កីឡា

នេះអាចជាចម្លើយដែលអ្នកគាំទ្រឆ្ងល់ចំពោះ ពេជ្រ សម្បត្តិ «គិតដូចម្ដេចបានជាដើរចូលរហូតមិនថាប៉ះអ្នកណា ឬអ្នកខ្លាំងមកពីណាក៏ដោយ»

បានផុស

១១ ខែ មុន

នៅ

ថ្ងៃពុធ ៩ កក្កដា ២០២៥

ដោយ

អ្នកតាមដានវិស័យប្រដាល់គុនខ្មែរប្រហែលជាដឹងហើយពីសមត្ថភាព និងបច្ចេកទេសប្រកួតរបស់កីឡាករ ពេជ្រ សម្បត្តិ ពិសេសនោះ FAN របស់កីឡាកររូបនេះតែម្ដង។ ពោលរាល់ការឡើងប្រកួតម្ដងៗមិនថាប៉ះអ្នកខ្លាំងមកពីណានោះទេគឺដឹងតែ សម្បត្តិ ដើរចូលបុកគ្រប់ការប្រកួតហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ពេជ្រ សម្បត្តិ

ពាក់ព័ន្ធត្រង់ចំណុចនេះប្រហែលអ្នកគាំទ្រក៏មានចម្ងល់ និងចង់សួរ សម្បត្តិ ដូចគ្នាថា «គិតដូចម្ដេចបានជាដើរចូលរហូតមិនថាប៉ះអ្នកណា ឬអ្នកខ្លាំងមកពីណាក៏ដោយ»? សារព័ត៌មានកម្ពុជាថ្មី បានសាកសួរអំពីរឿងនេះផងដែរ ដូច្នេះនេះអាចជាចម្លើយមួយដែលប្រិយមិត្តអ្នកគាំទ្រចង់ដឹង។

កីឡាករ ពេជ្រ សម្បត្តិ

ពេជ្រ សម្បត្តិ បានឆ្លើយតបដូច្នេះថា ការប្រកួតតែងតែមានហើយមិនថា ចាញ់-ឈ្នះ សន្លប់ ប៉ុន្តែខ្លួនតាំងចិត្តជាអ្នកកីឡា មិនចង់ឲ្យអ្នកគាំទ្រខកបំណងរាល់ការប្រកួតរបស់ខ្លួននោះឡើយ។ ដូច្នេះរាល់ការប្រកួតរបស់ខ្លួននឹងប្រឹងឲ្យអស់ពីសមត្ថភាពទោះជាលទ្ធផលយ៉ាងម៉េចក៏ដោយមិនថាប៉ះអ្នកល្អយ៉ាងណា ចាញ់ក៏ល្អមើល សន្លប់ក៏ល្អមើល។

កីឡាករ ពេជ្រ សម្បត្តិ

មួយវិញទៀតរូបគេគឺផ្ដោតលើអ្នកគាំទ្របានទស្សនាជក់ចិត្ត និងបន្តគាំទ្រគុនខ្មែរតទៅមុខទៀតដោយមិនចង់បាត់បង់ការគាំទ្រទៅវិញនោះទេ។ បើទោះជាត្រូវសន្លប់ក៏ដោយធ្វើម៉េចវាជាកីឡាទៅហើយ។ ប្រសិនបើបាត់បង់ការគាំទ្រពីប្រិយមិត្តកីឡាករគុនខ្មែរក៏នឹងអាចបាក់ទឹកចិត្ត និងនាំឲ្យមិនសូវមានអ្នកចូលហាត់កីឡាមួយនេះបានច្រើននោះដែរ។

កីឡាករ ពេជ្រ សម្បត្តិ

បញ្ជាក់ដែរថា ពេជ្រ សម្បត្តិ ទើបចូលប្រឡូកកីឡាប្រដាល់គុនខ្មែរប្រហែលជិត៥ឆ្នាំប៉ុណ្ណោះ ប៉ុន្តែរូបគេបានសាងប្រជាប្រិយភាព កេរ្តិ៍ឈ្មោះបានល្បីលឿនក្នុងវិស័យកីឡាមួយនេះតាមរយៈការខំប្រឹងហ្វឹកហាត់ ប្រកួតអស់ៗពីសមត្ថភាព និងការផ្ដួលដៃគូម្ដងហើយម្ដងទៀត។ ចំណុចដែលរូបគេល្បីលឿនទៀតនោះគឺការយកឈ្នះជើងខ្លាំងទម្ងន់ ៦០គីឡូក្រាមនៅកម្ពុជានាពេលកន្លងទៅ។ សម្បត្តិ ជាកូនសិស្សដែលបណ្ដុះដោយដៃផ្ទាល់របស់លោក ពេជ្រ សុផាន់ នៃក្លឹបប្រដាល់ពេជ្រសុផាន់គុនខ្មែរ៕