កីឡា
ក្លឹបបាល់ទាត់អង្គរថាយហ្គឺរ តែងតាំងជំនួយការគ្រូបង្វឹកជាជនជាតិអេស្ប៉ាញ
ក្លឹបបាល់ទាត់អង្គរថាយហ្គឺរ (Angkor Tiger FC) សមាជិកក្នុងពានរង្វាន់លីគកំពូលកម្ពុជា Metfone Cambodian League ដែលមានមូលដ្ឋាននៅខេត្តសៀមរាប បានប្រកាសតែងតាំងក្រុមការងារគ្រូបង្វឹកថ្មី នៅថ្ងៃសុក្រ ទី ១៨ ខែធ្នូ ឆ្នាំ២០២០ ថាក្លឹបសម្រេចគ្រូជំនួយការគ្រូបង្វឹកថ្មីជាជនជាតិអេស្ប៉ាញ គឺលោក Marc Vigili Soler។
ប្រភពមកពីក្លឹបបាល់ទាត់ ដែលមានថៅកែជាជនជាតិជប៉ុន មួយនេះបានបញ្ជាក់ថាលោក Marc Virgili កើតនៅថ្ងៃទី ២២ ខែមេសា ឆ្នាំ១៩៩៤ (អាយុ ២៦ឆ្នាំ) កាន់អាជ្ញាប័ណ្ណគ្រូ UEFA ‘A’ License ។ លោក Marc បានចាប់ផ្ដើមអាជីពរបស់ខ្លួននៅក្នុងឆ្នាំ២០១០ ជាមួយនឹងក្លឹបពាក់កណ្ដាលអាជីពមួយរបស់អេស្ប៉ាញ គឺក្លឹប Atlètic Roda de Barà ក្នុងនាមជាគ្រូបង្វឹកយុវជនជាច្រើនកម្រិតមានដូចជា U10, U11, U14, U16, និង U19 រហូតដល់ឆ្នាំ ២០១៦។ ក្រោយមកលោកបានផ្លាស់ទៅក្លឹបនៅលីគលំដាប់ទី២ របស់អេស្ប៉ាញ គឺ Gimnàstic de Tarragona ពីឆ្នាំ ២០១៦ ដល់ ២០១៩ ក្នុងនាមជាគ្រូជំនួយឈុត U11, U12, U14 និងជាគ្រូបង្គោល U16។
លោក Marc Vigili Soler ត្រូវជួយកិច្ចការដល់លោក Oriol Mohedano ដែលជាគ្រូបង្វឹកក្រុមអង្គរថាយហ្គឺរ ដើម្បីត្រៀមខ្លួនប្រកួតក្នុងពានរង្វាន់លីគកំពូលកម្ពុជា និងពានរង្វាន់សម្តេចតេជោ ហ៊ុន សែន ក្នុងរដូវកាលឆ្នាំ២០២១ ដែលនឹងចាប់ផ្តើមពីខែមីនា ឆ្នាំ២០២១ តទៅ។ នេះជាឱកាសការងារលើកដំបូងនៅកម្ពុជារបស់លោក Marc Vigili Soler ខណៈក្លឹបក៏សង្ឃឹមយ៉ាងមុតមាំថាលោក នឹងរួមចំណែកជួយក្រុមឲ្យទទួលបានជោគជ័យ សម្រាប់រដូវកាលថ្មី ផងដែរ។
ទន្ទឹមនឹងសមាជិកថ្មីនេះ ក្លឹបបាល់ទាត់អង្គរថាយហ្គឺរ ទើបតែបានប្រកាសតែងតាំងលោក Naotake Hanyu អតីតកីឡាករបាល់ទាត់ជម្រើសជាតិជប៉ុន ជាទីប្រឹក្សាក្លឹបចាប់ពីឆ្នាំ២០២១ តទៅ កាលពីពេលថ្មីៗ ខណៈតួនាទីនេះ លោកនឹងជួយជ្រោមជ្រែងក្លឹបលើការផ្ដល់យោបល់ផ្នែកបច្ចេកទេស, ស្វែងរកកីឡាករ និងជួយផ្សព្វផ្សាយពីក្លឹបដល់អ្នកគាំទ្រនៅប្រទេសជប៉ុន។
ក្លឹបបាល់ទាត់អង្គរថាយហ្គឺរ បានបញ្ចប់បេសកកម្មក្នុងឆ្នាំ២០២០ ដោយឈរចំណាត់ថ្នាក់លេខ៧ ប្រចាំតារាងរួម ដែលមានសមាជិក១៣ក្រុម នៃលីគកំពូលកម្ពុជា ក្រោយប្រកួតបាន១៨លើកឈ្នះបាន១១លើក ស្មើគ្នា៣លើកនិងចាញ់៤លើក ខណៈក្នុងពានរង្វាន់សម្តេចតេជោ ហ៊ុន សែន វិញក្រុមនេះបានចាញ់ក្រុមខេត្តព្រៃវែង នៅវគ្គ១៦ក្រុមចុងក្រោយទាំង២ជើងដោយលទ្ធផល៥ទល់៤៕
អត្ថបទ៖ ម៉េង ហួរ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ