Ronaldo ពាក់នាឡិកាដាំពេជ្រតម្លៃ២លានដុល្លារមុនប៉ះ Al-lttihad យប់នេះ

កីឡាករ Cristiano Ronaldo បានធ្វើដំណើរជាមួយក្រុម Al Nassr ដោយ​បាន​ពាក់​នាឡិកា​ដៃម៉ា Twin Turbo Furious ​ដែល​ដាំ​ត្បូងពេជ្រមានតម្លៃ២លានដុល្លារ។

ក្រុម Al Nassr បានធ្វើដំណើរទៅសួរសុខទុក្ខក្រុម Al-lttihad ក្នុងសប្ដាហ៍ទី១៤ សម្រាប់​ការប្រកួត​លីគកំពូលអារ៉ាប៊ីសាអ៊ូឌីត។

ខ្សែប្រយុទ្ធឆ្នើម Ronaldo ត្រូវបានគេប្រទះឃើញពាក់នាឡិកាដៃតម្លៃ២លានដុល្លារ អម​​ដោយ​អាវក្រៅរបស់ក្លិបយ៉ាងស្រស់ស្អាត ក្នុងដំណើរមកកាន់ទីក្រុង Jeddah ​ជាទឹកដីរបស់ក្រុមម្ចាស់ផ្ទះ Al-lttihad។ សម្រាប់​ការប្រកួតវេលា​ម៉ោង​១​យប់នេះ កីឡាករ​ត្រូវជួបមិត្តរួមក្រុមចាស់គឺ Karim Benzema ដែលលេងឲ្យក្រុម Al-lttihad។

ក្នុងរដូវកាលនេះ តារាឆ្នើមព័រទុយហ្គាល់វ័យ៣៨ឆ្នាំ Ronaldo ធ្វើបានយ៉ាងល្អ ដោយជួយឲ្យក្លិបរបស់ខ្លួនឈរនៅ​លេខ​២​ក្នុង​តារាងពិន្ទុ ក្រោយប្រកួតចំនួន១៧លើក ឈ្នះ១៣ ស្មើ១ ចាញ់៣ មាន៤០ពិន្ទុ ហើយរូបគេ​ជាអ្នកស៊ុតបញ្ចូល​ទី​ច្រើន​ជាង​គេ (១៧គ្រាប់) គិតត្រឹមសប្ដាហ៍ទី១៧។

អត្ថបទ៖ ផា រតនា