញាណ​ជាតិ ក្នុង​ព្រឹត្តិការណ៍​ដ៏​ធំ​នេះ បន្ទាប់ពី​មាន​ចំណារ​ឯកភាព​ដ៏​ខ្ពង់ខ្ពស់​ពីស​ម្ដេច​តេ​ជោ ហ៊ុន សែន នាយករដ្ឋមន្ដ្រី​នៃ​កម្ពុជា​។

ឯកឧត្តម​អគ្គលេខាធិការ​គណៈកម្មាធិកា​រ​ជាតិ​អូឡាំពិក​កម្ពុជា (NOCC) និង​ជា​អគ្គលេខាធិការ នៃ​គណៈកម្មាធិការ​ជាតិ CAMSOC វ៉ា​ត់ ចំរើន ធ្លាប់បាន​មានប្រសាសន៍ថា ការប្រកួត​ដែល​ទទួលបាន​ការគាំទ្រ​ពី​រាជរដ្ឋាភិបាល​នេះ រៀបចំឡើង​ក្នុង​គោលបំណង​ផ្សព្វផ្សាយ និង​ស្វែងរក​ការគាំទ្រ​ជា​អន្ដរជាតិ សម្រាប់​កីឡា​អត្តសញ្ញាណ​ជាតិ គឺ​ប្រដាល់​គុន​ខ្មែរ និង​យុទ្ធ​គុន​ចម្រុះ​របស់​កម្ពុជា​។ ម្យ៉ាង​ក៏​ភ្ជាប់​ជាមួយ​កិច្ចប្រជុំ​ក្រុមប្រឹក្សា​កីឡា​អាស៊ីអាគ្នេយ៍ នៅ​ខេត្តសៀមរាប ដែល​កម្ពុជា​ធ្វើ​ម្ចាស់ផ្ទះ ចាប់ពី​ថ្ងៃទី​០៨-១០ ខែមេសា ផងដែរ​។ ដូច្នេះ នេះ​គឺជា​ពេលវេលា​មួយ​សមស្រប ដើម្បី​បង្ហាញជូន​បណ្ដា​ប្រទេស​អាស៊ាន និង​ទាក់ទាញ​ការគាំទ្រ​ដល់​គុន​ខ្មែរ ហើយ​បញ្ជូន​ប្រតិភូ និង​អត្ត​ព​លិ​ក​របស់គេ មក​ប្រកួត​កីឡា​ស៊ី​ហ្គេម ឆ្នាំ​២០២៣ នៅ​កម្ពុជា​។

បញ្ជាក់​ថា បេក្ខភាព​កីឡាករ​-​កីឡាការិនី​កម្ពុជា​-​ចិន ដែល​ប្រកួត​ព្រឹត្តិការណ៍ Angkor King Fight លើក​ទី​១​នេះ គឺ​កីឡាករ ផល សោ​ភ័​ណ្ឌ ជួប​ជើង​ខ្លាំង​ចិន Wei Rui ក្នុងនាម​ជា​គូ​ឯក​ប្រចាំ​ព្រឹត្តិការណ៍​នេះ ដោយ​ប្រកួត​ឃី​ក​បុក​ស៊ី​ង​។ ក្រៅពីនោះ ក៏មាន​កីឡាករ វ៉ាន់ វឿន ប៉ះ​កីឡាករ Sei Zi Qin និង​កីឡាករ ឈុត សេរី​វ៉ាន់​ថង ប៉ះ​កីឡាករ Su Ke Xin (​ចិន​) ត្រូវ​ប្រកួត​បែប​ប្រដាល់​គុន​ខ្មែរ​។ រីឯ​កីឡាករ ៧​គូ​ទៀត ត្រូវ​ប្រកួត​បែប​ឃី​ក​ប៊ុ​ក​ស៊ី​ង​ផងដែរ គឺមាន​កីឡាការិនី នៅ ស្រី​ពៅ ជួប​កីឡាការិនី Li Li Shan, កីឡាករ ឡុង បេន​លឿន ជួប Gao Xi Feng, កីឡាករ សូត្រ វាសនា ជួប Yang Hua, កីឡាករ ឡៅ ចិ​ត្រា ជួប Wei Wei Yang, កីឡាករ ឡៅ ចន្ទ្រា ជួប Luo Chao, កីឡាករ ឈឿង ល្វៃ ជួប Han Wen Bao, កីឡាករ ព្រំ សំណាង ជួប Wang Ao Gang៕

អត្ថបទ ​៖ មុន្នី​រ័ត្ន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤៦ វិនាទី មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៥៧ នាទី មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង២ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម២ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ២ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម