កីឡា
វិសាខាធ្វើការធ្ងន់៣ប្រកួតបន្ទាប់ បើលទ្ធផលមិនល្អអាចធ្លាក់ពី Top 4
ក្លិបបាល់ទាត់វិសាខាអាចនឹងធ្លាក់ពីតំបន់កំពូលទាំង៤ (Top 4) ប្រសិនបើធ្វើមិនបានល្អសម្រាប់៣ប្រកួតបន្ទាប់ ជើងឯកខេមបូឌានព្រីមៀរលីគ រដូវកាល២០២៣-២៤ នៅពេលជួបសុទ្ធតែក្រុមខ្លាំង។
បន្ទាប់ពីចែកផ្លូវគ្នាជាមួយគ្រូបង្វឹកសញ្ជាតិស្កុកឡែនលោក Simon McMenemy កាលពីថ្ងៃទី៥ ខែធ្នូ ឆ្នាំ២០២៣ និងត្រូវបានតែងតាំងលោក មាស ចាន់ណា ជំនួស កាលពីថ្ងៃទី៦ ខែធ្នូ ឆ្នាំ២០២៣ ព្រមទាំងបានបញ្ចេញកីឡាករខ្លះ និងនាំចូលសមាជិកថ្មី ក៏វិសាខានៅតែធ្វើមិនសូវបានល្អដដែល។
ឆ្លងកាត់២១ប្រកួតកន្លងទៅ វិសាខា រកបាន៣៥ពិន្ទុ កំពុងឈរចំណាត់ថ្នាក់លេខ៣ក្នុងតារាង បន្ទាប់ពីទទួលបានជ័យជម្នះ១១លើក ស្មើ២ និងចាញ់៨។ កាលពីសប្តាហ៍ទី២១ វិសាខា បានបាត់បង់៣ពិន្ទុនៅក្នុងដីរបស់ខ្លួន បន្ទាប់ពីបរាជ័យក្រោមថ្វីជើងរបស់សមាជិកលីគថ្មីគឺ អាយអេយអាយ ដង្កោសែនជ័យ ដោយលទ្ធផល ១-៣។
៣ប្រកួតបន្ទាប់រឹតតែធ្វើការធ្ងន់នៅពេលជួប បឹងកេត ក្នុងសប្តាហ៍ទី២២ នាថ្ងៃទី២៥ ខែកុម្ភៈ នៅពហុកីឡដ្ឋានជាតិអូឡាំពិក, នៅសប្តាហ៍ទី២៣ បើកទ្វារផ្ទះរបស់ខ្លួនទទួលក្រុមលេខ២ ភ្នំពេញក្រោន ថ្ងៃទី៣ ខែមីនា និងបន្តបើកទ្វារផ្ទះរបស់ខ្លួនទទួលក្រុមកំពូលតារាង ព្រះខ័នរាជស្វាយរៀង ថ្ងៃទី១០ ខែមីនា សម្រាប់សប្តាហ៍ទី២៤។
ប្រសិនបើ៣ប្រកួតបន្ទាប់នេះ វិសាខា ធ្វើមិនបានល្អ នោះអាចនឹងធ្លាក់ចេញពីតំបន់កំពូលតារាងទាំង៤។ ស្របពេល បឹងកេត និង អាយអេសអាយ ដង្កោសែនជ័យ កំពុងមាន៣១ពិន្ទុដូចគ្នាតាមក្រោយវិសាខាតែ៤ពិន្ទុប៉ុណ្ណោះ។ ពួកគេអាចនឹងឡើងទៅកាន់តំបន់ Top 4 ប្រសិនបើពួកគេធ្វើបានល្អ ហើយវិសាខាធ្វើមិនបានល្អ។
ក្រោយជួបក្រុមខ្លាំងទាំង៣ខាងលើ វិសាខា នឹងមិនសូវធ្វើការធ្ងន់ប៉ុន្មានទេសម្រាប់៣ប្រកួតចុងក្រោយ។ ពួកគេត្រូវធ្វើដំណើរទៅជួបក្រសួងការពារជាតិ នៅស្តាតចាស់ ថ្ងៃទី៣១ ខែមីនា សម្រាប់សប្តាហ៍ទី២៥ និងទទួលអង្គរថាយហ្គឺរ ថ្ងៃទី៦ ខែមេសា សម្រាប់សប្តាហ៍ទី២៦ ហើយសប្តាហ៍ចុងក្រោយធ្វើដំណើរទៅជួបក្រុមខេត្តព្រៃវែង នៅថ្ងៃទី២១ ខែមេសា។
សូមបញ្ជាក់ថា បន្ទាប់ពីចប់ជុំទី៣ ស្មើនឹង២៧សប្តាហ៍ ក្រុមកំពូលតារាង៤នឹងបន្តប្រកួតសន្សំពិន្ទុទៀតដើម្បីស្វែងរកជើងឯក ខណៈក្រុមចំណាត់ថ្នាក់លេខ៥ដល់១០អស់ឱកាសប្រជែងជើងឯក។
តារាងពិន្ទុគិតត្រឹមសប្តាហ៍ទី២១
- ព្រះខ័នរាជស្វាយរៀង មាន៥៣ពិន្ទុ (ឈ្នះ១៧ ស្មើ២ ចាញ់២)
- ភ្នំពេញក្រោន មាន៤៨ពិន្ទុ (ឈ្នះ១៥ ស្មើ៣ ចាញ់៣)
- វិសាខា មាន៣៥ពិន្ទុ (ឈ្នះ១១ ស្មើ២ ចាញ់៨)
- បឹងកេត មាន៣១ពិន្ទុ (ឈ្នះ៨ ស្មើ៧ ចាញ់៦)
- អាយអេសអាយ ដង្កោសែនជ័យ មាន៣១ពិន្ទុ (ឈ្នះ៩ ស្មើ៤ ចាញ់៨)
- ក្រសួងការពារជាតុ មាន២៤ពិន្ទុ (ឈ្នះ៧ ស្មើ៣ ចាញ់១១)
- ណាហ្គាវើលដ៍ មាន២៣ពិន្ទុ (ឈ្នះ៥ ស្មើ៨ ចាញ់៨)
- ព្រៃវែង មាន២០ពិន្ទុ (ឈ្នះ៥ ស្មើ៥ ចាញ់១១)
- អង្គរថាយហ្គឺរ មាន១៥ពិន្ទុ (ឈ្នះ៤ ស្មើ៣ ចាញ់១៤)
- គិរីវង់សុខសែនជ័យ មាន១៤ពិន្ទុ (ឈ្នះ៣ ស្មើ៥ ចាញ់១៣)
អត្ថបទ៖ វីរបុត្រ
ទិវាជាតិអប់រំបណ្តុះបណ្តាលបច្ចេកទេសនិងវិជ្ជាជីវៈ លើកទី៨ បិទជាផ្លូវការ ក្រោមប្រធានបទ «TVET បង្កើតឱកាសការងារ សាងក្តីសង្ឃឹមដល់យុវជន»
គណៈបញ្ជាការឯកភាពរាជធានី ទទួលខុសត្រូវលើសន្តិសុខ ក្នុងកម្មវិធីព្យុហយាត្រាសាមគ្គីភាព របស់ស.ស.យ.ក.
AFC ចុះកុងត្រា៥ឆ្នាំជាមួយក្រុមហ៊ុនបច្ចេកវិទ្យា Hudl ដើម្បីបាល់ទាត់អាស៊ី
ពលរដ្ឋនៅស្រុកស្ទឹងត្រង់ សម្រុកដាំដុះដំណាំទុរេន បង្កើនពង្រីកផ្ទៃដីដាំដុះរាប់រយហិកតា
អ្នកនាំពាក្យ ៖ ការផ្តល់សេវាដល់សមាជិក ប.ស.ស ល្អប្រសើរជាងមុនច្រើន
អាជ្ញាធរខណ្ឌទួលគោក ដាំបង្គោលជាប់របងសាលាសន្ធរម៉ុក ការពារកុំឲ្យរថយន្តចតលើផ្លូវថ្មើរជើង
ត្រាំ ប្រាប់អ៊ីស្រាអែល កុំសម្លាប់មេដឹកនាំកំពូលអ៊ីរ៉ង់ ឲ្យសោះ
អ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
ថៃ ចាប់បញ្ជូនពលករខ្មែរខុសច្បាប់ជាង២០នាក់ មកកម្ពុជាវិញ តាមច្រកទ្វារអន្តរជាតិប៉ោយប៉ែត
ថៃ ចាប់ផ្តើមបង្ក្រាបលើពលករនិងជនបរទេស ដែលលួចការងារពលរដ្ឋខ្លួនធ្វើ
-
ព័ត៌មានអន្ដរជាតិ៦ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៤ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៧ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានអន្ដរជាតិ៤ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ៦ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៤ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៤ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន
-
ព័ត៌មានអន្ដរជាតិ១ ថ្ងៃ agoអ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល