កីឡា

ក្រុមបាល់បោះពិការនារីកម្ពុជា ប៉ះ ថៃ រសៀលនេះដណ្តើមមេដាយមាស

បានផុស

៤ years មុន

នៅ

ថ្ងៃអាទិត្យ ៣១ កក្កដា ២០២២

ដោយ

ក្រុមបាល់បោះពិការជិះរទេះនារីជម្រើសជាតិកម្ពុជាត្រូវប្រកួតវគ្គផ្តាច់ព្រ័ត្រជាមួយក្រុមនារីថៃ វិញ្ញាសានារី៣ទល់៣ ដើម្បីដណ្តើមមេដាយមាសនារសៀលថ្ងៃនេះនៅព្រឹត្តិការណ៍អាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូនេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតសន្សំពិន្ទុ ក្រុមនារីកម្ពុជាបានយកឈ្នះក្រុមនារីឡាវដោយលទ្ធផល ១១-៥ និងបន្តឈ្នះក្រុមនារីថៃដោយលទ្ធផលបន្ថែមម៉ោង៩-៨។ ការប្រកួតបញ្ចប់វគ្គសន្សំពិន្ទុ ក្រុមនារីកម្ពុជាត្រូវប្រកួតជាមួយក្រុមនារីហ្វីលីពីន ខណៈថៃបានបញ្ចប់ការប្រកួតសន្សំពិន្ទហើយគឺឈ្នះក្រុមនារីហ្វីលីពីន ១១-០, ឈ្នះឡាវ ១៣-៣ និងចាញ់ក្រុមនារីកម្ពុជា។ ដូច្នេះក្រុមនារីកម្ពុជាឈរលេខ១ និងថៃឈរលេខត្រូវប្រកួតគ្នាដើម្បីដណ្តើមមេដាយមាស។

ចំណែកក្រុមបាល់បោះពិការជិះរទេះបុរសកម្ពុជាវិញបានបន្តក្តីសង្ឃឹមមេដាយហើយ បន្ទាប់ពីប្រកួតលើកទី២ព្រឹកមិញនេះបានយកឈ្នះក្រុមបុរសម្ចាស់ផ្ទះឥណ្ឌូនេស៊ីដោយលទ្ធផល ៨-៥ ប៉ុន្តែប្រកួតលើកទី១កាលពីម្សិលមិញបានចាញ់ថៃ១៦-៤។ ប្រកួតបន្ទាប់ដើម្បីបញ្ចប់វគ្គសន្សំពិន្ទុ ក្រុមបុរសកម្ពុជាត្រូវប្រកួតជាមួយក្រុមបុរសហ្វីលីពីនដើម្បីដឹងថាតើឈរលេខប៉ុន្មាន។

សូមបញ្ជាក់ថា វិញ្ញាសាបាល់បោះពិការជិះរទេះនេះមាន៤ប្រទេសចូលរួមប្រកួតគឺម្ចាស់ផ្ទះឥណ្ឌូនេស៊ី ថៃ កម្ពុជា និងហ្វីលីពីន ខណៈផ្នែកនារីក៏មាន៤ប្រទេសដែរគឺកម្ពុជា ថៃ ឡាវ និងហ្វីលីពីន៕