Connect with us

កីឡា

ម៉ារ៉ុក នឹងសាងសង់ពហុកីឡដ្ឋានធំបំផុតក្នុងលោកតម្លៃ៤៥៩លានអឺរ៉ូ

បានផុស

នៅ

ប្រទេសអេស៉្បាញ ព័រទុយហ្គាល់ និងម៉ារ៉ុក គ្រោងនឹងធ្វើសហ​ម្ចាស់ផ្ទះសម្រាប់ការប្រកួតបាល់ទាត់ពិភពលោក ឆ្នាំ២០៣០ (FIFA World Cup 2030) ខណៈពេល​នេះ ម៉ារ៉ុក កំពុងចាប់យកឱកាសដើម្បីផ្ដួល​អេស៉្បាញ ដែលកំពុងជាប់គាំងក្នុងរឿងអាស្រូវផ្ទាល់ខ្លួន ដណ្តើមទីតាំងដើម្បីធ្វើម្ចាស់ផ្ទះពេលឈានដល់ការប្រកួតវគ្គផ្តាច់ព្រ័ត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃពុធសប្តាហ៍មុន អង្គភាពប្រតិបត្តិការកណ្តាល (UCO) បានចូលទីស្នាក់ការកណ្តាលសហព័ន្ធកីឡាបាល់ទាត់អេស្ប៉ាញ ដើម្បីស្វែងរកកិច្ចសន្យាដែលមិនប្រក្រតី រយៈពេល៥ឆ្នាំចុងក្រោយ អំឡុងពេល លោក Luis Rubiales ទទួលបន្ទុកជាប្រធានសហព័ន្ធបាល់ទាត់អេស្ប៉ាញ បច្ចុប្បន្ន​កំពុងមានរឿងក្ដីនៅតុលាការ។

ទោះ​បី​ជា​ភាពមិនប្រក្រតីទាំងនេះ មិនគំរាមកំហែងដល់ការរៀបចំការប្រកួតបាល់ទាត់ពិភពលោក វា​ក៏​អាចជះឥទ្ធិពលដល់ដំណាក់កាល FIFA World Cup នៅវគ្គផ្ដាច់ព្រ័ត្រ។

ពហុកីឡដ្ឋានដែលម៉ារ៉ុក គ្រោងនឹងសាងសង់សម្រាប់ការប្រកួតបាល់ទាត់ពិភពលោក ឆ្នាំ២០៣០ ជាមួយប្រទេសជិតខាងរបស់ខ្លួនគឺព័រទុយហ្គាល់ និងអេស្ប៉ាញ ពិតជាមានការភ្ញាក់ផ្អើលយ៉ាងខ្លាំង ដោយសមត្ថភាព​ផ្ទុកទស្សនិកជន​១១៥,០០០នាក់។

កិច្ចសន្យាសាងសង់ដែលនឹងក្លាយជា “ពហុកីឡដ្ឋានបាល់ទាត់ដ៏ធំបំផុតក្នុងពិភពលោក” ត្រូវបានប្រគល់ជូនដល់ក្រុមហ៊ុនស្ថាបត្យកម្មដែលដឹកនាំដោយជនជាតិអេស្ប៉ាញ។ ប្រទេស​ម៉ារ៉ុករំពឹងថានឹងអាចលើសពីនេះ សម្រាប់កិត្តិយសនៃពិភពលោកមើលឃើញប្រទេសរបស់ខ្លួនអំឡុងពេលការប្រកួត World Cup វគ្គផ្ដាច់ព្រ័ត្រ។

បន្ថែមពីលើស្ថាបត្យករជនជាតិអេស្ប៉ាញ “ក្តីស្រមៃរបស់ម៉ារ៉ុក” ក្នុងការធ្វើជាម្ចាស់ផ្ទះវគ្គផ្តាច់ព្រ័ត្រនៅលើទឹកដីខ្លួនឯងនឹងត្រូវបានសម្រេចដោយក្រុមហ៊ុនអង់គ្លេស Populous ដែល​ទទួល​បន្ទុក​ឌីហ្សាញ​ និងសាងសង់ពហុកីឡដ្ឋាន​សហការជាមួយក្រុមហ៊ុនបារាំង-ម៉ារ៉ុក Oulalous+Choi (O+C)។

នៅសល់ពេលជាង ៦ឆ្នាំទៀតប៉ុណ្ណោះរហូតដល់ World Cup ដែលនឹងប្រព្រឹត្តទៅជាលើកដំបូងនៅលើទ្វីបចំនួន ៣ផ្សេងគ្នា ដោយការប្រកួត​បើក​ឆាក​ត្រូវបានលេងក្នុងប្រទេសអាហ្សង់ទីន អ៊ុយរូហ្គាយ និងប៉ារ៉ាហ្គាយ ​ដើម្បី​អបអរខួបលើកទី១០០ នៃព្រឹត្តិការណ៍បាល់ទាត់ពិភពលោក លើកដំបូងត្រូវប្រារព្ធឡើង នៅទីក្រុង Montevideo របស់អ៊ុយរូហ្គាយ។

ពហុកីឡដ្ឋាននឹងក្លាយ​ជាសំណង់ធំមួយក្រោមដំបូល ដោយការ​ឌីហ្សាញ​នេះត្រូវបានបំផុសគំនិតដោយការប្រមូលផ្តុំសង្គមរបស់ម៉ារ៉ុក និង​គ្រោង​​ចំណាយ​​ថវិកាប៉ាន់​ប្រមាណ​​៤៥៩លានអឺរ៉ូ។

ពហុកីឡដ្ឋាននេះ នឹងធំជាងគេ​បំផុត​នៅលើពិភពលោក​ពោល​គឺ​ធំ​ជាពហុកីឡដ្ឋាន Rungrado 1st of May របស់​ប្រទេសកូរ៉េខាងជើង ​ជាកីឡដ្ឋានធំជាងគេទី២ មានកៅអីអង្គុយចំនួន ១១៤,០០០កៅអី។

បន្ថែមពីលើសមត្ថភាពដ៏ធំ​ ពហុកីឡដ្ឋានក៏នឹងមានទីលានកីឡា អាងហែលទឹក មជ្ឈមណ្ឌលលក់ទំនិញ និងសណ្ឋាគារផងដែរ ដោយបំពេញតាមតម្រូវការទាំងអស់​របស់ FIFA។

ពហុកីឡដ្ឋានដ៏ធំបំផុតរបស់ប្រទេសម៉ារ៉ុកបច្ចុប្បន្នគឺ Mohamed V អាច​ផ្ទុកទស្សនិកជន ៦៧,០០០នាក់។ ពហុកីឡដ្ឋានដ៏មមាញឹកគឺ​ Camp Nou ត្រូវបានកែលម្អឡើងវិញរបស់ Barcelona ដែលមានសមត្ថភាពផ្ទុក ១០៥,០០០ និង Santiago Bernabéu របស់ Real Madrid ៨៤,៧៤៤។

វាក៏​នឹងលើសពីសមត្ថភាពរបស់កីឡដ្ឋាន Lusail ក្នុងប្រទេសកាតារ ដែលនៅថ្ងៃទី១៨ ខែធ្នូ ឆ្នាំ២០២២ បានធ្វើជាម្ចាស់ផ្ទះសម្រាប់អ្នកគាំទ្រចំនួន ៨៨,៩៦៦នាក់ សម្រាប់ការប្រកួតវគ្គផ្តាច់ព្រ័ត្រដ៏ល្អបំផុត និងរំជួលចិត្តបំផុតក្នុងប្រវត្តិសាស្ត្ររវាង Messi អាហ្សង់ទីន និងបារាំងរបស់ Mbappé”៕

ប្រែសម្រួល៖ មន្នីរ័ត្ន
ប្រភព៖ Inside The Games

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ២ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៣ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៣ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៣ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៥ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង១ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ១៧ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ៦ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៦ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម