កីឡា

កីឡាករសំខាន់សិង្ហបុរី Anuar សង្ឃឹមឈ្នះ កម្ពុជា ដើម្បីជាកាដូដល់អ្នកគាំទ្រ

បានផុស

១ year មុន

នៅ

ថ្ងៃពុធ ១១ ធ្នូ ២០២៤

ដោយ

ក្រុមបាល់ទាត់សិង្ហបុរី នឹងបើកទ្វារកីឡដ្ឋានរបស់ខ្លួនទទួលភ្ញៀវ កម្ពុជា វេលាម៉ោង៧យប់ (ម៉ោង៦ល្ងាចនៅកម្ពុជា) វគ្គសន្សំពិន្ទុក្នុងពូល A ពានរង្វាន់ ASEAN Championship ថ្ងៃទី១១ ខែធ្នូ ឆ្នាំ២០២៤។

ក្រុមសិង្ហបុរីដឹកនាំដោយគ្រូបង្គោលសញ្ជាតិជប៉ុន Tsutomu Ogura អាយុ៥៨ឆ្នាំដែលជាការដឹកនាំឆ្នាំដំបូងរបស់លោកក្នុងពានរង្វាន់លំដាប់ទី១ប្រចាំតំបន់អាស៊ាន។ ក្នុងសន្និសីទសារព័ត៌មាន លោកសង្ឃឹមឈ្នះគ្រប់ការប្រកួត ជាពិសេសការប្រកួតក្នុងផ្ទះរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ogura បាននិយាយថា ៖«គ្រប់ក្រុមក្នុងពូល A សុទ្ធតែខ្លាំង ក្នុងនោះមានទាំងកម្ពុជាផងដែរដែលមានកីឡាករចូលសញ្ជាតិមួយចំនួន។ ខ្ញុំបានមើលការប្រកួតពីរបីលើករបស់ពួកគេ ហើយដឹងថា វាមិនមែនជាការប្រកួតងាយស្រួលនោះទេ តែយើងនឹងប្រឹងឲ្យអស់ពីលទ្ធភាពដើម្បីឈ្នះគ្រប់ការប្រកួត ជាពិសេសការប្រកួតក្នុងផ្ទះរបស់យើង»។

លោកបានបញ្ជាក់ថា មុនការប្រកួតនេះមកដល់ លោកបានត្រៀមខ្លួនរយៈពេលពីរបីខែហើយ ដូច្នេះលោកបានយល់ច្បាស់ពីសមត្ថភាពកូនក្រុមរបស់លោក។ វាសំខាន់ណាស់ដែលក្រុមរបស់លោកលេងឲ្យមានរបៀបយល់ចិត្តគ្នា។

កីឡាករសំខាន់របស់សិង្ហបុរីគឺ Shawal Anuar ដែលរកបាន១៥គ្រាប់ និងបញ្ជូលបាល់ឲ្យមិត្តរួមក្រុម១០ដងក្នុងការប្រកួតគ្រប់កម្មវិធីសម្រាប់ក្លិប Lion City Sailors រដូវកាលនេះ។ រូបគេទើបរកបាន២គ្រាប់ និងបញ្ជូនបាល់ឲ្យមិត្តរួមក្រុម១ដងសម្រាប់ក្រុមជម្រើសជាតិសិង្ហបុរីក្នុងជំនួបមិត្តភាពដែលឈ្នះ មីយ៉ាន់ម៉ា ៣-២ កាលពីខែវិច្ឆិកា និងចាញ់ឆាយនីស តៃប៊ិ ២-៣។

កីឡាកររូបនេះបាននិយាយថា ៖«យើងបានត្រៀមខ្លួនរួចរាល់ និងត្រៀមខ្លួនបានយ៉ាងល្អសម្រាប់ការប្រកួតនេះ។ យើងនឹងបង្ហាញនូវការប្រកួតដ៏ល្អចំពោះមុខអ្នកគាំទ្ររបស់យើង ហើយខ្ញុំសង្ឃឹមទទួលបានជ័យជម្នះដើម្បីអ្នកគាំទ្រក្នុងឆ្នាំនេះ»៕

ប្រែសម្រួល៖ វីរបុត្រ

Related Topics:ក្រុមបាល់ទាត់ជម្រើសជាតិកម្ពុជា AFF Championship