កីឡា

U22 សិង្ហបុរី ដាក់គោលដៅឡើងវគ្គពាក់កណ្តាលផ្តាច់ព្រ័ត្រស៊ីហ្គេមនៅកម្ពុជា

បានផុស

៣ years មុន

នៅ

ថ្ងៃចន្ទ ១៧ មេសា ២០២៣

ដោយ

សហព័ន្ធកីឡាបាល់ទាត់សិង្ហបុរីបានចេញបញ្ជីឈ្មោះកីឡាករបាល់ទាត់ក្រោមអាយុ២២ឆ្នាំ(U22)ចំនួន២៥នាក់ហើយដើម្បីត្រៀមចូលរួមប្រកួតកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។

លោក Philippe Aw គ្រូបង្វឹកក្រុម U22 សិង្ហបុរី បានកោះហៅសមាជិកចំនួន២៥នាក់ដើម្បីបោះជំរំហ្វឹកហាត់ចាប់ពីថ្ងៃទី១៧ ខែមេសានេះទៅដើម្បីត្រៀមខ្លួនសម្រាប់ស៊ីហ្គេមនៅកម្ពុជា។ កីឡាករភាពច្រើនសុទ្ធតែជ្រើសរើសចេញពីក្រុមក្នុងស្រុក។ សមាជិករបស់ Tampines Rovers គឺ Ryaan Sanizal និង Ong Yu En នឹងចូលរួមចុងសប្តាហ៍នេះ ដោយសារពួកគេជាប់ជួយក្លឹបក្នុងលីគកំពូលសិង្ហបុរីបុរីសិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា សិង្ហបុរី នឹងត្រូវជម្រុះ៥នាក់ចេញពោលគឺនៅសល់តែ២០នាក់ចុងក្រោយប៉ុណ្ណោះដើម្បីធ្វើដំណើរមកកម្ពុជានៅថ្ងៃសុក្រ ទី២៨ ខែមេសា ឆ្នាំ២០២៣។

គោលដៅរបស់សិង្ហបុរីក្នុងស៊ីហ្គេម លើកទី៣២នេះគឺឆ្លងឲ្យផុតវគ្គសន្សំពិន្ទុក្នុងពូល និងឡើងទៅកាន់វគ្គពាក់កណ្តាលផ្តាច់ព្រ័ត្រជាលើកដំបូងចាប់តាំងពីឆ្នាំ២០១៣មក។ លទ្ធផលល្អបំផុតរបស់សិង្ហបុរីក្នុងស៊ីហ្គេមគឺឡើងដល់វគ្គផ្តាច់ព្រ័ត្រ៣ដងនៅឆ្នាំ១៩៨៣ ១៩៨៥ និង១៩៨៩ ប៉ុន្តែទទួលបានត្រឹមមេដាយប្រាក់ទាំង៣ដង។ កាលពីឆ្នាំ២០០៧ និង២០១៣ សិង្ហបុរីទទួលបានមេដាយសំរឹទ្ធ។

ក្រុម U22 សិង្ហបុរី ស្ថិតនៅពូល B ជាមួយ វៀតណាម ថៃ ម៉ាឡេស៊ី និងឡាវ។

ការប្រកួតវគ្គសន្សំពិន្ទុក្នុងពូលរបស់សិង្ហបុរី

សិង្ហបុរី vs ថៃ ថ្ងៃទី៣០ មេសា នៅកីឡដ្ឋានព្រីនស៍
សិង្ហបុរី vs វៀតណាម ថ្ងៃទី៣ ឧសភា នៅកីឡដ្ឋានព្រីនស៍
សិង្ហបុរី vs ឡាវ ថ្ងៃទី៦ ឧសភា នៅកីឡដ្ឋានព្រីនស៍
សិង្ហបុរី vs ម៉ាឡេស៊ី ថ្ងៃទី១១ ឧសភា នៅកីឡដ្ឋានព្រីនស៍

អត្ថបទ៖ វីរបុត្រ

Related Topics:កីឡាស៊ីហ្គេម

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា