កីឡា
នាយករដ្ឋមន្ត្រីអូស្ត្រាលី នឹងឲ្យឈប់សម្រាកថ្នាក់ជាតិ បើក្រុមនារីឡើងវគ្គផ្ដាច់ព្រ័ត្រ World Cup
នាយករដ្ឋមន្រ្តីអូស្ត្រាលី លោក Anthony Albanese បានសន្យាឲ្យប្រជាជនឈប់សម្រាកទូទាំងប្រទេស ប្រសិនបើក្រុមកីឡាការិនីបាល់ទាត់ជម្រើសជាតិរបស់ខ្លួនឈានដល់វគ្គផ្តាច់ព្រ័ត្រ ជើងឯកបាល់ទាត់នារីពិភពលោក (FIFA Women’s World Cup)។
ក្រុមនារីបាល់ទាត់នារីអូស្ត្រាលី បានយកឈ្នះក្រុមនារីដាណឺម៉ាក ក្នុងលទ្ធផល ២-០ នៅកីឡដ្ឋាន Sydney’s Stadium Australia ក្នុងវគ្គ១៦ក្រុមចុងក្រោយ តាមរយៈគ្រាប់បាល់ពីកីឡាការិនី Caitlin Foord និង Hayley Raso ដើម្បីបានកៅអីបន្តទៅវគ្គ៨ក្រុមចុងក្រោយ។
លោក Albanese មានវត្តមានសម្រាប់ការប្រកួតក្នុងវគ្គជម្រុះក្នុងពូលរបស់អូស្ត្រាលី ហើយបានទទួលការគាំទ្រយ៉ាងទូលំទូលាយសម្រាប់ការអំពាវនាវរបស់លោកដើម្បីអបអរជោគជ័យរបស់ក្រុមនារីអូស្ត្រាលី។
លោក Albanese បានប្រាប់វិទ្យុ Triple M ក្នុងទីក្រុងស៊ីដនីថា ៖«វាគឺជាការបំផុសគំនិតប្រទេសទាំងមូល។ វានឹងបំផុសគំនិតជាពិសេសដល់ក្មេងជំនាន់ក្រោយ។ វាពិតជាអស្ចារ្យណាស់ដែលបានឃើញក្មេងស្រី និងក្មេងប្រុសមានការរំភើបចិត្តខ្លាំង ហើយដើរតាមគន្លងក្រុមនារីអូស្ត្រាលី ក្នុងការប្រកួតពិភពលោក»។
អូស្រ្តាលី នឹងត្រូវជួបក្រុមខ្លាំង បារាំង វគ្គ៨ក្រុមចុងក្រោយ នៅថ្ងៃទី១២ ខែសីហា ខាងមុខដើម្បីរកឱកាសឡើងទៅកាន់វគ្គពាក់កណ្តាលផ្តាច់ព្រ័ត្រ។
អូស្ត្រាលី បានយកឈ្នះបារាំង ក្នុងការប្រកួតមិត្តភាពកម្ដៅសាច់ដុំលើកចុងក្រោយរបស់ពួកគេមុនការប្រកួត World Cup។ អ្នកឈ្នះនឹងជួបក្រុមជើងឯកអឺរ៉ុប អង់គ្លេស ឬកូឡុំប៊ី នៅវគ្គពាក់កណ្តាលផ្តាច់ព្រ័ត្រ៕
ប្រែសម្រួល៖ មន្នីរ័ត្ន
ប្រភព៖ news.com.au
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង