ចរាចរណ៍

សង្ស័យស្រវឹងបើករថយន្តក្នុងល្បឿនលឿនមិនប្រយ័ត្នជ្រុលទៅបុកម៉ូតូ១គ្រឿងបណ្តាលឲ្យរងរបួសកណ្តាលថ្ងៃត្រង់

បានផុស

៤ years មុន

នៅ

ថ្ងៃចន្ទ ៣១ មករា ២០២២

ដោយ

ភ្នំពេញ ៖ មានហេតុការណ៍គ្រោះថ្នាក់ចរាចរណ៍បង្កការភ្ញាក់ផ្អើលដល់ប្រជាពលរដ្ឋទាំងកណ្តាលថ្ងៃត្រង់ខណៈបុរសម្នាក់បានបើករថយន្តក្នុងល្បឿនលឿនដែលសង្ស័យស្រវឹងស្រាមិនប្រយ័ត្នក៏ជ្រុលទៅបុកម៉ូតូ១គ្រឿងបណ្តាលឲ្យរងរបួស។ ចំណែករថយន្តក៏បានបោះពួយបន្តទៅបុកបន្តជាមួយរបងផ្ទះប្រ ជាពលរដ្ឋនៅក្បែរនោះរងការខូចខាតយ៉ាងដំណំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់នេះបានកើតឡើងនៅវេលាម៉ោងប្រមាណ១២ថ្ងៃត្រង់ថ្ងៃទី៣១ខែមករាឆ្នាំ២០ ២២ស្ថិតនៅភូមិព្រៃទទឹង ឃុំចន្ត្រី ស្រុករមាសហែក ខេត្តស្វាយរៀង។

បើយោងតាមប្រភពពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តម៉ាកSISSANមួយគ្រឿងពាក់ស្លាកលេខភ្នំពេញ2U.87 55បើកបរមកក្នុងទិសដៅពីជើងទៅត្បូងដោយស្របគ្នាជាមួយម៉ូតូជនរងគ្រោះពាក់ស្លាកលេខស្វាយរៀង1K.46 44។

ប្រភពបានបន្តថា លុះមកដល់កន្លែងកើតហេតុរថយន្តខាងលើក៏បានជ្រុលចង្កូតទៅប៉ះជាមួយម៉ូតូជ នរងគ្រោះបណ្តាលឲ្យដួលរងរបួសបែកក្បាលនិងរលាត់ដៃជើងរីឯរថយន្តក៏បន្តបោះពួយទៅមុខបន្តធ្លាក់ចូលក្នុងស្រែនិងបុករបងផ្ទះប្រជាពលរដ្ឋនៅក្បែរនោះបណ្តាលឲ្យរងខូចខាតរថយន្តយ៉ាងដំណំប៉ុន្តែសំណាងល្អម្ចាស់មិនរងរបួសឡើយ។

ដោយឡែកបើតាមការឲ្យដឹងពីសមត្ថកិច្ចដែលបានចុះមកដល់កន្លែងកើតហេតុខាងគឺជនរងគ្រោះមានឈ្មោះ យឹម សុផា អាយុ៣២របួសបែកក្បាលត្រូវបានប្រជាពលរដ្ឋជួយនាំយកទៅព្យាបាលនៅមន្ទីរពេទ្យ។ ចំណែកម្ចាស់រថយន្តបង្កមានឈ្មោះ ម៉ន ថី អាយុ៤២ឆ្នាំ ត្រូវបានប្រជាពលរដ្ឋនិងសមត្ថកិច្ចឃាត់ឲ្យនៅកន្លែងកើតហេតុដើម្បីរង់ចាំការដោះស្រាយគ្នាផងដែរ៕

ដោយ ៖ ចាន់រ៉ា