កម្ពុជា ឈ្នះមេដាយមាស ៣គ្រឿង ក្នុងព្រឹត្តិការណ៍ប៉េតង់ជើងឯកអាស៊ី លើកទី៤ នៅថៃ

ក្រុមអត្តពលិកប៊ូល និងប៉េតង់កម្ពុជា បានធ្វើបានយ៉ាងល្អក្នុងការប្រកួតព្រឹត្តិការណ៍ប៊ូល និងប៉េតង់ ជើងឯកអាស៊ី​លើក​ទី៤​ (the 4th Asian Boules Sport Confederation Petanque Championship Tournament) នៅទីក្រុងបាងកក ប្រទេសថៃ បន្ទាប់ពីអាចដណ្ដើមមេដាយមាស ៣គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតដែលចាប់ផ្ដើមពីថ្ងៃទី១០ ដល់ថ្ងៃទី១៤ ខែវិច្ឆិកា ឆ្នាំ២០២២ ប្រតិភូ គ្រូបង្វឹក និងអត្តពលិកម្ពុជា ដែលមានសមាជិក​​ទាំងអស់២៧នាក់ បានដណ្ដើមមេដាយសរុប ៧គ្រឿង លើ  ៦វិញ្ញាសា ក្នុងនោះរួមមាន មេដាយមាស​ចំនួន៣គ្រឿង, មេដាយប្រាក់ ចំនួន២គ្រឿង និងមេដាយសំរឹទ្ធិ ចំនួន ២គ្រឿង។

មេដាយមាស ៣គ្រឿងធ្វើបានក្នុងវិញ្ញាសា៖ 

-យុវជនអាយុក្រោម ១៨ឆ្នាំ វាយយកពិន្ទុ

-បុរស វាយយកពិន្ទុ 

-បុរស ៣នាក់ទល់៣នាក់ (A)

មេដាយប្រាក់ ២គ្រឿងគឺនៅក្នុងវិញ្ញាសា៖ 

-នារី វាយយកពិន្ទុ 

-នារី ៣នាក់ទល់៣នាក់

មេដាយសំរឹទ្ធ ២គ្រឿងគឺស្ថិតនៅក្នុងវិញ្ញាសា៖ 

-យុវជន ៣នាក់ទល់៣នាក់ អាយុក្រោម ១៨ឆ្នាំ (B) 

-បុរស ៣នាក់ទល់៣នាក់ (B)

គួរបញ្ជាក់ថា ប៉េតង់ ក៏នឹងក្លាយជាប្រភេទកីឡាដែលដាក់ឱ្យប្រកួតក្នុងស៊ីហ្គេម ឆ្នាំ២០២៣ នៅកម្ពុជា ផងដែរ ដ្បិតកីឡានេះក៏ជាកីឡាសក្ដានុពលរបស់កម្ពុជា ថែមទៀតផង៕

អត្ថបទ៖ មន្នីរ័ត្ន