កីឡា
ជាកិត្តិយស តំណាងក្លិប ព្រះខ័នរាជស្វាយរៀង បានក្លាយជាវាគ្មិនពិសេសក្នុងសន្និសីទបាល់ទាត់ពិភពលោក
លោក Christopher Grant អ្នកគ្រប់គ្រងទូទៅក្លិបបាល់ទាត់ព្រះខ័នរាជស្វាយរៀង បានចូលរួមជាវាគ្មិតពិសេស នៅក្នុងសន្និសីទកីឡាបាល់ទាត់ពិភពលោក នៅថ្ងៃទី៣-៤ ខែកញ្ញា ឆ្នាំ ២០២៥ នៅទីក្រុងហុងកុង ប្រទេសចិន។
តាមការឲ្យដឹងពីក្លិបព្រះខ័នរាជស្វាយរៀង ថា ៖«ជាកិត្តិយសយ៉ាងខ្លាំងដែលអ្នកគ្រប់គ្រងទូទៅរបស់យើងលោក Christopher Grant ត្រូវបានអញ្ជើញជាវាគ្មិនពិសេសនៅក្នុងសន្និសីទ World Football Summit ទីក្រុង Hong Kong 2025»។
«លើវេទិកាលោកបានជជែកពីប្រធានបទ “ការចាប់ផ្ដើមពីកម្រិតសូន្យរហូតដល់កម្រិតពិភពលោក៖ ការអភិវឌ្ឍកីឡាករអាស៊ីនាពេលអនាគតឲ្យស្របតាមយុទ្ធសាស្ត្រអភិវឌ្ឍកីឡាករអន្តរជាតិ” ដោយបង្ហាញពីអត្ថប្រយោជន៍នៃការវិនិយោគលើការអភិវឌ្ឍកីឡាករហើយជះឥទ្ធិពលដល់យុវជនអាស៊ីជំនាន់ក្រោយ»។
ក្លិបបានបញ្ជាក់ថា ការអញ្ជើញជាវាគ្មិននេះ មិនត្រឹមតែបញ្ជាក់ឲ្យឃើញពីការទទួលស្គាល់នូវសមិទ្ធផលកន្លងទៅរបស់ក្លិបព្រះខ័នរាជស្វាយរៀងប៉ុណ្ណោះទេ ប៉ុន្តែគឺជាប្រវត្តិសាស្ត្រមួយសម្រាប់បាល់ទាត់កម្ពុជា ដែលបានរះឡើងក្នុងវេទិកាអន្តរជាតិជាមួយថ្នាក់ដឹកនាំកំពូលបាល់ទាត់ល្បីៗជុំវិញពិភពលោក។
ក្លិបបានបន្តថា World Football Summit គឺជាស្ថាប័នអន្តរជាតិដ៏លេចធ្លោមួយ ដែលភ្ជាប់ និងជម្រុញឲ្យវិស័យបាល់ទាត់ទូទាំងពិភពលោករីកចម្រើន តាមរយៈព្រឹត្តិការណ៍បណ្ដុំទៅដោយអ្នកជំនាញ ពោរពេញដោយបទពិសោធន៍វិជ្ជាជីវៈ និងផែនការយុទ្ធសាស្រ្តច្បាស់លាស់ក្នុងការអភិវឌ្ឍវិស័យបាល់ទាត់។ សូមបញ្ជាក់ថា សន្និសីទកីឡាបាល់ទាត់ពិភពលោក ឆ្នាំ ២០២៥ ដែលរៀបចំនៅទីក្រុងហុងកុងនេះមានអ្នកជំនាញបាល់ទាត់ និងថ្នាក់ដឹកនាំជាច្រើនមកពីសហព័ន្ធកម្រិតតំបន់ និងពិភពលោក ព្រមទាំងតំណាងក្លិបជាច្រើន៕
អត្ថបទ៖ វីរបុត្រ
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ