Connect with us

កីឡា

ប្រធានក្លិបភ្នំពេញក្រោនវ័យ៤១ឆ្នាំ ទទួលមរណភាពនៅថ្ងៃនេះ ដោយរោគាពាធ

បានផុស

នៅ

លោកឧកញ៉ា ឬទ្ធី សំណាង ប្រធានក្លិបបាល់ទាត់ភ្នំពេញក្រោន បានទទួលអនិច្ចកម្មនៅថ្ងៃទី១១ ខែឧសភា ឆ្នាំ២០២២នេះដោយរោគាពាធ។ នេះបើតាមការប្រកាសឲ្យដឹង និងការសម្តែងការសោកស្តាយរបស់ថ្នាក់ដឹកនាំ បុគ្គលិក និងកីឡាករ កីឡាការិនីក្លិបភ្នំពេញក្រោននៅព្រឹកថ្ងៃពុធនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈទំព័រហ្វេសប៊ុក ក្លិបភ្នំពេញក្រោន បានចាត់ទុកថា មរណភាពរបស់ លោកឧកញ៉ា ឬទ្ធី សំណាង គឺជាការបាត់បង់នូវឥស្សរជនមួយរូបដែលប្រកបដោយគុណធម៌ ព្រហ្មវិហាធម៌ ព្រមទាំងភាពជាអ្នកដឹកនាំដែលបានបន្សល់ទុកនូវស្នាដៃជាច្រើនចំពោះសង្គមជាតិ ជាពិសេស ការរួមចំណែកកសាងនូវសមិទ្ធផលជាបន្តបន្ទាប់ក្នុងវិស័យកីឡាបាល់ទាត់ជាតិ វិស័យអប់រំ និងមនុស្សធម៌ជាដើមដែលលោកឧកញ៉ាតែងតែងចូលរួមយ៉ាងសកម្មនាពេលកន្លងមក។

បើតាមក្លិបបាល់ទាត់អាជីពមួយនេះ គឺអស់រយៈកាលជាង ១០ឆ្នាំក្រោមការដឹកនាំរបស់ លោកឧកញ៉ា ឬទ្ធី សំណាង ភ្នំពេញក្រោនបានក្លាយជាគ្រួសារមួយរបស់លោក ហើយលោកតែងតែទូន្មាន និងចង្អុលបង្ហាញនូវមាគ៌ាល្អៗដល់សមាជិកភ្នំពេញក្រោន។ ត្រង់ចំណុចនេះ ក្លិបភ្នំពេញក្រោន បានដកស្រង់ប្រសាសន៍របស់លោកឧកញ៉ា ឬទ្ធី សំណាង មករំលឹកឡើងវិញបែបថា៖«យើងជាគ្រួសារតែមួយដែលមានគោលដៅដូចគ្នា ឆន្ទៈដូចគ្នា ហើយត្រូវតែរួមចិត្ត រួមកម្លាំងគ្នាដើម្បីឈានទៅសម្រេចគោលដៅដែលយើងប្រាថ្នាចង់បាន»។

ក្នុងស្មារតីនេះ ថ្នាក់ដឹកនាំ បុគ្គលិក និងកីឡាករ កីឡាការិនីក្លិបភ្នំពេញក្រោន បានប្តេជ្ញាថែរក្សានូវទស្សនវិស័យនិងបន្តវីរភាពដែលលោកឧកញ៉ា ឬទ្ធី សំណាង សម្រេចបានចំពោះក្លិបបាល់ទាត់ភ្នំពេញក្រោនជាទីដែលលោកបានចំណាយនូវកម្លាំងកាយ ចិត្ត រួមទាំងធនធានជាច្រើនដើម្បីកសាងជាប្រយោជន៍សម្រាប់វិស័យបាល់ទាត់ និងជាពិសេសសម្រាប់អ្នកគាំទ្រក្លិបភ្នំពេញក្រោនជាទីស្រឡាញ់របស់លោក។ ពួកគេក៏សូមបួងសួងដល់ដួងវិញ្ញាណក្ខន្ធ លោកឧកញ៉ា ឬទ្ធី សំណាង សូមបានបដិសន្ធិក្នុងសុគតិភពកុំបីឃ្លៀងឃ្លាតឡើយ៕

ដោយ ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

ស្រុក​បង្កើត​ថ្មី​ជាប់ព្រំដែន​ឡាវ គ្រោងបង្កើតវិទ្យាល័យ​​ថ្មី​មួយ សម្រួល​​សិស្សានុសិស្ស​​​បាន​ចូល​រៀន

ព័ត៌មានអន្ដរជាតិ១៨ នាទី មុន

តុលាការ​​កំពូល​​​និយាយ​​ថា​​​ ពល​រដ្ឋ​​អាមេរិក​​មាន​សិទ្ធិ​​កាន់​​កាំភ្លើង​​ទី​សាធារណៈ

សេដ្ឋកិច្ច១៨ នាទី មុន

បាត់ដំបង រំពឹងស្រូបទាញចំណូលពីអគារ​សំណង់បុរាណ និងហាមពលរដ្ឋ​កែលម្អខុសទ្រង់ទ្រាយដើម

ព័ត៌មានអន្ដរជាតិ១៨ នាទី មុន

ស្រីលង្កា ប្រាប់ទំហំទឹកប្រាក់ត្រូវការផ្គត់ផ្គង់សេដ្ឋកិច្ច និងតម្រូវការផ្សេងៗ

ព័ត៌មានជាតិ២០ នាទី មុន

អាជ្ញាធរ​សមត្ថកិច្ចចម្រុះ ​ខេត្តកំពង់ឆ្នាំង បង្ហាញលទ្ធផល​​ចុះបង្ក្រាបបទល្មើសនេសាទរយៈពេល ៣ ខែ

Sokha Hotels

ព័ត៌មានពេញនិយម