កីឡា

Pochettino មិនសូវរីករាយ ក្រោយជួយ Chelsea ឡើងវគ្គផ្ដាច់ព្រ័ត្រ League Cup

បានផុស

២ years មុន

នៅ

ថ្ងៃពុធ ២៤ មករា ២០២៤

ដោយ

លោក Mauricio Pochettino គ្រូបង្វឹករបស់ក្រុមតោខៀវ Chelsea នៅតែមិនសូវសប្បាយចិត្តទោះបីបានជួយក្រុមឡើងដល់វគ្គផ្ដាច់ព្រ័ត្រពានរង្វាន់ League Cup ក្រោយយកឈ្នះក្រុម Middlesbrough ក្នុងលទ្ធផល ៦-២ សរុបទាំង២ជើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការប្រកួតជើងទី២វគ្គពាក់កណ្ដាលផ្ដាច់ព្រ័ត្រពានរង្វាន់ League Cup ក្រុម Chelsea បានវាយបកយកឈ្នះក្រុម Middlesbrough វិញក្នុងលទ្ធផល ៦-១ បន្ទាប់ពីជើងទី១ ចាញ់ Middlesbrough ដោយលទ្ធផល ១-០។ លោក Pochettino ហាក់មិនសូវរីករាយនឹងការឡើងទៅដល់វគ្គផ្ដាច់ព្រ័ត្រនេះទេ ដោយសារពានរង្វាន់នេះមិនមែនជាគោលដៅដែលក្លិបនិងលោចង់បានឡើយ។

លោក Pochettino បាននិយាយថា៖«ការងារត្រូវបានបញ្ចប់ ឥឡូវត្រូវគិតអំពីការឈ្នះវគ្គផ្តាច់ព្រ័ត្រ។ បើមើលមួយជ្រុងទៀត ការឈ្នះពាននេះវាមិនសូវសំខាន់ដូចការឈ្នះពាន Champions League ឬ Premier League ទេ។ យើងត្រូវចាប់ឈ្វែងយល់ និងផ្តល់កិត្តិយសដល់ក្រុម។ វារឿងសំខាន់សម្រាប់ក្លិបក្នុងដំណើរការដើម្បីកសាងក្រុមថ្មី»។

លោក Pochettino បានបន្ថែមថា ការឈានដល់វគ្គផ្តាច់ព្រ័ត្រជានេះជាលើកទឹកចិត្តមួយដល់កីឡាករវ័យក្មេងដែលភាគច្រើនមិនទាន់មានបទពិសោធលេងនៅវគ្គផ្តាច់ព្រ័ត្រក្នុងការប្រកួតសំខាន់ៗ។

បច្ចុប្បន្នក្រុម Chelsea នៅតែធ្វើមិនល្អក្នុងលីគ Premier League ដោយពួកគេកំពុងឈរលេខ៩ តាមរយៈការប្រកួត២១លើក ឈ្នះ៩ ស្មើ៤ ចាញ់៨ មាន៣១ពិន្ទុ។ បើលទ្ធផលនៅតែបន្តបែបនេះ ក្លិបអាចនឹងប្រឈមអវត្តមានពីពានរង្វាន់កំពូលទាំង៣នៅអឺរ៉ុប ដូចរដូវកាលមុន ហើយកៅអីរបស់លោក Pochettino ក៏កាន់តែក្តៅ៕

ប្រែសម្រួល៖ ផា រតនា
ប្រភព៖ BBC