Connect with us

កីឡា

កា​រ៉ា​តេ​កម្ពុជា​សម្រេច​ទទួល​គ្រូ​អ៊ីរ៉ង់​និង​ជប៉ុន សម្រាប់​ជួយ​កីឡាករ​កម្ពុជា​ដណ្តើម​មេដាយ​លើ​ឆាក​អន្តរជាតិ

បានផុស

នៅ

​សហព័ន្ធ​កីឡា​កា​រ៉ា​តេ​កម្ពុជា សម្រេច​ទទួល​គ្រូ បង្វឹក​មានគុណ​វុ​ឌ្ឍ​ខ្ពស់ ខ្សែក្រវាត់​៨​ជាន់ គឺ​លោកគ្រូ Hass an មកពី​ប្រទេស​អ៊ីរ៉ង់ ដែល​លោកគ្រូ​រូបនេះ នឹង​បង្វឹក​កីឡាករ កីឡាការិនី​ជម្រើស​ជាតិ​ផ្នែក​ប្រយុទ្ធ “Kum te” និង​លោកគ្រូ​ជប៉ុន​ម្នាក់ទៀត គឺ​លោកគ្រូ Shoker Toyama នឹង​បង្ហាត់​ក្រុម​ជម្រើស​ផ្នែក​កាតា​”Kata”​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​បើ​តាម​ប្រធាន​សហព័ន្ធ​កីឡា​កា​រ៉ា​តេ​កម្ពុជា លោក​អគ្គបណ្ឌិត​សភាចា​រ្យ អូន ព័ន្ធមុនីរ័ត្ន បាន​ឲ្យ​ដឹងថា លោកគ្រូ​បង្វឹក​បរទេស​ទាំង​២​នាក់ មាន​ឆន្ទៈ​ខ្ពស់​ចង់​ជួយ​ឲ្យ​កីឡាករ​-​កីឡាការិនី​កម្ពុជា​ដណ្តើម​បាន​មេដាយ ក្នុង​ការ​ប្រកួត​លើ​ឆាក​អន្តរជាតិ ពិសេស​ការប្រកួត​កីឡា ​SEA Games ឆ្នាំ​២០២៣​ខាងមុខ​។ ប៉ុន្តែ​លោក​បញ្ជាក់​ថា គ្រូ​ល្អ​ខ្លាំងពូកែ​យ៉ាងណាក៏ដោយ បើ​កីឡាករ​-​កីឡាការិនី​គ្មាន​ទេពកោសល្យ គ្មាន​ឆន្ទៈ​មោះមុត ស្មារតី​រឹងមាំ ជា​អ្នក​ប្រយុទ្ធ​ពិតប្រាកដ ក៏​មិន​អាច​ឈ្នះ​គេ​បាន​ដែរ។ លោក​អគ្គបណ្ឌិត​សភាចា​រ្យ អូន ព័ន្ធមុនីរ័ត្ន បាន​សង្កត់ធ្ងន់​ថា ទោះជា​យ៉ាងណា​សហព័ន្ធ​សង្ឃឹមលើ​ការខិតខំ​ប្រឹងប្រែង​រប​ស់លោក​គ្រូ អ្នកគ្រូ​បង្វឹក​កីឡាករ កីឡាការិនី ដែល​ត្រូវ​យកចិត្តទុកដាក់​ខ្ពស់ ​ក្នុង​ការ​ហ្វឹកហាត់ លះបង់​ការឈឺចាប់​ឲ្យ​ដល់​កម្រិត ដើម្បី​ទទួល​បាន​គុណ​ផល​កីឡា (Performance) កា​រ៉ា​តេ​កម្រិត​ខ្ពស់ ដើម្បី​ដណ្តើម​ជ័យ​លាភី​មេដាយ​មាស ប្រាក់ សំរឹទ្ធ ក្នុងការ​ប្រកួត​កីឡា​កា​រ៉ា​តេ​ជា​លក្ខណៈ​អន្តរជាតិ និង លើក​ឧត្តមភាព​កីឡា​កា​រ៉ា​តេ​កម្ពុជា លើ​ឆាក​អន្តរជាតិ។

​លោក វ៉ា​ត់ ចំរើន ដែល​ជា​អគ្គលេខាធិការ​សហព័ន្ធ​កា​រ៉ា​តេ​កម្ពុជា បានបញ្ជាក់​ឲ្យ​ដឹង​នោះ​ថា ការទទួល​ធ្វើ​ម្ចាស់ផ្ទះ​ស៊ី​ហ្គេម​ឆ្នាំ​២០២៣ នៅសល់​ពេល​២​ឆ្នាំ​កន្លះ​ប៉ុណ្ណោះ នៃ​ពេលវេលា​ដែល​បាន​កំណត់ ដូច្នេះ​សហព័ន្ធ​កំពុងតែ​ខិតខំ​ធ្វើយ៉ាងណា​ឲ្យ​វិស័យ​កីឡា​កា​រ៉ា​តេ​កម្ពុជា​ក្លាយជា​ប្រភេទ​កីឡា​ដ៏​មាន​សក្ដានុពល ដើម្បី​ត្រៀមខ្លួន​ប្រកួតប្រជែង​មេដាយ ក្នុង​ឋានៈ​ជា​ម្ចាស់ផ្ទះ​នាពេលនោះ​៕

អត្ថបទ៖ ​វិ​សិទ្ធ

សូមចុចអាន៖ ​ខេត្តកណ្តាល​ចម្រាញ់​បាន​ជើង​ខ្លាំង​ចំបាប់ ត្រៀម​ប្រកួត​ជើងឯក​ថ្នាក់​ជាត​ិ២០២០

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម