កីឡា

គ្រូ U-23 វៀតណាម យកបាល់គប់កូនក្រុមអំឡុងពេលហ្វឹកហាត់ មុនការប្រកួតស៊ីហ្គេមមកដល់

បានផុស

៤ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

គ្រូបង្វឹកសញ្ជាតិកូរ៉េខាងត្បូង លោក Park Hang-seo មិនត្រូវបានគេសម្គាល់ពីការនិយាយលេងសើចជាមួយកូនក្រុម មុនការហ្វឹកហាត់របស់ U-23 វៀតណាម ដើម្បីបង្កើតបរិយាកាសរីករាយនៅកីឡដ្ឋាន Viet Tri នោះឡើយ ប៉ុន្តែបែរជាមានរឿងដ៏តាន់តឹងក្នុងពេលហ្វឹកហាត់ទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

U-23 វៀតណាម បានហ្វឹកហាត់ មុនការប្រកួតស៊ីហ្គេម លើកទី៣១ នៅកីឡដ្ឋាន Viet Tri ខណៈគ្រូបង្វឹក លោក Park Hang-seo បានមកដល់ទីលានមុនគេ ហើយចង់ឲ្យកូនក្រុមចូលហ្វឹកហាត់ឲ្យបានសកម្មតាមដែលអាចធ្វើទៅបាន។

ភ្លាមៗលោកបានសង្គេតឃើញកីឡាករម្នាក់ “Nham Manh Dung” មានបញ្ហា ដូច្នេះលោកក៏បានចាប់បាល់យ៉ាងលឿន ហើយគប់វាដោយផ្ទាល់ទៅកីឡាកររូបនោះ។ វាបានធ្វើឱ្យកីឡាករដែលឈរក្បែរនោះ Hoang Duc និងខ្សែបម្រើ Ly Cong Hoang Anh បានក្រាបយ៉ាងលឿនដើម្បីគេចបាល់។

គ្រូបង្វឹកកូរ៉េខាងត្បូងរូបនេះ ចាប់អារម្មណ៍យ៉ាងខ្លាំងចំពោះកីឡាករ។ កូនក្រុមណាដែលបានធ្វើអ្វីខុសពីធម្មតា អាចនឹងត្រូវបានលោកគេកត់សម្គាល់។ បន្ទាប់មកទៀតខ្សែបម្រើ Nguyen Trong Long ត្រូវបានលោក Park ច្របាច់ក ហើយរុញទៅក្រុមមួយទៀតដើម្បីចូលរួមក្នុងលំហាត់សម្រួលសរសៃ។ យ៉ាងណាស្ថានភាពតានតឹងបានធូរស្រាលវិញនៅក្រោយការហ្វឹកហាត់ផងដែរ។

ម្ចាស់ផ្ទះ វៀតណាម នឹងត្រូវបើកឆាកប៉ះ ឥណ្ឌូនេស៊ី ដែលត្រូវបានគេចាត់ទុកថាជាគូប្រកួតធំជាងគេក្នុងពូល ដែលមាន មីយ៉ាន់ម៉ា, ហ្វីលីពីន និងទីម័រខាងកើត រួមជាមួយផងដែរមួយនេះ។

វៀតណាម គឺជាក្រុមការពារមេដាយមាស ដែលគេបានឈ្នះលើកចុងក្រោយ កាលពីស៊ីហ្គេម លើកទី៣០ នៅប្រទេសហ្វីលីពីន៕

អត្ថបទ៖ មន្នីរ័ត្ន

Related Topics:គ្រូបង្វឹកបាល់ទាត់