ចរាចរណ៍

ជិះរថយន្ដធ្លាក់ផ្លូវនៅលោកយាយម៉ៅពេជ្រនិល ទុករថយន្តចោល អាជ្ញាធរប្រកាសរកម្ចាស់

បានផុស

៥ years មុន

នៅ

ថ្ងៃសុក្រ ៨ តុលា ២០២១

ដោយ

កំពង់ស្ពឺ ៖ កាលពីរសៀលថៃ្ងទី០៦ ខែតុលា ឆ្នាំ២០២១ ដោយទទួលបានព័ត៌មានអំពីករណីរថយន្ដធ្លាក់ផ្លូវនៅចំណុចលោកយាយម៉ៅពេជ្រនិល ផ្លូវជាតិលេខ៤ ចន្លោះគីឡូម៉ែត្រលេខ103-104 ស្ថិតនៅភូមិទី៦ ឃុំត្រែងត្រយឹង ស្រុកភ្នំស្រួច។ ប្រភេទរថយន្តម៉ាក Nissan Frontier ពណ៌ទឹកប្រាក់ ស្លាកលេខភ្នំពេញ 2BJ-1350 អ្នកបើកបរមិនស្គាល់អត្តសញ្ញាណ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនកេីតហេតុសាក្សីបានឃេីញរថយន្ដបើកបរពីទិសខាងលិចទៅទិសខាងកើត លុះមកដល់ចំណុចកើតហេតុបានរេចង្កូតរួចបណ្ដាលឱ្យធ្លាក់ផ្លូវ។ ក្រោយហេតុការណ៍អ្នកបេីកបរមិនមានរងរបួសអ្វីនោះទេ (មនុស្សប្រុសតែម្នាក់ឯង) បានដេីរឡេីងមកលេីថ្នល់ថារង់ចាំបងប្អូនមកតាមក្រោយរួចបាត់ខ្លួន ពេលសមត្ថកិច្ចមកដល់ទីតាំងកេីតហេតុ ដោយការរង់ចាំអស់រយៈពេលមួយយប់មិនឃេីញម្ចាស់រថយន្ដមកវិញ នៅរសៀលថៃ្ងទី០៧ ខែតុលា ឆ្នាំ២០២១ សមត្ថកិច្ចនគរបាលសណ្ដាប់ធ្នាប់ នៃអធិការដ្ឋាននគរបាលស្រុកភ្នំស្រួច (លោកវរសេនីយ៍ទោ ពៅ នឿន អធិការរងស្រុកភ្នំស្រួច បានសុំគោលការណ៍យោបល់ថ្នាក់ដឹកនាំស្ទួចយករថយន្ដខាងលេីមករក្សាទុកបណ្ដោះអាសន្ននៅអធិការដ្ឋាននគរបាលស្រុកភ្នំស្រួច)។

សមត្ថកិច្ចបានប្រកាសឲ្យម្ចាស់រថយន្ត NISSAN FRONTIER ឬអ្នកស្គាល់ម្ចាស់រថយន្ដខាងលេីមេត្ដាជួយផ្ដល់ដំណឹងអោយដល់សាច់ញាតិឬបងប្អូនមកទទួលយករថយន្ដខាងលេីនេះផង ដោយភ្ជាប់ឯកសារមកជាមួយ៕

Related Topics: