មកដឹងទីតាំងភូមិសាស្ត្រ និងការរីកចម្រើនវិស័យកីឡាបាល់ទាត់របស់ ម៉ារ៉ុក ក្រោយឡើងវគ្គពាក់កណ្ដាលផ្ដាច់ព្រ័ត្រ

ក្រុមបាល់ទាត់ជម្រើសជាតិម៉ារ៉ុកបានធ្វើឲ្យពិភពលោកមានការភ្ញាក់ផ្អើលយ៉ាងខ្លាំងក្នុងព្រឹត្តិការណ៍បាល់ទាត់ FIFA World Cup ឆ្នាំ ២០២២ ដែលរៀបចំឡើងនៅប្រទេសកាតា ដោយបានឈានដល់វគ្គពាក់កណ្ដាលផ្ដាច់ព្រ័ត្រប៉ះនឹងបារាំងនៅថ្ងៃទី១៤ ខែធ្នូ ឆ្នាំ២០២២ នេះ ។

ក្នុងវគ្គសន្សុំពិន្ទុតាមពូល ម៉ារ៉ុកស្មើតែមួយលើកប៉ុណ្ណោះ និងទទួលបានជ័យជម្នះ ២ លើក ។ ៧ ពិន្ទុនេះធ្វើឲ្យម៉ារ៉ុកឡើងដល់វគ្គ ១៦ ក្រុមចុងក្រោយ និងថែមបានយកឈ្នះគោជល់អេស្ប៉ាញក្នុងវគ្គនោះផងដែរ ដោយបាល់ប៉េណាល់ទីកាត់សេចក្ដី ។ បន្ទាប់មកម៉ារ៉ុកបានបន្តយកឈ្នះលើព័រទុយហ្គាល់ទៀតក្នុងលទ្ធផល ១-០ ក្នុងវគ្គ ៨ ក្រុមចុងក្រោយ ។

តើម៉ារ៉ុកមានទីតាំងភូមិសាស្ត្រ និងវិស័យកីឡាបាល់ទាត់យ៉ាងណាដែរ?

ម៉ារ៉ុក ឬ Morocco គឺជាប្រទេសមួយដែលស្ថិតនៅអាហ្វ្រិកខាងជើងតាមមហាសមុទ្រអាត្លង់ទិច និងសមុទ្រមេឌីទែរ៉ាណេ និងមានព្រំប្រទល់ដីគោកជាប់ប្រទេសអាល់ហ្សេរី តំបន់សាហារ៉ាខាងលិច និងដែនទឹកជាប់ប្រទេសអេស្ប៉ាញ ។

ម៉ារ៉ុកមានទីក្រុងឈ្មោះ Rabat ប៉ុន្តែទីក្រុងធំបំផុតវិញនោះមានឈ្មោះ Casablanca ហើយប្រទេសនេះមានផ្ទៃដីសរុប ៤៤៦,៣០០ គីឡូម៉ែត្រការ៉េ និងមានប្រជាជនប្រហែល ៣៧ លាននាក់គិតត្រឹមឆ្នាំ ២០២២ នេះ ។

ដោយឡែកចំពោះវិស័យកីឡាវិញ, បាល់ទាត់​ជា​កីឡា​ដ៏​ពេញ​និយម​បំផុត​របស់​ប្រទេស​ម៉ារ៉ុក ជាពិសេស​ក្នុង​ចំណោម​យុវវ័យ​ក្នុង​ទីក្រុង​ ។ នៅឆ្នាំ ១៩៨៦ ម៉ារ៉ុកបានក្លាយជាប្រទេសអារ៉ាប់ និងអាហ្រ្វិកដំបូងគេដែលមានលក្ខណៈសម្បត្តិគ្រប់គ្រាន់សម្រាប់ការប្រកួតវគ្គជម្រុះជុំទី ២ នៃព្រឹត្តិការណ៍បាល់ទាត់ពិភពលោក FIFA World Cup ។

ដើមឡើយប្រទេសម៉ារ៉ុកគ្រោងនឹងធ្វើជាម្ចាស់ផ្ទះនៃការប្រកួតពានរង្វាន់ទ្វីបអាហ្រ្វិកឆ្នាំ ២០១៥ ប៉ុន្តែបានបដិសេធមិនធ្វើជាម្ចាស់ផ្ទះការប្រកួតនេះតាមកាលបរិច្ឆេទដែលបានគ្រោងទុក ដោយសារតែមានការភ័យខ្លាចចំពោះការផ្ទុះឡើងនៃមេរោគអេបូឡានៅលើទ្វីបនេះ ។

ទន្ទឹមនោះ ម៉ារ៉ុកក៏បានព្យាយាមធ្វើម្ចាស់ផ្ទះ FIFA World Cup ចំនួន ៥ ដងផងដែរ ប៉ុន្តែរងបរាជ័យក្រោមស្នាដៃបារាំង អាល្លឺម៉ង់ អាហ្រ្វិកខាងត្បូង និងកាណាដា-ម៉ិកស៊ិក-សហរដ្ឋអាមេរិក ដែលដេញថ្លៃបានធ្វើម្ចាស់ផ្ទះរួមគ្នានៅឆ្នាំ ២០២៦ ៕

ប្រែសម្រួលដោយ ៖ ជីវ័ន្ត

ប្រភព ៖ Wikipedia

ចុចអាន ៖ តើ World Cup ឆ្នាំនេះអាចជាន់ដានចាស់ដូច ២០១៨ ដែរឬទេ?