កីឡា
កុក បុរីស ក្លាយជាកីឡាករកម្ពុជាដំបូងរកគ្រាប់បាល់បានច្រើនជាងគេ នៅបាល់ទាត់ម៉ាឡេស៊ី
កីឡាករកូនកាត់ខ្មែរបារាំង កុក បុរីស ដែលលេងឱ្យក្លិប Sarawak United នៃលីគកំពូលម៉ាឡេស៊ី ក្នុងលក្ខខណ្ឌខ្ចីជើងពីក្លិបភ្នំពេញក្រោន បានក្លាយជាកីឡាករកម្ពុជា ដែលអាចរកគ្រាប់បាល់បានច្រើនជាងគេនៅប្រទេសដែលរីកចម្រើនបាល់ទាត់ក្នុងតំបន់អាស៊ានមួយនេះ។
បើទោះបីជាធ្លាប់មានរឿងចម្រូងចម្រាសជាមួយក្លិប បុរីស នៅតែព្យាយាមធ្វើបានយ៉ាងល្អនៅលីគកំពូលម៉ាឡេស៊ី ក្នុងការប្រកួតចុងក្រោយនៃលីគដែលបញ្ចប់កាលពីយប់មិញ ដោយគេរកគ្រាប់បាល់បាន ១គ្រាប់បន្ថែមទៀត ក្នុងជំនួបដែលជួយឱ្យក្លិប Sarawak United យកឈ្នះ Melaka United ១-០។
ដូច្នេះនៅក្នុងនាមជាកីឡាករកម្ពុជាតែម្នាក់គត់ ដែលលេងនៅក្រៅប្រទេសឆ្នាំនេះ រូបគេបានរកគ្រាប់បាល់បាន ៥គ្រាប់ ឱ្យក្រុមដែលមានមូលដ្ឋាននៅក្នុងរដ្ឋ Sarawak ក្នុងការបង្ហាញខ្លួនទាំងលីគ (Malaysian Super league) និងខាប់ (Malaysia FA Cup)។
គ្រាប់បាល់ទាំង ៥គ្រាប់របស់គេរកបាននៅក្នុងលីគកំពូលម៉ាឡេស៊ី (Malaysian Super league) ចំនួន ៤គ្រាប់ ខណៈនៅក្នុងពានរង្វាន់ខាប់ (Malaysia FA Cup) ចំនួន ១គ្រាប់ ដោយបំបែកកំណត់ត្រារបស់កីឡាករ ចាន់ វឌ្ឍនាកា ដែលរកគ្រាប់បាល់បានត្រឹមតែ ៣គ្រាប់នៅក្នុងលីគកំពូលម៉ាឡេស៊ីតែមួយគត់ ជាមួយក្លិប ២ផ្សេងគ្នា (Pahang FA និង PKNS) ស្មើនឹងការប្រកួតចំនួន ២៥ប្រកួត។
យ៉ាងណាមិញ ទោះបីជាគេរកគ្រាប់បាល់បានច្រើនជាងគេក៏ដោយ ប៉ុន្តែលទ្ធផលចុងក្រោយរបស់ Sarawak United នៃលីគរដូវកាល២០២២នេះ គឺត្រូវកាត់ចេញទៅលីគទី៣ ម៉ាឡេស៊ី ដោយសារក្លិបបង្កើតឱ្យមានបញ្ហាហិរញ្ញវត្ថុដែលខុសលក្ខខណ្ឌលីគម៉ាឡេស៊ី បើទោះបីជាឈរនៅលេខរៀងទី១១ នៃលីគក៏ដោយ។
សូមរំឮកថា លីគបាល់ទាត់ម៉ាឡេស៊ី មានកីឡាករកម្ពុជា ៤នាក់ហើយ ដែលទៅប្រកបអាជីពនៅទីនោះរួមមាន ធារី ចន្ថាប៊ីន (រកបាន ២គ្រាប់), កែវ សុខផេង (រកបាន ១គ្រាប់), ប្រាក់ មុន្នីឧត្តម (ពុំអាចរកគ្រាប់បាល់បាន) និងចាន់ វឌ្ឍនាកា ជាថ្មីម្ដងទៀត (រកគ្រាប់បាល់បាន ៣គ្រាប់)៕ អត្ថបទ៖ មន្នីរ័ត្ន
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ