ចរាចរណ៍

រថយន្តបីគ្រឿងបុកតកន្ទុយគ្នា បណ្តាលឱ្យរងការខូចខាត

បានផុស

៤ ខែ មុន

នៅ

ថ្ងៃព្រហស្បតិ៍ ២០ មករា ២០២២

ដោយ

ភ្នំពេញ ៖ រថយន្តឡិចស៊ីសបើកលឿនជ្រុលបុករថយន្តរថយន្តតាកូម៉ារុញផ្ទប់រថយន្តFORD បណ្តាលឱ្យរងការខូចខាតយ៉ាងដំណំសំណាងល្អមិនមានមនុស្សរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ នេះបានកើតឡើងកាលពីវេលាម៉ោង១០យប់ ថ្ងៃទី២០ ខែមករា ឆ្នាំ២០២២ នៅចំណុចស្តុបបញ្ញាសាស្ត្រ តាមបណ្តោយផ្លូវនរោត្តម ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញរថយន្តម៉ាកFord RANGER ពណ៌ស ពាក់ស្លាកលេខភ្នំពេញ2BS 7678 និងរថយន្តម៉ាកតាកូម៉ា ពណ៌ខ្មៅ ពាក់ស្លាកលេខកំពង់ចាម 2A7457 ធ្វើដំណើរតាមបណ្តោយផ្លូវព្រះនរោត្តម ក្នុងទិសដៅពីត្បូងទៅជើង ខណៈមកដល់ចំណុចកើតហេតុក៏បានឈប់រង់ចាំស្តុបភ្លាមនោះស្រាប់តែមានរថយន្តម៉ាកឡិចស៊ី ពណ៌ទឹកប្រាក់ពាក់ស្លាកលេខភ្នំពេញ2AR 7091 បើកបរមកពីក្រោយក្នុងល្បឿនលឿនជ្រុលបុករថយន្តតាកូម៉ាពេញទំហឹងរុញទៅបុករថយន្តFord បណ្តាលឱ្យរងការខូចខាតតែសំណាងមិនមានមនុស្សរងរបួស។

ក្រោយកើតហេតុសមត្ថកិច្ចបានចុះមកដល់ចំណុចកើតហេតុធ្វើការសម្របសម្រួលដោយម្ចាស់រថយន្តបង្កព្រមចេញថ្លៃជួសជុលទៅលើរងគ្រោះទាំង២គ្រឿងដើម្បីបញ្ចប់រឿងនៅកន្លែងកើតហេតុ៕

ដោយ ៖ សុខា