កីឡា
លេចមុខអ្នកគាំទ្រយ៉ាងសកម្មនៅឯវៀតណាម លោក ណុប វ៉ាន់ថេត ឲ្យតែខ្មែរមកប្រកួតឆ្លៀតជានិច្ច
លេចមុខអ្នកគាំទ្រក្រុមកីឡាកម្ពុជាយ៉ាងសកម្មនៅឯប្រទេសវៀតណាមកន្លងទៅថ្មីៗនេះពិសេសការប្រកួតរបស់ក្រុមបាល់ទះវិសាខាក្នុងពានរង្វាន់ International Police Cup ដែលទើបបញ្ចប់ ខណៈអ្នកគាំទ្រម្នាក់នោះគឺជាលោក ណុប វ៉ាន់ថេត ដែលបានទៅសិក្សាវគ្គជំនាញនៅទីនោះរយៈពេល ៣ខែ។
ទិដ្ឋភាពគាំទ្រ
អ្នកគាំទ្រដែលទូរទស្សន៍វៀតណាមបានចាប់យករូបភាពជាច្រើនដងនៅពេលក្រុមបាល់ទះវិសាខាប្រកួតពានរង្វាន់ International Police Cup នោះគឺជាក្រុមលោក ណុប វ៉ាន់ថេត ដែលគេស្គាល់ថាជាមន្ត្រីចៅក្រម អាជ្ញាកណ្ដាល នៃសហព័ន្ធប្រដាល់គុនខ្មែរ-សហព័ន្ធប្រដាល់សកល។
ទិដ្ឋភាពគាំទ្របាល់ទះ
លោក ណុប វ៉ាន់ថេត បានឲ្យដឹងថា នៅពេលនេះលោកកំពុងនៅឯប្រទេសវៀតណានៅឡើយទេ។ លោកទៅវៀតណាមនោះគឺរយៈពេល ៣ខែចាប់ពីខែកក្កដាមកម្ល៉េះក្នុងនាមជាមន្ត្រីកងរាជអាវុធហត្ថ ខេត្តកណ្ដាល ដែលត្រូវសិក្សាជំនាញពិសេសនៅទីនោះ។ ចៃដន្យអំឡុងពេលសិក្សាកន្លងទៅនេះគឺមានក្រុមកីឡាកម្ពុជាទៅប្រកួតនៅទីក្រុមហូជីមិញផងនោះដូចជាក្រុមប្រដាល់គុនខ្មែរមាន គោរមៈ ច័ន្ទរាជ្យ រិន សារ័ត្ន ឡុង ឡា ក៏រូបលោកទៅគាំទ្រផ្ទាល់ដល់សង្វៀនដែរ។
លោក ណុប វ៉ាន់ថេត
លោក ណុប វ៉ាន់ថេត និងមិត្តភ័ក្ត
ចំណែកការប្រកួតបាល់ទះពានរង្វាន់ប៉ូលិសវៀតណាមដែលមានវិសាខាតំណាងឲ្យកម្ពុជានោះក៏លោក រួមទាំងសិក្ខាកាមកម្ពុជាជិត ១០០នាក់បានទៅទស្សនា និងលើកទឹកចិត្តដល់កន្លែងប្រកួតផងដែរ។
លោក ណុប វ៉ាន់ថេត បន្ថែមទៀតថា បើទោះជាត្រូវជិះឡានមកឆ្ងាយ និងចំណាយថវិកាមួយចំនួនក្ដីក៏មិនខ្ចិល ឬស្ដាយថវិកានោះដែរគឺចង់មកលើកទឹកចិត្តដល់ក្រុមកម្ពុជាឲ្យប្រកួតកាន់តែល្អ និងមានកម្លាំងចិត្តខ្លាំងជាងមុនទៅទៀត។ ក្រុមកីឡាករកម្ពុជាមានចិត្តរីករាយនៅពេលដែលឃើញមានខ្មែរទៅគាំទ្រដល់កន្លែងប្រកួតបែបនេះជាហេតុធ្វើឲ្យលោកក៏មានចិត្តសប្បាយរីករាយដូចគ្នាដែរ។
លោក ណុប វ៉ាន់ថេត ពេលសិក្សា
បញ្ជាក់ដែរថា ការប្រកួតបាល់ទះពានរង្វាន់ International Police Cup ដែលមានក្រុមវិសាខាបានចូលរួមប្រកួតនៅឯទីក្រុងហូជីមិញ វៀតណាម កន្លងទៅនេះគឺឃើញមានក្រុមអ្នកគាំទ្ររបស់កម្ពុជាជាច្រើនទៅទស្សនាផ្ទាល់ និងបានរាំលើកទង់ជាតិបង្ហាញការគាំទ្រយ៉ាងសកម្ម។ កាំមេរ៉ាថតអំឡុងពេលប្រកួតនោះក៏បានចាប់មុខអ្នកគាំទ្រកម្ពុជាជាច្រើនលើកពិសេសនៅពេលបាល់កម្ពុជាស៊ីម្ដងៗ៕
ការប្រកួត MMA នៅវៀតណាម
ការប្រកួតបាល់ទះនៅវៀតណាម
អត្ថបទដោយ៖ នួន ស៊ីណា
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ