Connect with us

ចរាចរណ៍

រថយន្តHUMMERបុកម៉ូតូអូសជិត២០ម៉ែត្រនៅចំណុចផ្លូវបំបែកជាបួន

បានផុស

នៅ

​បុរស​ម្នាក់​បាន​រងរ​បួស​ធ្ងន់​ត្រូវ​បញ្ជូនទៅ​សង្គ្រោះ​នៅ​មន្ទីរពេទ្យ​ភ្លាមៗ​ ខណៈ​កំពុង​ជិះ​ម៉ូតូ​ត្រូវ​រថយន្ត​បុក​អូស កាលពី​វេលា​ម៉ោង​១១​និង​២០​នាទី​យប់ ថ្ងៃទី​១១ ខែធ្នូ ឆ្នាំ​២០២២ នៅ​ចំណុច​ផ្លូវ​លេខ​២៨៨​កែង​ផ្លូវ​លេខ​១៤៣ ស្ថិតក្នុង​សង្កាត់​បឹង​កេងកង​ទី​២ ខណ្ឌ​បឹង​កេងកង រាជធានី​ភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​ប្រភពព័ត៌មាន​បានឱ្យដឹងថា មុនពេល​កើត​ហេតុ​គេ​បាន​ឃើញ​បុរស​ម្នាក់​ជិះ​ម៉ូតូ​ម៉ាក​ស្មាស​ ពណ៌​ខ្មៅ ពាក់​ស្លាក​លេខ​ភ្នំពេញ​1AC 2355 ធ្វើដំណើរ​តាម​បណ្តោយ​ផ្លូវ​លេខ​២៨៨ ក្នុងទិសដៅ​ពី​កើតទៅ​លិច​ ខណៈ​មកដល់​ចំណុច​កើត​ហេតុ​ជា​ផ្លូវបំបែក​ជា​បួន​ស្រាប់​តែមាន​រថយន្ត​ម៉ាក​HUMMER ពណ៌​ប្រផេះ ពាក់​ស្លាក​លេខ​ភ្នំពេញ​2AT 3663 ធ្វើដំណើរ​តាម​បណ្តោយ​ផ្លូវ​លេខ​១៤៣ ក្នុងទិសដៅ​ពី​ត្បូង​ទៅ​ជើ​ង​ក៏​ជ្រុល​បុក​ពេញទំហឹង​អូស​ប្រហែល​ជិត​២០​ម៉ែត្រ​បណ្តាលឱ្យ​អ្នក​បើ​កបរ​ម៉ូតូ​រងរបួស​ធ្ងន់ ត្រូវបាន​រថយន្ត​សង្គ្រោះ​ដឹក​ទៅ​មន្ទីរពេទ្យ​ភ្លាមៗ​។

ក្រោយ​កើត​ហេតុ​សមត្ថកិច្ច​មូលដ្ឋាន​បាន​ចុះ​ទៅដល់​ចំណុច​កើ​ត​ហេតុ​និង​ទាក់ទង​ទៅ​ជំនាញ​ការិយាល័យ​ចរាចរណ៍​ផ្លូវគោក​នៃ​ស្នងការ​នគរបាល​រាជធានី​ភ្នំពេញ​ មក​ធ្វើការវាស់វែង​យកទៅ​រក្សាទុក​រង់ចាំ​ដោះស្រាយ​ពេល​ក្រោយ​៕​

អត្ថបទ៖ សុខា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម