កីឡា
ក្លិប៨ក្នុងលីគកំពូលកម្ពុជាបានបង្ហាញកូតាកីឡាករអាស៊ានផ្លូវការ
លីគកំពូលកម្ពុជា ខេមបូឌានព្រីមៀរលីគ រដូវកាលថ្មីដែលនឹងចាប់ផ្តើមនាថ្ងៃសៅរ៍ ទី៥ ខែសីហា ខាងមុខ តម្រូវឲ្យក្លិបជាសមាជិកទាំង១០ប្រើប្រាស់គោលការណ៏កូតាកីឡាករអាស៊ាន១រូបក្នុងចំណោមកីឡាករបរទេស៦រូប។ រហូតដល់ពេលនេះមានក្លិបចំនួន៨ដែលបាននាំយកកីឡាករអាស៊ានមកចូលរួមជាផ្លូវការ។
ព្រះខ័នរាជស្វាយរៀង
ក្លិបបាល់ទាត់ព្រះខ័នរាជស្វាយរៀងបានបង្កើនតំបន់បម្រើប្រយុទ្ធតាមរយៈការចុះហត្ថលេខានាំយកកីឡាករខ្សែបម្រើប្រយុទ្ធឆ្នើមវ័យ ២២ឆ្នាំជម្រើសជាតិឡាវ Bounphachan Bounkong ដែលផ្ទេរមកពីក្លិប Young Elephants។
ភ្នំពេញក្រាន
ក្លិបបាល់ទាត់ភ្នំពេញក្រានពង្រឹងនៅតំបន់ការពារតាមរយៈការចុះកុងត្រានាំចូលសមាជិកជម្រើសជាតិមីយ៉ាន់ម៉ា Seo Moe Kyaw ដែលជាខ្សែការពារវ័យ២៤ឆ្នាំធ្លាប់លេងឲ្យក្លិប Kasetsart នៅលីគទី២របស់ប្រទេសថៃមុនពេលផ្ទេរមកភ្នំពេញក្រាន។
អង្គរថាយហ្គឺរ
ក្លិបបាល់ទាត់អង្គរថាយហ្គឺរបានចុះកុងត្រានាំយកកីឡាករជម្រើសជាតិហ្វីលីពីន Pocholo Arellano Bugas ដែលជាខ្សែបម្រើស្លាបអាយុ២១ឆ្នាំធ្លាប់លេងឲ្យក្លិប United City និង Azkals Development Team ពីឆ្នាំ២០២០-២០២៣។
ព្រៃវែង
ក្លិបបាល់ទាត់ព្រៃវែងបានចុះហត្ថលេខានាំយកកីឡាករជម្រើសជាតិមីយ៉ាន់ម៉ា Thiha Zaw ដែលជាខ្សែបម្រើប្រយុទ្ធវ័យ២៩ឆ្នាំធ្លាប់លេងឲ្យក្រុមខេត្តកោះកុង Shan United និងក្លិប Ayeyawaddy United ពីឆ្នាំ២០១២-២០២៣។
វិសាខា
ក្លិបបាល់ទាត់វិសាខាបានចុះហត្ថលេខានាំ Mouzinho Lima តាំងពីដើមឆ្នាំ២០២៣ ប៉ុន្តែបានឲ្យក្លិប Sport Laulara e Benfica ខ្ចីជើង។ កីឡាករអាយុ២១ឆ្នាំរូបនឹងវិលត្រឡប់មកវិសាខាវិញសម្រាប់រដូវកាលថ្មីចាប់ផ្តើម។ រូបគេធ្លាប់លេងឲ្យក្លិបកម្ពុជាអង្គរថាយហ្គឺរមួយរដូវកាល មុនពេលចូលរួមជាមួយវិសាខា។
អាយអេសអាយ ដង្កោសែនជ័យ
ក្លិបបាល់ទាត់អាយអេសអាយ ដង្កោនសែនជ័យបានចុះហត្ថលេខានាំយកកីឡាករជម្រើសជាតិទីម័រខាងកើត Jhon Frith ដែលជាខ្សែប្រយុទ្ធវ័យ២០ឆ្នាំធ្លាប់លេងឲ្យក្លិប SLB Laulara មុនពេលចូលរួមក្លិបលីគកំពូលកម្ពុជា។
គិរីវង់សុខសែនជ័យ
ក្លិបបាល់ទាត់គិរីវង់សុខសែនជ័យបានចុះហត្ថលេខានាំយកកីឡាករជម្រើសជាតិទីម័រខាងកើត Zenivio Mota ដែលជាខ្សែប្រយុទ្ធវ័យ១៨ឆ្នាំធ្លាប់លេងឲ្យក្លិប SLB Laulara បាន ៣០លើកស៊ុតបញ្ចូលទី ១០គ្រាប់។
ណាហ្គាវើលដ៍
នៅព្រឹកថ្ងៃទី១៩ ខែកក្កដា ក្លិបណាហ្គាវើលដ៍ បានប្រកាសជាផ្លូវការពីការនាំចូលខ្សែប្រយុទ្ធឥណ្ឌូណេស៊ី Rafli Mursalim។
ស្របពេលជាមួយគ្នានេះ ក្លិបក្រសួងការពារជាតិ ដែលទើបបង្ហាញវត្តមានលោក ភា សុភ័ក្ត្រា ជាគ្រូបង្គោលថ្មី អាចនឹងនាំយកអតីតខ្សែការពារក្លិប Buriram United គឺកីឡាករថៃ Sarayut Sompim។
ដោយឡែកក្លិប បឹងកេត មិនទាន់មានតម្រុយទាក់ទងក្នុងការនាំយកកីឡាករអាស៊ានមកចូលរួមនៅឡើយទេ៕
អត្ថបទ៖ ផា រតនា
ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ពាក់ព័ន្ធករណីឆបោកតាមប្រព័ន្ធអនឡាញ
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព
រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ
អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ១៨ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៧ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៧ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន