កីឡា

Messi សម្រេចចូលរួមជាមួយក្លិប Inter Miami មានអ្វីពិសេសលើសពីលុយ

បានផុស

៣ ខែ មុន

នៅ

ថ្ងៃព្រហស្បតិ៍ ៨ មិថុនា ២០២៣

ដោយ

វីរបុរសអាហ្សង់ទីន Lionel Messi បានសម្រេចចូលរួមជាមួយក្លិបអាមេរិក Inter Miami រយៈពេល២ឆ្នាំរហូតដល់ឆ្នាំ២០២៦ បន្ទាប់ពីចាកចេញពីក្លិបជើងឯកបារាំង Paris St-Germain។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Lione Lessi បានលើកឡើងថា ៖«តាមពិតទៅ ខ្ញុំបានទទួលសំណើរច្រើនពីក្លិបនៅអឺរ៉ុប ប៉ុន្តែខ្ញុំមិនបានចាប់អារម្មណ៍ក្លិបទាំងនោះទេ ពីព្រោះនៅតំបន់អឺរ៉ុប មានក្លិបមួយប៉ុណ្ណោះដែលខ្ញុំចង់ទៅគឺ Barcelona»។

ក្រៅពីក្លិបនៅអឺរ៉ុបដែលចាប់អារម្មណ៍លើ Messi ក៏មានក្លិបអារ៉ាប៊ីសាអូឌីត Al-Hilal បានដាក់សំណើចុងក្រោយទៅតារាបាល់ទាត់រូបនេះក្នុងកិច្ចសន្យារយៈពេល ៣ ឆ្នាំ ដែលផ្ដល់ទឹកប្រាក់កម្លាំងពលកម្ម ១.៦ ពាន់លានដុល្លារអាមេរិក ប៉ុន្តែអតីតតារាឆ្នើម Barcelona សុខចិត្តជ្រើសរើសទៅលីគនៅសហរដ្ឋអាមេរិកវិញ។

ការសម្រេចចិត្តទៅក្លិបនៅអាមេរិកមានមូលហេតុមួយចំនួនដែលធ្វើឲ្យប្រធានក្រុមអាហ្សង់ទីនទទួលយកគឺចង់បានបែបបទជីវិតរស់នៅថ្មី និងមានកិច្ចព្រមព្រៀងជាមួយផលិតផលល្បីៗ ដែលមានអ្វីពិសេសលើសកីឡាបាល់ទាត់ថែមទៀត។

កីឡាករបានសង្កត់ធ្ងន់ថា ៖«ប្រសិនបើខ្ញុំសម្លឹងឃើញលុយជាធំ ខ្ញុំនឹងទៅអារ៉ាប៊ីសាអូឌីត ឬកន្លែងផ្សេងទៀត»។

ក្រោយពីការចង់វិលត្រឡប់ទៅក្លិបទ្រនំចាស់មិនបានសម្រេច Messi ក៏បានជ្រើសរើសទៅក្លិប Inter Miami របស់ Beckham វិញដោយសារលោកចង់បានរបៀបរស់នៅបែបស៊ីវិល័យនៅទឹកដីសហរដ្ឋអាមេរិក៕

ប្រែសម្រួល៖ ផា រតនា
ប្រភព៖ BBC