កីឡា

ជើងខ្លាំងគុនខ្មែរ៦រូបមានខ្សែក្រវាត់៤គ្រឿងឡើងកំពុងសកម្មលើសង្វៀន

បានផុស

២ years មុន

នៅ

ថ្ងៃអង្គារ ១៨ កក្កដា ២០២៣

ដោយ

កីឡាករប្រដាល់គុនខ្មែរមួយចំនួនបានឈ្នះខ្សែក្រវាត់កម្រិតជាតិ និងអន្តរជាតិជាច្រើនគ្រឿង ប៉ុន្តែកីឡាករខ្លះបានចូលនិវត្តន៍ក្លាយជាគ្រូបង្វឹក ខណៈអ្នកខ្លះនៅបន្តអាជីពប្រដាល់រាល់ថ្ងៃនេះ។ ខាងក្រោមកីឡាករគុនខ្មែរ៦រូបដែលបានឈ្នះខ្សែក្រវាត់ចាប់ពី៤គ្រឿងឡើង និងកំពុងបន្តអាជីពសកម្មនៅលើសង្វៀនដល់សព្វថ្ងៃ។

រឿង សោភ័ណ្ឌ ជាកីឡាករម្នាក់ដែលអាចនិយាយបានថា បានឈ្នះខ្សែក្រវាត់ច្រើនជាងគេក្នុងចំណោមកីឡាករស្រករគ្នា ប៉ុន្តែនៅទីនេះសូមបង្ហាញខ្សែក្រវាត់ចំនួន៦គ្រឿងដែលរូបគេបានឈ្នះក្នុងអាជីព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែក្រវាត់អាស៊ីអឺរ៉ុប
ខ្សែក្រវាត់ស្រាបៀរកម្ពុជា
ខ្សែក្រវាត់អន្តរជាតិ គោជល់វគ្គ៤
ខ្សែក្រវាត់គុនខ្មែរអន្តរជាតិ
ខ្សែក្រវាត់នៅប្រទេសបារាំង
ខ្សែក្រវាត់អន្តរជាតិ គោជល់វគ្គ៨

ធឿន ធារ៉ា ជាកីឡាករដែលល្បីឈ្មោះចេញពីប្រទេសថៃ និងបានអង្រួនសង្វៀនគុនខ្មែរយ៉ាងខ្លាំង បន្ទាប់ពីរូបគេបានចូលហ្វឹកហាត់ជាមួយលោកគ្រូ អេ ភូថង។ រយៈពេលប៉ុន្មានឆ្នាំចុងក្រោយនេះ រូបគេបានឈ្នះខ្សែក្រវាត់៤គ្រឿងគឺ

ខ្សែក្រវាត់អន្តរជាតិ Thai Fight
ខ្សែក្រវាត់គុនខ្មែរអន្តរជាតិ IPCC
ខ្សែក្រវាត់អន្តរជាតិ គ្រុឌគុនខ្មែរ
ខ្សែក្រវាត់គុនខ្មែរពិភពលោក តេជោសន្តិភាព

ព្រំ សំណាង ជាកីឡាករទម្ងន់ធ្ងន់របស់កម្ពុជាដែលទើបតែទទួលបានជោគជ័យខ្លាំងបំផុតក្នុងរយៈពេលប្រហែលជាមួយឆ្នាំចុងក្រោយនេះ។ រូបគេសព្វថ្ងៃនេះកំពុងគ្រប់គ្រងខ្សែក្រវាត់អន្តរជាតិចំនួន៤គឺ

ខ្សែក្រវាត់គុនខ្មែរអន្តរជាតិ KIF
ខ្សែក្រវាត់អន្តរជាតិ Thai Fight
ខ្សែក្រវាត់អន្តរជាតិ គ្រុឌគុនខ្មែរ
ខ្សែក្រវាត់គុនខ្មែរពិភពលោក តេជោសន្តិភាព

ផល សោភ័ណ្ឌ ជាកីឡាករដែលរក្សាគុណភាព និងសមត្ថភាពបានយូរទទួលបានជោគជ័យគួរឲ្យកត់សំគាល់ក្នុងអាជីពរបស់ខ្លួន។ រហូតដល់ពេលនេះរូបគេបានឈ្នះខ្សែក្រវាត់ជាច្រើនគ្រឿងដែលភាគច្រើនគឺជាខ្សែក្រវាត់លំដាប់អន្តរជាតិ។

ខ្សែក្រវាត់ គ្រុដគុនខ្មែរអន្តរជាតិ
ខ្សែក្រវាត់គុនខ្មែរអន្តរជាតិ IPCC
ខ្សែក្រវាត់អន្តរជាតិ ខារ៉ាបាវ
ខ្សែក្រវាត់អន្តរជាតិ ខារ៉ាបាវ
ខ្សែក្រវាត់ ស្រាបៀរកម្ពុជា

ឡៅ ចិត្រា ក៏ជាកីឡាករម្នាក់ដែលទទួលបានជោគ័យខ្លាំងដែរ ប៉ុន្តែប្រហែលជាពីឆ្នាំចុងក្រោយនេះមិនសូវមានសមិទ្ធផលអ្វីគួរឲ្យកត់សំគាល់ទេ ក្រៅពីមេដាយមាសស៊ីហ្គេម។ ថ្ងៃនេះ សូមបង្ហាញខ្សែក្រវាត់៤គ្រឿងដែលរូបគេបានឈ្នះគឺ

ខ្សែក្រវាត់អន្តរជាតិ ខារ៉ាបាវ ឆ្នាំ២០១៨
ខ្សែក្រវាត់មាសនៅ PNN ឆ្នាំ២០១៩
ខ្សែក្រវាត់ប្រាក់ នៅ PNN ឆ្នាំ២០១៩
ខ្សែក្រវាត់ប្រាក់ទី១ របស់ PNN ឆ្នាំ២០១៩

ឡៅ ចន្ទ្រា ទទួលបានជោគជ័យខ្លាំងកាលពីទម្ងន់នៅស្រាល ប៉ុន្តែនៅពេលទម្ងន់ឡើងធ្ងន់ រូបគេមិនសូវទទួលបានឱកាសប្រកួតខ្សែក្រវាត់ទេ។ យ៉ាងណា ថ្ងៃនេះសូមបង្ហាញខ្សែក្រវាត់៤គ្រឿងដែលរូបគេកំពុងគ្រប់គ្រងគឺ