កីឡា
ព្យាករជម្រើស១១នាក់ និងលទ្ធផល អង់គ្លេស ប៉ះ អ៉ីរ៉ង់ ម៉ោង៨យប់នេះ
អង់គ្លេសបើកឆាកប្រកួតសន្សំពិន្ទុក្នុងពូលប៉ះជើងខ្លាំងអាស៊ីគឺ អ៉ីរ៉ង់ វេលាម៉ោង៨យប់នេះក្នុងព្រឹត្តិការណ៍បាល់ទាត់ពិភពលោក World Cup ឆ្នាំ២០២២ នៅប្រទេសកាតា។
អង់គ្លេសត្រៀមខ្លួនមិនសូវបានល្អប៉ុន្មានឡើយមួយរយៈពេលចុងក្រោយមុនពេល World Cup 2022 មកដល់។ ៥ប្រកួតចុងក្រោយ អង់គ្លេសមិនឈ្នះសោះ គឺស្មើ៣ និងចាញ់២។ អ៉ីរ៉ង់ជាក្រុមខ្លាំងនៅតំបន់អាស៊ីដែលមួយរយៈពេលចុងក្រោយធ្វើបានល្អគួរសម។ ពួកគេឈ្នះ២ ស្មើ១ និងចាញ់២ ក្នុងចំណោម៥ប្រកួតចុងក្រោយ ក្នុងនោះឈ្នះ អ៊ុយរូហ្គាយ និងនីការ៉ាហ្គា។
ព័ត៌មានក្រុម
អង់គ្លេស៖ កីឡាករ Kyle Walker នៅមិនទាន់ស្រួលពេញលេញទេពីរបួស។ កីឡាករ James Maddison ដែលរបួសក្នុងការប្រកួតរបស់ Leicester មិនបានហ្វឹកហាត់ជាមួយក្រុមទេកាលពីសប្តាហ៍មុន ខណៈកីឡាករ Rice និង Phillips ដែលល្អខ្លាំងកាលជើងឯកអឺរ៉ុប២០២០ ក្នុងរដូវកាលនេះមិនសូវបានលេងជាប់លាប់ទេ ដោយសាររបួស។
អ៊ីរ៉ង់៖ កីឡាករ Omid Ebrahimi នឹងអវត្តមានក្នុងការប្រកួតនេះដោយសាររបួស ខណៈសមាជិករបស់ Bayern Leverkusen គឺកីឡាករ Sardar Azmoun ក៏របួស ប៉ុន្តែកីឡាករផ្សេងៗទៀតគ្មានបញ្ហាអ្វីចោទឡើយ។
កីឡាករគួរឲ្យចាប់អារម្មណ៍
Jude Bellingham ដែលកំពុងគួរឲ្យចាប់អារម្មណ៍ខ្លាំងនៅរដូវកាលនេះប្រហែលជាអាចនាំមុខក្នុងការបង្ហាញខ្លួនជាង Kalvin Phillips។ ប្រសិនបើរូបគេសហការជាមួយ Foden និង Rice នោះ រូបគេអាចនឹងជួយក្រុមលោក Southgate បានច្រើនក្នុងតំបន់បម្រើឆ្ពោះទៅបង្កើតឱកាសមាស។
Mehdi Taremi ជាកូនសោរបស់ក្រុមអ៉ីរ៉ង់។ រូបគេតែងតែរកបានគ្រាប់បាល់បាននៅពេលអ៉ីរ៉ង់ប្រកួតជាមួយជម្រើសជាតិធំៗ។ យ៉ាងណា Sardar Azmoun នឹងអវត្តមាន ដូច្នេះខ្សែប្រយុទ្ធរបស់ FC Porto គឺជាអ្នកនាំលេង។
ប្រវត្តិជួបគ្នា
អង់គ្លេស និង អ៉ីរ៉ង់មិនធ្លាប់ជួបគ្នាឡើយ ហើយយប់នេះគឺជាលើកដំបូងដែលក្រុមជម្រើសជាតិទាំងពីរប៉ះគ្នា។
ព្យាករជម្រើស១១នាក់
អង់គ្លេសអាចប្រើទម្រង់ ៣-៤-២-១ ជាមួយជម្រើស១១នាក់៖ Pickford; Trippier, Stones, Maguire, Shaw; Rice, Bellingham; Sterling, Mount, Foden និង Kane។
អ៉ីរ៉ង់ អាចប្រើទម្រង់ ៤-១-៣-២ ជាមួយជម្រើស១១នាក់៖ Beiranvand; Moharrami, Pouraliganji, Hosseini, Mohammedi; Nourollahi, Ezatolahi, Hajsafi; Jahanbakhsh, Taremi និង Amiri៕
ព្យាករលទ្ធផល៖ អង់គ្លេស ៣-០ អ៉ីរ៉ង់
ប្រែសម្រួល៖ វីរបុត្រ
-
កីឡា៤ ថ្ងៃ agoអបអរសាទរ! អេស្ប៉ាញ ជាជើងឯកពិភពលោក World Cup 2026 ក្រោយឈ្នះ អាហ្សង់ទីន
-
ព័ត៌មានជាតិ៤ ថ្ងៃ agoពលរដ្ឋអាចស្នើប្តូរបណ្ណកម្មសិទ្ធិមានកំហុស ឬ QR Code ស្កេនមិនចេញ បាននៅមន្ទីររៀបចំដែនដី រាជធានីភ្នំពេញ
-
ព័ត៌មានជាតិ១ សប្តាហ៍ agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
សន្តិសុខសង្គម៣ ថ្ងៃ agoទើបរៀបការ ២ ខែ! នារីម្នាក់ ត្រូវបុរសស្គាល់តាម Facebook បោកមកធ្វើការនៅភ្នំពេញ សម្លាប់ក្នុងផ្ទះសំណាក់ ពេលនេះសមត្ថកិច្ចចាប់បានឃាតកហើយ
-
កីឡា៥ ថ្ងៃ agoជ័យជម្នះប្រវត្តិសាស្ត្រ! កម្ពុជា ឈ្នះ ឥណ្ឌូណេស៊ី គ្រងជើងឯកពាន Sea V. Cup 2026
-
កីឡា៥ ថ្ងៃ agoស័ក្តិសមបំផុត! វឿន វាសនា ឈ្នះ ពានឯកត្តជន ២ ម្នាក់ឯង ក្រោយជួយកម្ពុជា គ្រងជើងឯក SEA V. Cup 2026
-
កីឡា៥ ថ្ងៃ agoលោក កែវ រ៉េមី ក្រុមជម្រើសជាតិតេក្វាន់ដូ ITF ប្ដេជ្ញាលើកទង់ជាតិខ្មែរជាថ្មីនៅម៉ុងហ្គោលី
-
សន្តិសុខសង្គម១ ថ្ងៃ agoកាប់សម្លាប់ប្រពន្ធនៅខេត្តកំពង់ស្ពឺ រួចជិះម៉ូតូគេចខ្លួនទៅស្រុកកំណើតដល់ពាក់កណ្ដាលផ្លូវជួបគ្រោះថ្នាក់ចរាចរណ៍ស្លាប់ភ្លាមៗ