កីឡា
អ្នកស្នេហាវិស័យបាល់ទាត់ សោកស្ដាយចំពោះមរណភាព ប្រធានក្លិបភ្នំពេញក្រោន
លោកឧកញ៉ា ឬទ្ធី សំណាង ប្រធានក្លិបបាល់ទាត់ភ្នំពេញក្រោន បានទទួលអនិច្ចកម្ម វេលាម៉ោង ៨:១០ នាទីព្រឹក ថ្ងៃទី ១១ ខែឧសភា ឆ្នាំ ២០២២ នេះដោយរោគាពាធ ខណៈមរណភាពរបស់រូបលោកត្រូវបានអ្នកស្នេហាវិស័យបាល់ទាត់កម្ពុជា សម្ដែងការសោកស្ដាយជាខ្លាំង ដ្បិតលោកបានរួមចំណែកក្នុងវិស័យនេះច្រើនលើសពីការរំពឹងទុក។
នេះជាការបាត់បង់ដ៏ធំធេងមួយសម្រាប់បាល់ទាត់ជាតិ នូវបុរសដែលត្រូវបានគេចាត់ទុកថាមានឆន្ទៈ និងស្រលាញ់វិស័យកីឡាបាល់ទាត់ ចង់រួមចំណែកអភិវឌ្ឍន៍បាល់ទាត់កម្ពុជាពិតៗ យ៉ាងសស្រាក់សស្រាំអស់រយៈពេលច្រើនជាង ១០ ឆ្នាំមកនេះ ចាប់តាំងពីលោកចូលមកគ្រប់គ្រងក្លិបបាល់ទាត់ភ្នំពេញក្រោន នៅឆ្នាំ ២០០៨។
ចំណុចដែលអ្នកគាំទ្រសម្ដែងការសោកស្ដាយនោះ គឺរូបលោកនេះហើយដែលជាអ្នកចាប់ផ្ដើមឱ្យមានការបណ្ដុះបណ្ដាលកីឡាករថ្នាលយុវជនកម្រិតស្ដងដាអាជីពដំបូងគេនៅកម្ពុជា កាលពីឆ្នាំ ២០១០ ជាមួយក្លិបបាល់ទាត់ភ្នំពេញក្រោននេះផ្ទាល់តែម្ដង ដោយមានទាំងឈុតយុវជនអាយុក្រោម ១ ៣ឆ្នាំ, ១៥ ឆ្នាំ និង ១៧ ឆ្នាំ។ លោករៀបចំឱ្យមានថ្នាលបែបនេះ គឺបន្ទាប់ពីលោកបានមើលឃើញថា ប្រសិនបើកីឡាករមានគ្រឹះពីតូចមកទើបមានការប្រកួតប្រជែង និងដោយសារជម្រើសជាតិពីមុនមិនមានថ្នាលត្រឹមត្រូវ ដូច្នេះគុណភាពក៏មិនសូវជាល្អ។
យុវជនថ្នាលដែលចូលរួមជាមួយភ្នំពេញក្រោន តាំងពីឆ្នាំ ២០១០ មក ពួកគេទទួលបានទាំងការរៀនសូត្រ ការហ្វឹកហាត់កម្រិតអាជីព ការស្នាក់នៅ-ហូបចុកជាមួយក្លិប ដោយចំណាយធនធានផ្ទាល់ខ្លួនរបស់លោកផ្ទាល់ រហូតដល់យុវជនទាំងនោះបានក្លាយទៅជាផ្នែកមួយនៃក្រុមជម្រើសជាតិកម្ពុជាដែលចេញផ្លែផ្កានាប៉ុន្មានឆ្នាំចុងក្រោយនេះ និងរួមចំណែកក្នុងប្រវត្តិសាស្ត្របាល់ទាត់កម្ពុជា។
អ្វីដែលចាំមិនភ្លេចគឺមានកីឡាករច្រើនជាង ១០ នាក់ ក្នុងចំណោម ២០ នាក់ចេញមកពីថ្នាលយុវជនក្លិបភ្នំពេញក្រោន បានជួយឱ្យ ក្រុម U23 កម្ពុជា ឡើងទៅវគ្គពាក់កណ្ដាលផ្ដាច់ព្រ័ត្រ ព្រឹត្តិការណ៍ស៊ីហ្គេម កាលពីឆ្នាំ ២០១៩ នៅប្រទេសហ្វីលីពីន ជាលើកដំបូងក្នុងប្រវត្តិសាស្ត្រចាប់តាំងពីកម្ពុជា ចូលរួមស៊ីហ្គេមក្នុងឆ្នាំ ១៩៥៩ មក ដែលនេះជាផ្លែផ្កាលោកខំដាំតាំងពីឆ្នាំ ២០១០ មក។
មិនមែនតែបាល់ទាត់បុរស និងថ្នាលយុវជន លោកក៏បានបង្កើតឱ្យមានក្រុមបាល់ទាត់នារី ដំបូងគេផងដែរ ដែលទើបតែឈ្នះពានលីគបាល់ទាត់នារីកម្ពុជា កាលពីពេលថ្មីៗនេះ ហើយអ្វីដែលគេកោតសរសើរថែមទៀតនោះ គឺក្លិបបានសាងសង់កីឡដ្ឋានផ្ទាល់ខ្លួន មុនគេនៅក្នុងបាល់ទាត់កម្ពុជា ដែលមានឈ្មោះថា RSN (បច្ចុប្បន្ន Smart RSN) អាចផ្ទុកទស្សនិកជនបានប្រមាណ ៥ពាន់នាក់ ប្រើប្រាស់រហូតដល់សព្វថ្ងៃ។
នេះជាពេលវេលាដ៏សោកសៅសម្រាប់បាល់ទាត់កម្ពុជា ‘កម្ពុជាថ្មី’ សូមចូលរួមរំលែកទុក្ខជាមួយក្លិបភ្នំពេញក្រោន និងលោកជំទាវ ភូ ឈាវលីន ព្រមទាំងក្រុមគ្រួសារ ចំពោះការបាត់បង់លោកឧកញ៉ា ឫទ្ធី សំណាង៕
អត្ថបទ៖ មន្នីរ័ត្ន
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?