កីឡាករ Bentancur បានធូរស្រាល ក្រោយ​ប៉ះទង្គិចក្បាលរហូត​សន្លប់

កីឡាករ Rodrigo Bentancur បានដួលនៅទីលានក្នុង​ពាក់កណ្ដាលវគ្គទី១ ក្រោយការព្យាយាមប្រើក្បាលស៊ុត បញ្ចូលទីបាល់ជ្រុងក្នុងជំនួបរវាងក្រុម Tottenham Hotspur ទល់នឹងក្រុម Liverpool។

បន្ទាប់ពីត្រូវបានបញ្ចូលទៅមន្ទីរ​ពេទ្យ ពេលនេះកីឡាករ Rodrigo Bentancur បានបញ្ជាក់ថា អ្វីៗបានល្អប្រសើរ ស្របពេលមានការព្រួយបារម្ភយ៉ាងខ្លាំងពីអ្នកគាំទ្រ។ ដើមហេតុគឺនៅពេលក្រុម Spurs មានបាល់ជ្រុង គាត់បានព្យាយាមប្រើក្បាល ដើម្បី​តែត​បញ្ចួនទី ប៉ុន្តែមិនបានប៉ះបាល់ទេ តែបែរជា​ដួល​ផ្ដាប់មុខទៅ​លើ​ស្មៅបាត់បង់ស្មារតី។ បុគ្គលិកពេទ្យត្រូវបានហៅឲ្យចូលទៅកាន់ទីលានភ្លាមៗ ពេលនោះកីឡាករអ៊ុយរូហ្គាយទទួលបានអុកស៊ីហ្សែនតាមរយៈរបាំងមុខ មុនពេលត្រូវបានសែងចេញពីទីឡាន បន្ទាប់ពី​សង្រ្គោះបឋមរយៈពេល៨នាទី។

ក្លិប Tottenham បានបញ្ជាក់ពី​ស្ថានភាពរបស់ Bentancur ថា គាត់ត្រូវ​បាន​បញ្ជូន​ទៅកាន់មន្ទីរពេទ្យ ហើយ​ពេល​​ដឹង​ខ្លួន និងអាចនិយាយបាន។ នៅក្នុង Instagram របស់កីឡាករ Bentancur បានបង្ហោះថា គាត់មានអារម្មណ៍ធូរស្រាល និងកំពុងសម្រាកព្យាបាល។

ការប្រកួតយប់មិញ ទោះបីអវត្ដមានរបស់ Bentancur ប៉ុន្តែក្រុមរបស់លោក Ange Postecoglou បានបន្តធ្វើបានល្អ ដោយ​បានយកឈ្នះក្រុមខ្លាំង Liverpool ក្នុងលទ្ធផល ១-០ ក្នុងជើងទី១ ពានរង្វាន់ League Cup៕

ប្រែសម្រួល៖ ផា រតនា