កីឡា

ថ្ងៃនេះ ក្រុមខេត្ត៣ប៉ះក្រុមលីគទី២ វគ្គជម្រុះថ្នាក់ជាតិពានសម្តេចតេជោ ហ៊ុន សែន

បានផុស

៤ years មុន

នៅ

ថ្ងៃអង្គារ ២១ មិថុនា ២០២២

ដោយ

ការប្រកួតដំណាក់ជម្រុះថ្នាក់ជាតិ ពានរង្វាន់បាល់ទាត់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងចាប់ផ្តើមនៅថ្ងៃអង្គារ៍ ទី២១ ខែមិថុនា ឆ្នាំ២០២២នេះហើយដោយក្រុមជាប់ជម្រុះថ្នាក់ខេត្ត៣ជួបក្រុមលីគទី២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមខេត្តកំពត អេហ្វស៊ី បើកទ្វារកីឡដ្ឋានខេត្តកំពតរបស់ខ្លួនវេលាម៉ោង ៣:៣០នាទីរសៀលនេះទទួលស្វាគមន៍ក្រុមភ្ញៀវខេត្តព្រៃវែង អេហ្វស៊ី មកពីលីគទី២។ ខេត្តកំពតជាក្រុមមួយដែលមានឈ្មោះបោះសំឡេងក្នុងចំណោមក្រុមខេត្តនានា ប៉ុន្តែបើប្រៀបធៀបជាមួយក្រុមខេត្ត ព្រៃវែង អេហ្វស៊ីគឺនៅមានកម្រិតទាបជាង ពីព្រោះក្រុមខេត្តព្រៃវែងសំបូរយុវជនល្អៗដែលជាប់ជម្រើសជាតិ។

ម៉ោងដំណាកគ្នានេះ ក្រុមឬទ្ធីសែន ត្រូវតទល់នឹងក្រុមលេចធ្លោ កោះកុង អេហ្វស៊ី មកពីលីគទី២។ ក្រុមខេត្តកោះកុងមានកីឡាករសំបូរបទពិសោធច្រើន និងគ្រូបង្វឹកក៏មានបទពិសោធច្រើន។ ដូច្នេះក្រុមតំណាងខេត្តកំពង់ឆ្នាំងត្រូវធ្វើការធ្ងន់ហើយក្នុងផ្ទះរបស់ខ្លួននៅទីលានវិទ្យាល័យ ហ៊ុន សែន កំពង់ត្រឡាច។ ការប្រកួតនេះមានផ្សាយផ្ទាល់តាម BTV។

ជាមួយគ្នានេះ ក្រុមខ្លាំងសំបូរកីឡាករមានបទពិសោធច្រើន អាយ អេស អាយ ដង្កោសែនជ័យ ចេញពីរាជធានីភ្នំពេញធ្វើដំណើរទៅសួរសុខទុក្ខ ក្រុមជើងឯករងពានរង្វាន់សម្តេចតេជោ ហ៊ុន សែន ថ្នាក់ខេត្តឆ្នាំ២០២២គឺ ខេត្តឧត្តរមានជ័យ នៅទីលានវិទ្យាល័យ តេជោសែន សំហេង វេលាម៉ោង៣:៣០នាទីរសៀល។ ប្រកួតនេះក៏ផ្សាយផ្ទាល់តាម BTV ដែរ។

នេះជាការប្រកួតក្នុងផ្ទះជើងទី១ ហើយនៅថ្ងៃស្អែក ទី២២ ខែមិថុនា នឹងមានការប្រកួត៣គូទៀតសម្រាប់ជើងទី១ដូចគ្នា៕

អត្ថបទ៖ វីរបុត្រ

Related Topics:ពានរង្វាន់សម្ដេចតេជោ ហ៊ុន សែន (Hun Sen Cup)

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា