ចរាចរណ៍

រថយន្តសណ្តោងកុងតឺនរ័បុកអ្នករត់ម៉ូតូឌុបស្លាប់ម្នាក់នៅសង្កាត់ព្រែកថ្មី

បានផុស

៤ years មុន

នៅ

ថ្ងៃសៅរ៍ ២៨ សីហា ២០២១

ដោយ

បុរសម្នាក់ដែលសាក្សីអះអាងថា ជាអ្នករត់ម៉ូតូឌុបត្រូវបានរថយន្តសណ្តោងកុងតឺនរ័បុករួចកិនស្លាប់នៅនិងកន្លែង។

ហេតុការណ៍នេះបានកើតឡើងនៅតាមបណ្តោយផ្លូវលេខ២(ផ្លូវថៃហ្គឺរ)កែងចូលវត្តគល់ទទឹងស្ថិតក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍ពីលោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅទទួលបន្ទុកសណ្តាប់ធ្នាប់ចរាចរណ៍បានឲ្យដឹងថា កាលពីវេលម៉ោង៩និង១៧នាទីយប់ថ្ងៃទី២៧ ខែសីហានេះមានករណីគ្រោះថ្នាក់ចរាចរណ៍មួយកើតឡើងបង្កដោយរថយន្តសណ្តោងកុងតឺនរ័ម៉ាកនីសាន់ក្បាលខៀវពាក់ស្លាកលេខភ្នំពេញ3A6868សណ្តោងកន្ទុយស្លាកលេខភ្នំពេញ4A0825បានបុកហើយកិនម៉ូតូម៉ាកសេ១២៥ ពណ៌ខ្មៅសេរី២០១៧ពាក់ស្លាកលេខកណ្តាល1V1362បណ្តាលឲ្យអ្នកបើកបរម៉ូតូបានស្លាប់នៅនិងកន្លែង។ ដោយឡែកអ្នកបើកបររថយន្តបង្កហេតុបានគេចខ្លួនបាត់បន្សល់ទុកតែរថយន្តនៅកន្លែងកើតហេតុ។

ក្នុងនោះ លោកអធិការរងបានបញ្ជាក់ថា ជនរងគ្រោះជាអ្នករត់ម៉ូតូឌុបស្នាក់នៅក្រុងតាខ្មៅ ខេត្តកណ្តាល។ចំពោះរថយន្តនិងម៉ូតូត្រូវបានបញ្ជូនទៅដោះស្រាយនៅការិយាល័យនគរបាលចរាចរណ៍ជើងគោកស្នងការដ្ឋាននគរបាលរាជធានីភ្នំពេញ។ ចំណែកសពជនរងគ្រោះរងចាំក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ៖ នរា