ចរាចរណ៍

ម៉ូតូធុនធំបុករថយន្ដកំពុងបត់ត្រឡប់ក្រោយ ដួលអូសជាច្រើនម៉ែត្រ

បានផុស

៥ years មុន

នៅ

ថ្ងៃព្រហស្បតិ៍ ២ កញ្ញា ២០២១

ដោយ

បុរសម្នាក់បើករថយន្តម៉ាកCRVឆ្លងផ្លូវមិនប្រយ័ត្នត្រូវបុរសម្នាក់ជិះម៉ូតូលឿនចាប់ហ្វ្រាំងមិនទាន់ជ្រុលបុកពេញទំហឹងបណ្ដាលឲ្យដួលអូសជាច្រើនម៉ែត្ររងរបួសធ្ងន់។

ហេតុការណ៍នេះកើតឡើងកាលពីវេលាម៉ោង១០និង៣០នាទីយប់ ថ្ងៃទី០១ ខែកញ្ញា ឆ្នាំ២០២១ នៅចំណុចមុខបុរីជីបម៉ុងលែន តាមបណ្ដោយផ្លូវឧកញ៉ាម៉ុងរិទ្ធី ក្នុងសង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់បើករថយន្តម៉ាកCRV ពណ៌ទឹកប្រាក់ ពាក់ស្លាកលេខភ្នំពេញ2O-4855ធ្វើដំណើរទិសដៅពីលិចទៅកើត លុះមកដល់ចំណុចកើតហេតុខាងលើបានបត់ឆ្វេងឆ្លងផ្លូវត្រឡប់ក្រោយវិញ ខណ:នោះក៏មានបុរសម្នាក់ជិះម៉ូតូធន់ធំមួយគ្រឿងម៉ាក kawasaki ពណ៌បៃតង ពាក់ស្លាកលេខភ្នំពេញ1GT-2207ធ្វើដំណើរបញ្ច្រាសទិសដៅគ្នា ចាប់ហ្វ្រាំងមិនទាន់បុកចំពីមុខពេញទំហឹងបណ្ដាលឲ្យម៉ូតូដួលអូសជាច្រើនម៉ែត្រទៅបោកស៊ុមដើមឈើបណ្តាលឲ្យម្ចាស់ម៉ូតូរងរបួសធ្ងន់។ បន្ទាប់មកត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯមន្ទីរពេទ្យភ្លាមៗ។ ចំណែកតៃកុងរថយន្តឃើញសភាពមិនស្រួលបានគេចខ្លួនចេញពីកន្លែងកើតហេតុបាត់។

ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តនិងម៉ូតូទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រងចាំដោះស្រាយគ្នាតាមផ្លូវច្បាប់៕

អត្ថបទ៖ សុខា