កីឡា
Eersel នៅតែការពារខ្សែក្រវាត់ឃីកបុកសីង ONE Lightweight បានសម្រេចលើកទី៣
កីឡាករកូនកាត់ហូឡង់-សូរីណាម Regian “The Immortal” Eersel នៅតែរក្សាខ្សែក្រវាត់ឃីកបុកសីងពិភពលោករបស់ខ្លួន ONE Lightweight Kickboxing World Champion លើកទី៣បានសម្រេច បន្ទាប់ពីយកឈ្នះជើងខ្លាំងអ៊ីតាលី Mustapha “Dynamite” Haida ដោយពិន្ទុជាឯកច្ឆន្ទនាយប់ថ្ងៃទី១៩ មីនានេះនៅព្រឹត្តិការណ៍ ONE: FISTS OF FURY III ឯកីឡដ្ឋាន Singapore Indoor Stadium ប្រទេសសិង្ហបុរី។
គ្រាន់តែចាប់ផ្ដើមស្នូរកណ្ដឹងភ្លាម Eersel បង្ហាញភាពក្លាហានក្នុងនាមជាម្ចាស់ខ្សែក្រវាត់ដោយដើរចូល និងស្ទាបស្ទង់មួយពីរ។ មុនបញ្ចប់ទឹកទី១ គេអាចស៊កចូលផ្ទៃមុខគូប្រជែងស្រាលៗដោយកណ្ដាប់ដៃ និងអាចអុកជង្គង់ទៀតផង។
កាន់តែក្ដៅស្លឹកត្រចៀក Haida មិនរាថយដើរចូលវិញនៅដើមទឹកទី២ ប៉ុន្តែ ម្ចាស់ខ្សែក្រវាត់សម្ដែងរិទ្ធិដោយអុកជង្គង់ខ្ពស់ៗ និង ប្រើកណ្ដាប់ដៃចូលមួយចំនួនបានល្អ។ កណ្ដាប់ដៃរបស់ “The Immortal” ធ្វើឲ្យ Haida ផ្ងាកថយក្រោយញយៗ ហើយថែមទាំងហក់អុកជង្គង់ដល់ក្បាលទៀតផងខណៈដែល តារាអ៊ីតាលីបានត្រឹមរងទាំងដៃ និងជើង។
ទឹកទី៣ អ្នកទាំងពីរប្រយុទ្ធនៅកណ្ដាលរេញ។ Haida បានព្យាយាមវាយដងខ្លួនរបស់ “The Immortal” ប៉ុន្តែ ម្ចាស់ខ្សែក្រវាត់នៅតែគ្រប់គ្រងការប្រកួតបានល្អនៅទឹកដដែលនេះ។ នៅដើមទឹកទី៤ ម្ចាស់ជើងឯកចូលទាត់ជើងក្រោមកីឡាករគូប្រជែងលំដាប់ទី២ដួលអុកគូថ មុនបន្តកណ្ដាប់ដៃ និងប្រើជង្គង់ខ្ពស់ៗគួរឲ្យជក់ចិត្ត។ បន្ទាប់មកទៀត Eersel បានប្រើកណ្ដាប់ដៃវ៉ៃដងខ្លួនធ្វើឲ្យ កីឡាករអ៊ីតាលីសឺៗម្ដងម្កាល និងមានប្រៀបលើគូប្រជែង។
នៅទឹកចុងក្រោយក៏មិនខុសគ្នាដែរ សម្រាប់ Haida។ សំណាងមិនល្អសម្រាប់អ្នកប្រជែងខ្សែក្រវាត់ ព្រោះរងកណ្ដាប់ដៃរហូតដល់ ១៣ ដងពីសំណាក់ Eersel ប៉ុន្តែមិនសន្លប់។ កណ្ដាប់ដៃទាំងនោះមានវ៉ៃកាត់ខាងលើ,វ៉ៃខាវ, វ៉ៃថ្ពក់, វៃត្រង់, និងវ៉ៃដងខ្លួនជាដើម។ បែបណាក្ដី Haida មិនធ្វើឲ្យកីឡាករលេខ១ងាយស្រួលប៉ុន្មានដែរ ពោលតស៊ូរហូតដល់ទីបញ្ចប់។
ទីបំផុត Eersel ការពារខ្សែក្រវាត់ពិភពលោក ONE Lightweight Kickboxing World Title បានសម្រេច និងកើនកំណត់ត្រាឈ្នះរហូតដល់ ៥៦ ដង និងចាញ់ត្រឹម ៤ ដងប៉ុណ្ណោះក្នុងអាជីព។
នេះជាការឡើងការពារខ្សែក្រវាត់លើកទី៣បានសម្រេចរបស់ខ្លួន ក្នុងនោះ ការពារបានជោគជ័យពីរដងទល់នឹងមិត្តរួមជាតិហូឡង់ Nieky Holzken ។ “The Immortal” មិនទាន់ចាញ់ទាល់តែសោះតាំងពីខែ ឧសភា ឆ្នាំ ២០១៦ មក៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង