កីឡា
អត្តពលិកជនពិការកម្ពុជា២៣៦នាក់ត្រៀមខ្លួនរួចរាល់ដើម្បីអាស៊ានប៉ារ៉ាហ្គេមខែក្រោយ
ថ្នាក់ដឹកនាំនៃគណៈកម្មាធិការជាតិប៉ារ៉ាឡាំពិកកម្ពុជាបានចុះសួរសុខទុក្ខ និងលើកទឹកចិត្តដល់កីឡាករ កីឡាការិនីជនមានពិការភាពកម្ពុជាដែលកំពុងហ្វឹកហាត់យ៉ាងសកម្មភាពដើម្បីត្រៀមខ្លួនប្រកួតក្នុងព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ដែលកម្ពុជាធ្វើជាម្ចាស់ផ្ទះចាប់ពីថ្ងៃទី៣ ដល់ទី៩ ខែមិថុនា ឆ្នាំ២០២៣។
កាលពីព្រឹកថ្ងៃទី១៨ ខែឧសភានេះ លោក វង សូត រដ្ឋមន្ដ្រីក្រសួងសង្គមកិច្ច អតីតយុទ្ធជន និងយុវនីតិសម្បទា អនុប្រធានគណៈកម្មាធិការជាតិប៉ារ៉ាឡាំពិកកម្ពុជា និងជាអនុប្រធានគណ:កម្មាធិការជាតិរៀបចំការប្រកួតអាស៊ានប៉ារ៉ាហ្គេម លើកទី១២ (CAMAPGOC) និងលោក យី វាសនា បានចុះជួបសំណេះសំណាលផ្ទាល់ និងលើកទឹកចិត្តដល់អត្តពលិកជនមានពិការភាពកម្ពុជាដែលកំពុងហ្វឹកហាត់នៅមជ្ឈមណ្ឌលជាតិជនពិការតេជោសែន។
លោក វង សូត បានជំរុញឲ្យអត្តពលិកជនពិការទាំងអស់ខិតខំប្រឹងប្រែង ឲ្យអស់ពីសមត្ថភាព ដើម្បីដណ្ដើមមេដាយជូនជាតិក្នុងនាមជាម្ចាស់ផ្ទះឲ្យទទួលបានជោគជ័យដូចដែលកម្ពុជាបានរៀបចំការប្រកួតកីឡាស៊ីហ្គេម លើកទី៣២ ដែលទើបបញ្ចប់ទៅថ្មីៗនេះ។ ទោះបីជាយ៉ាងណា លោកបានផ្តាំផ្ញើឲ្យអត្តពលិកជនពិការទាំងអស់ត្រូវគោរពបទបញ្ជា គោលការណ៍ និងបច្ចេកទេសនៃការប្រកួត ឲ្យបានខ្ជាប់ខ្ជួន ពីព្រោះទាំងនេះជាសេចក្ដីថ្លៃថ្នូរ និងជាមុខមាត់ប្រទេសជាតិ។
ជាមួយគ្នានេះ លោក យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា និងជាអគ្គលេខាធិការរងគណៈកម្មាធិការជាតិ CAMAPGOC បានឲ្យដឹង ថា ការប្រកួតកីឡាអាស៊ានប៉ារ៉ាហ្គេម លើកទី១២ នៅរាជធានីភ្នំពេញ គឺមានកីឡា ១៣ប្រភេទ និងមានកីឡាប្រកួតសម្តែងអេឡិចត្រូនិក១ប្រភេទទៀត។ រហូតដល់ពេលនេះបណ្តាប្រទេសអាស៊ានទាំង១១បានចុះឈ្មោះអត្តពលិក និងប្រតិភូរបស់ខ្លួនរួចរាល់ហើយគឺសរុបប្រមាណ ១៥០០នាក់ ខណៈម្ចាស់ផ្ទះកម្ពុជាបានត្រៀមអត្តពលិក២៣៦នាក់។
លោកបានបញ្ជាក់ថា អត្តពលិកជនមានពិការភាពកម្ពុជាទាំង១៣ប្រភេទកីឡាបានត្រៀមខ្លួនរួចរាល់ហើយដើម្បីប្រកួតស្វែងរកមេដាយជូនជាតិឲ្យបានជោគជ័យដូចអ្វីដែលអត្តពលិកកម្ពុជាធ្លាប់ទទួលបានជោគជ័យក្នុងការប្រកួតកីឡាអាស៊ានប៉ារ៉ាហ្គេម លើកទី១១ ឆ្នាំ២០២២ នៅទីក្រុងសូឡូ ប្រទេសឥណ្ឌូណេស៊ី៕
អត្ថបទ៖ វីរបុត្រ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម