កីឡា

CAMSOC រកបានដៃគូឧបត្ថម្ភទី៤ សម្រាប់ស៊ីហ្គេម-អាស៊ានប៉ារ៉ាហ្គេម២០២៣

បានផុស

១ year មុន

នៅ

ថ្ងៃចន្ទ ៦ កុម្ភៈ ២០២៣

ដោយ

នៅថ្ងៃទី០៦ ខែកុម្ភៈ ឆ្នាំ២០២៣ ក្រុមហ៊ុន Ajinomoto Co. បានក្លាយជាដៃគូឧបត្ថម្ភធំ លើវិស័យធនាគារ សម្រាប់ព្រឹត្តិការណ៍ស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ នៅកម្ពុជា។ នេះបើតាមពិធីចុះហត្ថលេខាលើភាពជាដៃគូឧបត្ថម្ភធំ នៅព្រឹកថ្ងៃទី០៦ ខែកុម្ភៈ ឆ្នាំ២០២៣ នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC)។

វាត្រូវបានចាត់ទុកថាជាដៃគូឧបត្ថម្ភ ទី៤ហើយក្នុងដំណើរឆ្ពោះទៅរៀបចំស៊ីហ្គេម លើកទី៣២ ឆ្នាំ២០២៣ នៅកម្ពុជា បន្ទាប់ពីបានប្រកាសជាដៃគូជាមួយក្រុមហ៊ុនធានារ៉ាប់រ៉ង AIA, ធនាគារ ABA និងក្រុមហ៊ុន FBT ដែលផ្ដល់ការឧបត្ថម្ភសម្លៀកបំពាក់ កាលពីខែមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់ផ្តើមពីស៊ីហ្គេម លើកទី២៩ ដែលធ្វើឡើងនៅទីក្រុងកូឡាឡាំពួរ ក្នុងឆ្នាំ២០១៧ ក្រុមហ៊ុននេះ បានចុះកិច្ចព្រមព្រៀងឧបត្ថម្ភសម្រាប់ស៊ីហ្គេម ចំនួន ៤ដងជាប់ៗគ្នារួចមកហើយ។

ក្នុងនាមដៃគូឧបត្ថម្ភ Premium Partner ក្រុមហ៊ុនរបស់ជប៉ុនបានផ្ដល់នូវការឧបត្ថម្ភជាប្រាក់ដ៏ធំមួយ និងជាការទទួលខុសត្រូវ ការចែករំលែកវិភាគទានដល់ការងារកីឡា ក៏ដូចជាការងារសង្គម ដែលជួយសម្រាលបន្ទុកនៃការចំណាយរបស់ CAMSOS ស្របតាមគោលការណ៍ «សន្សំសំចៃ តែធ្វើឲ្យអស្ចារ្យ»។ មានន័យថា ការសន្សំសំចៃក្នុងកម្រិតមួយ ដែលអាចយកបាន តែក៏ត្រូវខិតខំស្វែងរកការឧបត្ថម្ភគាំទ្របន្ថែមដែរ។