កីឡា
កីឡាករវ័យក្មេង១០រូបកំពុងលេងជើងឯកអាស៊ី AFC Asian Cup
ជើងឯកទ្វីបអាស៊ី AFC Asian Cup ២០២៣ (លើកមកឆ្នាំ២០២៤) កំពុងដំណើរការប្រកួតដែលប្រទេសកាតារធ្វើជាម្ចាស់ផ្ទះ។ ពានរង្វាន់លំដាប់ទី១របស់អាស៊ីនេះពិតជាសំខាន់សម្រាប់ជម្រើសជាតិនីមួយៗប្រជែងជើងឯក ក្នុងនោះក៏ជាឱកាសកីឡាករបង្ហាញសមត្ថភាពផងដែរ។ ថ្ងៃនេះសូមបង្ហាញពីកីឡាករវ័យក្មេង១០រូបដែលទទួលបានឱកាសចូលរួមប្រកួតពាននេះ។
![](https://www.kampucheathmey.com/wp-content/uploads/2024/01/34EQ7QZ-highres-1024x576.jpg)
១. កីឡាករ Beknaz Almazbekov
ខ្សែប្រយុទ្ធ Beknaz Almazbekov វ័យ១៨ឆ្នាំ ត្រូវបានក្រុមជម្រើសជាតិកៀហ្ស៊ីស៊ីស្ថានកោះហៅ ដើម្បីជួយក្រុមក្នុងការប្រកួត AFC Asian Cup។ Beknaz កើតនៅប្រទេសកៀហ្ស៊ីស៊ីស្ថាន ប៉ុន្តែរូបគេផ្លាស់ទៅប្រទេសតួកគីកាលពីក្មេង បច្ចុប្បន្នកំពុងលេងឲ្យក្លិប Galatasaray។
![](https://www.kampucheathmey.com/wp-content/uploads/2024/01/beknaz-almazbekov-1665510365-94054.jpg)
២. កីឡាករ Montader Madjed
ខ្សែប្រយុទ្ធស្លាប Montader Madjed វ័យ១៨ឆ្នាំ បានជាប់ឈ្មោះក្នុងក្រុមជម្រើសជាតិអុីរ៉ាក់សម្រាប់ AFC Asian Cup នៅប្រទេសកាតារ។ កីឡាករ Madjed ក៏ធ្លាប់លេងក្រុមជម្រើសជាតិស៊ុយអែត U17 និងU19 ប៉ុន្តែបច្ចុប្បន្នរូបគេសម្រេចចិត្តចូលជម្រើសជាតិអ៉ីរ៉ាក់។
![](https://www.kampucheathmey.com/wp-content/uploads/2024/01/0d6741c011a70b49a1d7dead96e421fd1668270d-4085x2723-1-1024x683.webp)
៣. កីឡាករ Maxim Sarraf
អ្នកចាំទី Maxim Sarraf ដែលលេងឲ្យក្លិប CSKA Moscow នៅប្រទេសរុស្ស៊ីក៏ត្រូវបានក្រុមជម្រើសជាតិស៊ីរីកោះហៅចូលរួមពានរង្វាន់ AFC Asian Cup ២០២៣។ បច្ចុប្បន្នកីឡាកររូបនេះមានវ័យ១៨ឆ្នាំ ហើយក៏ស្ថិតក្នុងបញ្ជីឈ្មោះកីឡាករវ័យក្មេងទាំង១០រូប ក្នុងព្រឹត្តិការណ៍នេះ។
![](https://www.kampucheathmey.com/wp-content/uploads/2024/01/head_0s830x466.webp)
៤. កីឡាករ Kim Ji-soo
Kim Ji-soo វ័យ១៩ឆ្នាំ ជាកីឡាកររបស់ក្រុម Brentford ត្រូវបានក្រុមជម្រើសជាតិកូរ៉េខាងត្បូងកោះហៅ ដើម្បីត្រៀមខ្លួនប្រកួតប្រជែងក្នុងពាន AFC Asian Cup ២០២៣ នៅប្រទេសកាតារ
![](https://www.kampucheathmey.com/wp-content/uploads/2024/01/3_k1xa3k-1024x683.webp)
៥. កីឡាករ Marselino Ferdinan
ខ្សែបម្រើប្រយុទ្ធ Marselino Ferdinan វ័យ១៩ឆ្នាំ ធ្លាប់លេងឲ្យក្រុមជម្រើសជាតិឥណ្ឌូណេស៊ី U16, U20 និង U23 ហើយឥឡូវនេះត្រូវបានកោះហៅចូលក្រុម។
![](https://www.kampucheathmey.com/wp-content/uploads/2024/01/65a61fb272284-marselino-ferdinan_1265_711-1024x576.webp)
៦. កីឡាករ Hokky Caraka
ខ្សែប្រយុទ្ធវ័យ១៩ឆ្នាំ Hokky Caraka ត្រូវបានក្រុមជម្រើសជាតិឥណ្ឌូណេស៊ី ផ្ដល់ឱកាសឲ្យចូលរួមក្នុងពានរង្វាន់ AFC Asian Cup ។ Hokky បង្ហាញខ្លួនបាន៤លើក ស៊ុតបញ្ចូលទី២គ្រាប់ ក្នុងការបង្ហាញខ្លូនជាមួយក្រុមធំឥណ្ឌូណេស៊ី។
![](https://www.kampucheathmey.com/wp-content/uploads/2024/01/hokky-caraka_37168b5.jpg)
៧. កីឡាករ Nguyen Dinh Bac
Nguyen Dinh Bac វ័យ១៩ឆ្នាំ ដែលបច្ចុប្បន្នលេងនៅក្លិប Quang Nam FC ក៏ជាប់ក្នុងបញ្ជីក្រុមធំរបស់វៀតណាម។ ខ្សែប្រយុទ្ធវ័យក្មេងរូបនេះក៏ធ្លាប់លេងឲ្យក្រុមវៀតណាម U20 និងU23 ។
![](https://www.kampucheathmey.com/wp-content/uploads/2024/01/d25r3495-0909220940-1024x683.jpeg)
៨. កីឡាករ Alidzhoni Ayni
ខ្សែបម្រើ Alidzhoni Ayni ស្ថិតក្នុងវ័យ១៩ឆ្នាំ ត្រូវបានក្រុមជម្រើសជាតិតាជីគីស្ថាន បន្តផ្តល់ការទុកចិត្តហើយផ្ដល់}ឱកាសឲ្យចូលរួមក្នុងព្រឹត្តិការណ៍ពានរង្វាន់ AFC Asian Cup ២០២៣។
![](https://www.kampucheathmey.com/wp-content/uploads/2024/01/alidzhoni-ayni-krasnodar-1660219291-89988.jpg)
៩. កីឡាករ Kimi Merk
ខ្សែបម្រើ Kimi Merk វ័យ១៩ឆ្នាំ ត្រូវបានក្រុមជម្រើសជាតិកៀហ្ស៊ីស៊ីស្ថាន កោះហៅដើម្បីជួយក្រុមក្នុងពាន AFC Asian Cup។ រូបគេធ្លាប់បង្ហាញខ្លួនជាមួយក្រុមធំកៀហ្ស៊ីស៊ីស្ថាន២លើកហើយ។
![](https://www.kampucheathmey.com/wp-content/uploads/2024/01/6222307_1_articledetail_merk1.webp)
១០. កីឡាករ Sultan Adil
ខ្សែប្រយុទ្ធកណ្ដាល Sultan Adil បច្ចុប្បន្នលេងឲ្យក្លិប Ittihad Kalba ត្រូវបានក្រុមជម្រើសជាតិអារ៉ាប់រួម កោះហៅចូលក្រុមធំ ក្នុងពានរង្វាន់ AFC Asian Cup ២០២៣៕
![](https://www.kampucheathmey.com/wp-content/uploads/2024/01/EYQ7F2K3SHJGKAN6PRNQG6TGUY-1024x683.jpg)
អត្ថបទ៖ ផា រតនា
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី