ព័ត៌មានអន្ដរជាតិ
ម៉ារ៉ុក គ្រោងសម្លាប់ឆ្កែ ៣លានក្បាល មុនពេលធ្វើជាម្ចាស់ផ្ទះ World Cup
ប្រទេសម៉ារ៉ុក ត្រូវបានគេរាយការណ៍ថា គ្រោងនឹងសម្លាប់សត្វឆ្កែចំនួន៣លានក្បាល ក្នុងគោលបំណងសម្អាតទីក្រុងរបស់ខ្លួន មុនពេលធ្វើជាម្ចាស់ផ្ទះនៃការប្រកួត FIFA World Cup ឆ្នាំ២០៣០។
ផែនការនេះ បានរងការរិះគន់យ៉ាងខ្លាំងពីសកម្មជនសិទ្ធិសត្វពាសពេញពិភពលោក ដែលចោទប្រកាន់ថា សត្វអនាថារាប់ពាន់ក្បាលត្រូវបានសម្លាប់នៅក្នុងប្រទេសនេះរួចមកហើយនាពេលកន្លងទៅ។
លោកស្រី Jane Goodall អ្នកអភិរក្ស និងជាអ្នកតស៊ូមតិសិទ្ធិសត្វដ៏ល្បីល្បាញ បានសរសេរលិខិតទៅកាន់អគ្គលេខាធិការរបស់ FIFA លោក Mattias Grafstrom ជុំវិញបញ្ហានេះ ដោយចោទប្រកាន់ FIFA ថាមិនអើពើនឹងអ្វីដែលលោកស្រីចាត់ទុកថាជា «អំពើដ៏ព្រៃផ្សៃជាទីបំផុត»។
លោកស្រី Goodall បានព្រមាន FIFA ថាអាចប្រឈមនឹងការធ្វើឲ្យខូចកេរ្តិ៍ឈ្មោះរបស់ខ្លួន ប្រសិនបើបរាជ័យក្នុងការធ្វើសកម្មភាពលើបញ្ហានេះ។
លោកស្រី បានបន្ថែមថា៖ «មានជម្រើសមនុស្សធម៌ជាច្រើនក្នុងការគ្រប់គ្រងចំនួនឆ្កែតាមចិញ្ចើមផ្លូវ និងអង្គការអន្តរជាតិល្បីឈ្មោះមួយចំនួនដែលរីករាយក្នុងការជួយអាជ្ញាធរម៉ារ៉ុកក្នុងការអនុវត្តកម្មវិធីបែបនេះ»។
សូមបញ្ជាក់ថា យោងតាមការចុះផ្សាយរបស់សារព័ត៌មាន Daily Mail កន្លងមកក្រុមសិទ្ធិសត្វអន្តជាតិ ធ្លាប់បានលើកឡើងថា សត្វឆ្កែត្រូវបានបំពុលដោយសារធាតុគីមីម្យ៉ាងហៅថា strychnine និងត្រូវបានបាញ់សម្លាប់ដោយខ្មាន់កាំភ្លើងដែលដើរល្បាតតាមដងផ្លូវក្នុងប្រទេសម៉ារ៉ុក។
យ៉ាងណា នៅខែសីហាឆ្នាំ២០២៤ អាជ្ញាធរម៉ារ៉ុក បានអះអាងថា គំនិតនៃការសម្លាប់សត្វឆ្កែនេះត្រូវបានបញ្ឈប់ហើយ។ ប៉ុន្តែក្រុមការពារសិទ្ធិសត្វ បានចោទប្រកាន់ថា ការសម្លាប់មិនបានបញ្ឈប់នោះទេ តែបែរជាកើនឡើងវិញ ចាប់តាំងពីការប្រកាសរបស់ FIFA ក្នុងឆ្នាំ២០២៣ ដែលថាម៉ារ៉ុកនឹងធ្វើជាម្ចាស់ផ្ទះ World Cup ឆ្នាំ២០៣០៕
ដោយ៖ ឈាង
-
ព័ត៌មានជាតិ៧ ថ្ងៃ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ១៥ ម៉ោង agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍៧ ថ្ងៃ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ៧ ថ្ងៃ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ៧ ថ្ងៃ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
ព័ត៌មានជាតិ១៥ ម៉ោង agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច២ ថ្ងៃ agoកម្ពុជារកចំណូលបាន ១៥៤ លានដុល្លារ ពីការនាំចេញជ័រកៅស៊ូនៅរយៈពេល ៤ ខែ
-
ព័ត៌មានអន្ដរជាតិ២០ ម៉ោង agoណេតាន់យ៉ាហ៊ូ ប្រកាសថា គ្រប់គ្រងដីហ្គាហ្សាបាន ៦០% ហើយត្រៀមលេបយកថែមទៀត