ចរាចរណ៍

សមត្ថកិច្ចថាពលរដ្ឋក្នុងខេត្តកំពតចូលរួមអនុវត្តបម្រាមគោចរបានល្អប្រសើរ

បានផុស

៤ years មុន

នៅ

ថ្ងៃព្រហស្បតិ៍ ៣ មិថុនា ២០២១

ដោយ

សមត្ថកិច្ចខេត្តកំពតបានចុះអនុវត្ត ការដាក់បម្រាមគោចរចាប់ពីម៉ោង២០៖០០ យប់ ដល់ម៉ោង៥ ០០ ព្រឹក ចាប់ពីថ្ងៃទី០២ ដល់ថ្ងៃទី ០៩ ខែមិថុនា ឆ្នាំ២០២១ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។

ស្នងការខេត្តកំពត លោក ម៉ៅ ចន្ទមធុរិទ្ធ បានប្រាប់កម្ពុជាថ្មីនៅថ្ងៃនេះថាការចុះយាមល្បាតមានភាល្អប្រសើរ ដោយសារពលរដ្ឋបានចូលរួមអនុវត្តបម្រាមគោចរបានយ៉ាងល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថ្លែងថា “ អត់អីទេប្រជាពលរដ្ឋនៅក្នុងខេត្តកំពតបានចូលរួមបានល្អ មិនមានបញ្ហាអ្វីទេ ហើយកន្លែងលក់ដូរនានា មុនម៉ោង ៨ គឺបិទតូបអស់ហើយ”។

រដ្ឋបាលខេត្តកំពតបានសម្រេចផ្អាករាល់ ការបម្រើ និងលក់គ្រឿងស្រវឹងជូនភ្ញៀវ រយៈពេល មួយសប្តាហ៍ គិតចាប់ពីថ្ងៃទី០២ ដល់ថ្ងៃទី០៩ ខែមិថុនា ឆ្នាំ២០២១ ក្នុងភូមិសាស្ត្រខេត្តកំពត ដើម្បីទប់ស្កាត់ការឆ្លងរាលដាល នៃជំងឺកូវីដ១៩។

ក្នុនោះត្រូវផ្អាកជាបណ្តោះអាសន្ននូវសកម្មភាពអាជីវកម្មចំពោះ អាហារដ្ឋាន ភោជនីយដ្ឋាន ហាងកាហ្វេ ហាងភេសជ្ជៈ និងភោជនីយដ្ឋាននៅតាមសណ្ឋាគារ នៅចន្លោះម៉ោង ២០ (ម្ភៃ) ដល់ម៉ោង ៥(ប្រាំ) ជាកំហិត ប៉ុន្តែអាចលក់អាហារវេចខ្ចប់បាន៕

Related Topics:បម្រាមគោចរ