ចរាចរណ៍

បើករថយន្តមិនប្រយ័ត្នចំណុចផ្លូវកោង ជ្រុលបុកឡើងខឿនសួនច្បារខ្ទេចមួយកំណាត់មុខ

បានផុស

៥ years មុន

នៅ

ថ្ងៃពុធ ១ ធ្នូ ២០២១

ដោយ

យុវជនប្រុសស្រី៣នាក់ រួមដំណើរក្នុងរថយន្តមួយគ្រឿងបើករបរក្នុងល្បឿនលឿន មិនប្រយ័ត្នចំណុចផ្លូវកោងបួងចង្កូតមិនទាន់ ជ្រុលបុកសួនច្បារពុះចែកទ្រូងផ្លូវរងការខូចខាតមួយកង់ និងបន្តទៅបុកឡើងខឿនចិញ្ចើមផ្លូវ កល់រថយន្តទៅមុខលែងរួច តែសំណាងល្អមិនបណ្ដាលឲ្យមានមនុស្សរងរបួសឡើយ។ហេតុការណ៍នេះកើតឡើងកាលពីវេលាម៉ោង០៩និង៣០នាទីយប់ ថ្ងៃទី៣០ ខែវិច្ឆិកា ឆ្នាំ២០២១ នៅចំណុចជិតរដ្ឋាករទឹក ស្ថិតនៅតាមបណ្ដោយផ្លូវR៥ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឲ្យដឹងថា នៅមុនពេលកើតហេតុ មានមនុស្សប្រុស ស្រី៣នាក់ បើករថយន្តមួយគ្រឿងម៉ាក តូយូតា ព្រូស ស៊េរីឆ្នាំ2010 ពណ៌ស ពាក់ស្លាកលេខ ភ្នំពេញ 2BK-2925 បានធ្វើដំណើរតាមបណ្តោយផ្លូវR5 ទិសដៅពីកើតទៅលិច ក្នុងល្បឿនលឿន ខណៈមកដល់ចំណុចកើតហេតុ ដែលជចំណុចផ្លូវកោង បួងចង្កូតមិនទាន់ក៏ជ្រុលទៅបុកសួនច្បារពុះចែកទ្រូងផ្លូវ រងការខូចខាតមួយកង់ ហើយរថយន្ដមិនទាន់អស់ល្បឿន ក៏បន្តទៅបុកឡើងខឿនចិញ្ចើមផ្លូវ កល់រថយន្តទៅមុខលែងរួច ខូចខាតរថយន្តបាក់ កាឡេកង់មុខខាងស្តាំ និងខូចខាតផ្នែកខាងមុខស្ទើរទាំងស្រុង។